العربية اتخبطت

**mazenzyad** · 26-02-2011 10:58 AM

النهاردة و انا بمسح العربية اتصدمت !!!!!!!!
لقيت تحت الجريدة الحلية فوق العتب الخاص بالباب الاول اليمين من قدام الصاج مخبوط و داخل لجوه و فى خط بالطول عامل اثر فى الصاج و لكن البويه متشالتش ..
انا زعلان جداااااااااااااااا
يا ترى ايه الحل اروح ورشه مع نفسى و افك الفرش بتاع الباب و ارد على البارد ؟ و لا استنى صيانة ال 5000 ؟ ايهما افضل ؟ لوجى عاملة 2000 كم لحد دلوقتى ....
يا ريت تطمنونى بسرعة

**haytham1542** · 26-02-2011 11:09 AM

رأى - انك تستني حتى صيانة 5000 - اه هاتدفع كتير بس علي القل هاتحافظ علي الضمان بتاع العربية و ضمان الدهان

**gebreel** · 26-02-2011 11:50 AM

بص يا باشا اطلع على العقيد خالد هيردهالك على البارد بدون اي مشكلة و بتكلفة بسيطة قوي ان شاء الله و مش هتبان

نفس الموضوع حصل مع صاحبي في سبارك و رحتله و عملها و الحمد لله العربية مش باين فيها اي حاجة ولا حتا الصاج مكرمش او من اي زاوية مش مظبوط

طالما ان البوية متأثرتش اعملها انت على البارد و مش هتزيد عن 70 او 100 جنيه

**gebreel** · 26-02-2011 11:57 PM

المشاركة الأصلية كتبت بواسطة mazenzyad

فى ناس حذرتنى من فك فرش الباب من جوه خارج التوكيل ، ايه رأيك ؟

ليه ان شاء الله؟!!

حضرتك اللوجان اساسا فرشها مفيهوش فن خصوصا ان زراير الزجاج الكهرباء مش في الباب من اساسو و حتى لو في الباب انا في اللادا بفك الفرش بنفسي و اركبو بنفسي هي فيشة فكها و ركبها و بعدين لو لا قدر الله حاجة حصلت و الفرش مركبش صح و انا استبعد دي تماما لأن اللي عند سيادة العقيد صنايعية نمرة 1 و هو شخصيا مبيسيبش حاجة تخرج من تحت ايده اي كلام و ده عن تجربة ساتها في اي صيانة تطلع على السمكرة و تخليهم يركبوهولك تاني و يخلص الموضوع بتكلفة قليلة جدا

متقلقش و الفرش سهل و العربية مش معقدة و ان شاء الله بسيطة

**mazenzyad** · 28-02-2011 06:33 AM

متابع

**mrfarouk** · 01-03-2011 12:15 AM

المشاركة الأصلية كتبت بواسطة gebreel

بص يا باشا اطلع على العقيد خالد هيردهالك على البارد بدون اي مشكلة و بتكلفة بسيطة قوي ان شاء الله و مش هتبان

نفس الموضوع حصل مع صاحبي في سبارك و رحتله و عملها و الحمد لله العربية مش باين فيها اي حاجة ولا حتا الصاج مكرمش او من اي زاوية مش مظبوط

طالما ان البوية متأثرتش اعملها انت على البارد و مش هتزيد عن 70 او 100 جنيه

مين العقيد خالد ده؟
يا ريت توصفلى عنوانه او لو معك موبايله اكون شاكر ليك جدا

**best2010** · 01-03-2011 03:37 AM

المشاركة الأصلية كتبت بواسطة mrfarouk

مين العقيد خالد ده؟
يا ريت توصفلى عنوانه او لو معك موبايله اكون شاكر ليك جدا

الأعلان موجود اعلى الصفحة
العقيد لسمكرة السيارات - الحرفيين وارقام التليفون و وصف المكان وازاى توصله
كليك على الأعلان فقط

**DR/WAFEK** · 01-03-2011 10:52 PM

فك الفرش مفيش اسهل منه انت حتجيب مفكات الانكيه وهما مسمارين واحد فى الاكره والتانى فى المقبض اللى جوه وبعدين تجيب مفك وبراحه تحاول تفكه من تحت هتلاقيه لازق بلزق اسمر ....وبعدين تفك الكر والحته اللى مع المسوجر بس كده هيطلع معاك بس بلاش انت تشتغل شغل السمكره انا كان عندى خبطه رحت رضيتها ب 15 جنيه بس معجبنيش علشان فعلا كانت مدغدغه رحت لاخوه سخنته انه احسن سمكرى فى الدنيا وان اخوه هيسوئ سمعة الورشه قعد يدقدق فيها لحد ما نعمها خالص

الموضوع: العربية اتخبطت

LinkBack

أدوات الموضوع

عرض

-

-

-

-

المواضيع المتشابهه

العربية اتخبطت

العربية اتخبطت

العربية اتخبطت

العربية اتخبطت؟؟؟؟؟

العربية اتخبطت !!!!!

الكلمات الدلالية لهذا الموضوع

المفضلات

المفضلات

ضوابط المشاركة