مشكلة ف نوبيرا اوتوماتيك 2006 فى الفتيس

السلام عليكم

يا جماعة انا اشتريت نوبيرا اوتوماتيك 2006 حالتها ممتاز عامله 38000 كيلوا واول ما جبتها ودتها لبتاع العفشة قالى تمام وكذلك الميكانيكى بس انا عندى مشكلتين فيها

اولا: فى صوت زنه كده لما بادوس فرامل الزنه دى من عند العجلة ايلى قدام الدركسيون ومش عارف هي سببها ايه وصوت العربيه عالى فى طلعتها شويه وسحبها مش اوي فى الطلعة بس

ثانيا : في زيت فتيس بينقط بطريقة صعبة ومحدش عارف السبب منين المهم ان توصلت ان في خرطوم سايب بيوقع الزيت ده بس مش عارف الخرطوم ده مفصلون منين صاحب العربيه القديم كان مدخله ف فتحة فوق العجلة الشمال فلقيته مغرق الفجوة الشمال زيت فتيس وكمان بينقط من عند مقاس زيت الفتيس

فياريت حد يقولى اعمل ايه كل ايلى اقابله يخوفنى من الميكانيكي ويقولى هيبوظ لك الفتيس

زيت الفتيس هو روح الفتيس الأوتو اي تسريبات لازم تتعالج وبأسرع وقت
الطلعة التقلية خاصية يشترك فيها كل العربيات الأوتو
الزنة اللي بتحصل معاك هل بتحصل في اتجاه معين يعني قدام بس او ورا بس ممكن تكون كرسي الفتيس موجود تحت قاعدة البطارية شيل البطارية و بص علية
صوت العربية في الطلعة عالي و الأربي ام عالي ز بتنقل من الأول للتاني متاخر يبقي زيت الفتيس عندك ابتدي ينقص
طريقة قياس زيت الفتيس علشان تعرف ناقص او زايد
لازم تكون العربية سخنة مشت 18 كيلو علي الأقل تحط ذراع الفتيس علي الP و تاخد المقاس و يكون قريب من hot
او ترفع فرامل اليد كويس و تجيب علي الR وتاخد المقاس وبرضو يكون قريب من hot
و مبروك عليك العربية و ربنا يكفيك شرها

شكرا يا moko على ردك

http://img824.imageshack.us/i/26022011240.jpg/http://img59.imageshack.us/i/26022011242.jpg/http://img263.imageshack.us/i/26022011241.jpg/

دى يا جماعة صور الخرطوم ايلى بينزل زيت

والزنه انا باسمعها من ورا الجنط الامامى شمال ومش عارف سببها اايه ولما رحت لميكانيكى كان مش فاهم وكان هيفك لى العفشة

انا عاوز ابق فاهم قبل ما اروح لحد يدمرها

الخرطوم دة انا مش عارف بيركب فين بس شوف حد بتاع فتايس اوتو يفيدك دي شغلانة مش هتاخد منه 5 دقايق
في صورة من الصور لمقاس الزيت بتاعك هو فين شوفة و ركبة مكانة ليجيب زين من مكان المقاس الانبوبة الحديد الي بتشبه مقاس زيت الموتور

الزنة اللي بتسمعها دي غالبا من كرسي الفتيس لأنة مكانة في الحتة دي اكشف علية دي اخرها لما تغيرة ب 150 جنية و هيريحك من الصداع في كل طلعة للعربية و زائد انة هيرفع العربية من النص شوية فهيقلل الحك في المطبات
الكرسي ملوش اي علاقة بالعفشة دي حتتين حديد بينهم قطعة سمكية من الكاوتش لما الكاوتش دة بيفصل الحتتين الحديد بيخبطو في بعض و دة صوت الزنة في العربية عند كل طلعة و متحسهاش و انت بترجع لورا ديما بتحصل و انت متجهه للأمام و في البداية وما بين النقلات

بعد ما تظبط العربية يا برنس ابقي ركب بوجيهات بلاتينيوم برقم يبدأ ب bkr5e و اكشف علي رشاشاتك بالتراسونيك وغيرالفلتربتاع الهوا و البنزين لو وسخين و شوف سحب العربية هيبقي عامل ازاي العربية هتزغرط وحيات ابويا هتزغط

من الممكن ان تكون هذه الزنة من طلمبة الباور وقد يكون الزيت المتسرب هو زيت باور لان زيت الباور هو زيت الفتيس الاوتو فتاكد من قياس زيت الباور فاذا وجدت به نقص فهذا هو سبب الزنة واذا وجدته سليم فقد يكون التسريب من الفتيس والله اعلم

اقتباس:

---

المشاركة الأصلية كتبت بواسطة moko_2004

بعد ما تظبط العربية يا برنس ابقي ركب بوجيهات بلاتينيوم برقم يبدأ ب bkr5e و اكشف علي رشاشاتك بالتراسونيك وغيرالفلتربتاع الهوا و البنزين لو وسخين و شوف سحب العربية هيبقي عامل ازاي العربية هتزغرط وحيات ابويا هتزغط

---

هل البوجيهات دى تنفع لللانوس
واية هو الرقم دا
وبتتباع فين وبكام
شكرا

اقتباس:

---

المشاركة الأصلية كتبت بواسطة moko_2004

بعد ما تظبط العربية يا برنس ابقي ركب بوجيهات بلاتينيوم برقم يبدأ ب bkr5e و اكشف علي رشاشاتك بالتراسونيك وغيرالفلتربتاع الهوا و البنزين لو وسخين و شوف سحب العربية هيبقي عامل ازاي العربية هتزغرط وحيات ابويا هتزغط

---

هل البوجيهات دى تنفع لللانوس
واية هو الرقم دا
وبتتباع فين وبكام
شكرا

اه تنفع لللأنوس ودة الرقم الخاص بعربيات المواتير E-Tec هتجيبة من اي توكيل NGK تقريبا مكانهم في السيدة زينب
والرقم اهميتة انك هتركب اقرب نوع للأصلي بس هيبقي بلاتينيوم ميبقاش البوجية بارد او سخن علي المكنة فميعملش اي اضرار مستقبلة في وش البستم

اقتباس:

---

المشاركة الأصلية كتبت بواسطة azhk

من الممكن ان تكون هذه الزنة من طلمبة الباور وقد يكون الزيت المتسرب هو زيت باور لان زيت الباور هو زيت الفتيس الاوتو فتاكد من قياس زيت الباور فاذا وجدت به نقص فهذا هو سبب الزنة واذا وجدته سليم فقد يكون التسريب من الفتيس والله اعلم

---

النوبيرا دورة زيت الفتيس منفصلة عن دورة زيت الباور مع انة نفس نوع الزيت المستخدم وبرضة احتمال الزنة تيجي من الباور بس الراجل بيقول الزنة من الشمال مش من اليمين انا استبعدت الباور لهذا السبب

بص يا اخى فى واحد استاذ اسمه ربيع دايوو فى خضر التونى هو اللى ظبط لى الفتيس الاوتو بتاع دايو ريسر ملوش حل بجد

عالج تسريب الزيت الاول و فورا
و بعد كدة شوف نفس الاصوات وجودة ولا لا

اقتباس:

---

المشاركة الأصلية كتبت بواسطة zzezzoo

بص يا اخى فى واحد استاذ اسمه ربيع دايوو فى خضر التونى هو اللى ظبط لى الفتيس الاوتو بتاع دايو ريسر ملوش حل بجد

---

طيب معلش يا باشا هو فين خضر التوني ده
وممكن رقم تليفونه للاهمية

انا متشكر يا جماعة على اهتمامكم

انا الحمد لله عرفت مشكلة الزيت كانت فين

روحت لواحد بتاع فتيس فقالى الخرطوم ده خرطوم الفايظ بتاع الفتيس وقاس لى زيت الفتيس فقال ده مفيش ف الفتيس زيت والخرطوم بتاع الفايض فيه سيكسبلف علطلان هنفكه وننظفه وهو السبب في نقص الزيت كده فقالى عدى عليا الصبح واشتري علبتين زيت المهم مقتنعتش بالكلام ورحت توكيل عيسي للسيارات ف المنصورة قالى ده فعلا اسمه خرطوم الفايظ وقاس لى الزيت فقال الزيت مظبوط وزياده كمان عن الطبيعي وقالى هو انت زودت الزيت ده قلت له ايوه قالى يا باشا هو "مياه " الخرطوم ده بينزل الزياده بس وايلى بتحطه ده زياده وملحوظتى انا الشخصية ان الزيت اتقاس والعربيه مكانتش ماشيه كتير ولما اتقاس ف التوكيل كنت ماشي بالعربيه اكتر من 10 كيلو زى ما قال moka وبالتالى مقاس الزيت طلع مظبوط وزياده كمان

اما الزنه بقا لسه معرفش ليها حل واول ما اعرف هاقولك نقلا للخبرات عشان الكل يستفيد

اسف على الاطاله يا جماعة واتمنى الكل يستفيد ومنمشيش ورا كلام اى ميكانيكى مش فاهم يخرب العربيه

اقتباس:

---

المشاركة الأصلية كتبت بواسطة acounter012

طيب معلش يا باشا هو فين خضر التوني ده
وممكن رقم تليفونه للاهمية

---

فين خضر التوني ده يا جدعان

هو خضر التوني ده مش موجود ولا ايه