الموضوع: صني & لوجان & ريو & أكسنت

والله فعـلا انا مش عارف اقولكم بس ربنـا يجزيكوا ان شـاء الله الف خيـر و انا اتمنى ان ربنـا يوقفنى واجيب الصنى بناءا على ترشيحاتكم
الله المستعان ان شاء الله و جزيـل الشكـر

كل العربيات دي مظلومه مع الصني ... الصني فئة أعلى و ياباني ، و ثبات أعلى ، و موتور ممتاز و معمر جدا .
لو تقدر تجيب الصني ليه مافكرتش في البروتون جين 2 ؟؟

المشاركة الأصلية كتبت بواسطة mohamednagib

انا معاك ان الجين 2 ممتازة ... و تنافس الصني بشدة في هذه الفئة فعلا .....

لكن هناك كلام كثيييير عن اسعار قطع الغيار ....

و لا انت ايه رايك ...

قطع الغيار أكيد مش هتكون منتشرة زي الصني ... لكن حاليا بقت متوفرة مش زي زمان .. و التوكيل اتطور شوية .. يعني الحاجات الاعتيادية هتلاقيها بره بسهولة .. و كمان قطع الغيار الميكانيكية دي كتير منها زي اللانسر بالظبط .

نقدر نقول الوضع دلوقتي متوسط .. مش وحش .. ماحدش بقى بيحتاس يعني .. ولو فيه حاجة ضرورية القاهرة مليانه.

طبعا الصني و الجين ... نقدر نقارنهم ببعض .. يعني عربيتين في سعر واحد و كل واحده فيهم ليها مزايا و عيوب على التانية
الصني : ياباني دي لوحدها ميزة ... معمرة أكتر ( ولو إني الجينا اللي من 2004 مازالت كإنها جديدة لحد دلوقتي ) ... عفشة طرية أكثر ... أسعار قطع غيار و توكيل أفضل و أكثر انشارا و سعر إعادة بيع.. صاج أكثر متانه و دهان أكثر ثباتا.

الجين : موتور أقوى و سحب أسرع... عفشة أنشف نسبيا لكنها أكثر تطورا و ثباتا ... أوبشنز ممتازة جدا من المالتي ، للفرامل ( abs - ebd ) بالتالي أمان ممتاز جدا ، باركينج سينسورز ، فوجات ، سبويلر و مساحة رياضيه خلفية و شكل شبابي جدا ، جنوط عريضة 15 فضي ، و كاسيت في منتهى الشياكة و الكفاءة .

يعني الموضوع هيطول لو دخلنا في تفاصيل أكتر عن الصني و الجين ... خلينا مانتوهش صاحب الموضوع ... ده كان مجرد اقتراح.

المشاركة الأصلية كتبت بواسطة mohamednagib

كلام غاية في الحيادية.....

لكن للاضافة فقط ....

الصني يتوفر بها abs و ebd و ba ايضاو كذلك جنوط 15......و اكيد فوجات ....

كويس إنك زودت لمعلوماتي موضوع إن الصني فيها ( ebd ) ده شيء ممتاز جدا ...
عموما .. أنا كنت بقول فعلا إن المقارنة بين الصني و الجين 2 هتكون هنا فيها كلام ... لإن قبل كده كان الموضوع محسوم للصني تماما بدون محاولة للتفكير من وجهة نظري حتى لو كان شكلها قديم و حتى لو كانت قطع غيارها أغلى نسبيا.
يمكن الموضوع في الصني و الجين هيكون شخصي و نسبي ... فيه اللي يحب الأصل ( الياباني ) و يا حبذا لو كان وزنها تقيل و صاجها كويس حتى لو هتكون أقل في السحب ، و فيه اللي بيحب التطور في التكنولوجيا و الشكل الشبابي و العربية اللي تساعده في كل حاجة حتى لو كانت قطع غيارها شوية هتتعبه.

مش عايزين نتوه صاحب الموضوع .... إحنا عملنا اللي علينا و ساعدناه في اختياره بين العربيات اللي هو بيفكر فيها و كمان عرضنا عليه حاجات أكتر .. و بالتوفيق للجميع.