لو سمحتم عايز اعرف الهيونداى نيو اكسنت اوتو ماتيك كويسه ولا لا ياريت حد يجوبنى

**xx7mada** · 26-02-2011 04:00 PM

السلام عليكم ورحمه الله وبركاته

انا ناوى اشترى هيونداى نيو اكسنت بس اوتومتيك ياترى كويسه ولا المونويل احسن
وجزاكم الله خير

**eldeplomasy** · 12-03-2011 01:05 PM

معايا 2011 مانيوال ما شاء الله تمام

لو بتحب السحب يبقى مانيوال لو الراحه يبقى اوتوماتيك

والف مبروك مقدما

**mememsaid** · 16-03-2011 04:15 PM

مع اخويا بقالها سنه
عربيه حلوه اوي
بس غليت جدا وسعرها بقي اوفر اوي

**islamallam** · 17-03-2011 11:48 AM

انا معايا مانيوال 2010
لو بتسوق فى الزحمة يبقى اتوماتيك لو بتحب السحب طبعا المانيوال افضل
كده كده الموتور بتعها واحد وسحب العربية ممتاز

بس للأمانة العربية فيها عيوب ضيقة شوية خفيفة اوى يعنى بتلعب على الطريق لو عديت 120 كيلو الكاسيت بتعها زفت وكده كده هتغيره فى التوكيل بعد فترة من الاستعمال وكمان السنتر بتعها غالبا بيعلق وده كمان ظهر فى كتير من النيو اكسنت
بس مجملا العربية كويسه ومن افضل العربيات فى الفئة بتاعتها
بس فكر شوية وهات الشكل الجديد شكله شبه السوناتا بس على صغير واعتقد الاتوماتيك بتاعت الشكل الجديد 96000
ومبروك مقدما

**AMIRELGOHARY** · 19-03-2011 06:54 PM

معايا مو 2010 وجميلة جدا وكانت افضل سيارة بالنسبة للسعر وقت الشراء (82000)
بالنسبة للمشاكل حتى الان الباب الخلفى السنتر فصل والتكييف بتقل برودته بعد 3-4 شهور بس بتيضبط اول ما اروح الصيانة وطبعا المشاكل بتختلف حسب الاستخدام و بعض الحظ
اليوم الموديل الجديد رائع خارجيا والصالون ايضا. فقط قارن السعر والامكانيات لان الاوبترا اكبر وارخص (93000 تقريبا) وربنا يوفقك لما فيه الخير

**tiger45** · 19-03-2011 07:17 PM

متجيب صني اوتو

**firstknight216** · 28-03-2011 05:01 PM

العربية ممتازة توكل على الله انا معايا موديل 2009
طبعا المانيول بريح الموتور اكتر لأن فيه غيار خامس
لكن السحب واااااااااااااحد

**rzeiny** · 28-03-2011 05:34 PM

الاوتوماتيك في السحب عموما مش قوي بس الاكسنت فعلا خفيفة جدا عالطريق اه السحب عالي والسرعة كبيرة لكن ثبات يخوف + الكاسيت تعبان وضيقة من ورا جدا بس عالية في المطبات وشنطة واسعة وعفشة ناشفة .
كان معايا 2010 وبعتها .
الاوبترا جميلة وواسعة بس احذر مشكلة علبة الدركسيون .

**accentt2011** · 02-04-2011 03:19 PM

هااااي انا معايا نيو اكسنت 2011 اتوماتيك بصراحة العربية بسم الله ماشاء الله حلوة اوووي والحمد لله مريحاني بس هي ممكن تكون خفيفة بس لسة محستش بدة اوووي لاني مش بجري اوي يعني بس انا بحبهااا اوي
علي فكرة انا عاملة جروب لسة جديد ع الفيس بوك عشان عشاق العربية دي ومالكيها ارجو الانضمام عشان نبقي نتكلم ف اي حاجة تخصها هناك كمان اية رايكم
الجروب اسمه

new accent lovers
ارجو الانضمام

**mashrafz** · 08-04-2011 03:23 AM

انا معايا اتوماتيك من 2008 و العربية ممتازة الحمد لله بتجيب 190 بالتكييف و جواها 4 ما شاء الله و ف الشد بتسعف جدا بس البنزين طبعا محتاج انك ماتقلش رجلك عليها و ماتفضل تشد على الفاضى حاول تمشى بالراحة
انا محستش فيها بموضوع انها خفيفة ده خالص اما تقارنها قارنها مع حاجة ف حجمها و وزنها
انا راى لو تقدر تجيب اللى فيها اى بى اس يبقى احسنلك جدا اينعم غالية بس شوف قوة الموتور و امكانيات العربية غير انها كلها ككل بتيجى باكج من كوريا مصنعها ماعدا السنتر (بيعلق كتير) و الكاسيت (اتاكد انه كاسيت هيونداى مش اى حاجة تانى. بس متهيقلى انه بقى مبنى جوة الطابلوة فى الموديل الجديد)