عايز اعرف لو غيرت السماعات الاصليه كده هاخرج من الضمان و لا لا و كمان عاوز اركب وحده اضاءه و جراب النظاره الموجودين بين الشماستين هل ينفع و لا لا
عايز اعرف لو غيرت السماعات الاصليه كده هاخرج من الضمان و لا لا و كمان عاوز اركب وحده اضاءه و جراب النظاره الموجودين بين الشماستين هل ينفع و لا لا
السلام عليكم
أخي الكريم ....... كيف حالك
اعتقد لو مش هايوصل للعب في الضفيرة يبقي مش هاطلع من الضمان .. وحضرتك حاول علي قد ما تقدر يبقي حد محترم وشغله نضيف علشا ميبوظش حاجة.
سؤال بس .... هي السماعات عاملة معاك مشكلة ولا حاجة ..؟؟
ووحده الاضاءة والجراب.. دول ذي اللي راكبين في السوبر صالون؟؟
متابع مع حضرتك رد الاعضاء المحترمين
تقبل مروري :))
اخي العزيز شكرا علي مرورك الكريم
اولا : صوت السماعات كويس الحمد لله بس كنت عايز أغيرها و أجيب بايونير
ثانيا : وحده الإضاءه و الجراب هما اللي في السوبر صالون فعلا و أنا عايز أركبهم عندي في الـ Ex Saloon
1111111111111111111111+
حسالك على موضوع السمعات لان كدا كدا انا حركب سماعات قريب بردوا
اللى اعرفه انه مش بتخرج من الضمان بس حنتاكد
وكمان حسالك على تركيب وحدة الاضاءة وجراب النظارة ده ينفع ولالا
متابع باهتمام
متابع باهتمام اكبر بس في رد علي موضوع السماعات انا كنت في التوكيل انهارده و سالت علي تغيير السماعات قالولي لو جيت جنب ضفيره الكهرباء هاتودع الضمان فبلاش تخلي الكهربائي ييجي جنبها فسألت لو جبت السماعات و انتوا تركبوها قالوا لا ما ينفعش طيب اعمل ايه مش عارف اما بالنسبه للوحده بتاعه جراب النظاره و النور لما سالت قالولي في ابو رواش بس مش متاكدين
طيب انا ليا سؤال لانى فكرت فى الموضوع دا كتير
اولا بالنسبه للسماعات هيا مجرد فك وتركيب يعنى مش عارف ليه التوكيل بيقول هتخرج من الضمان مع ان الموضوع فك وتركيب مش اكتر
ثانيا :- المهم وحده الاضائه انا فكرت فيها بس مش عارف هتركب اذاى وهتاخد الكهرباء بتاعتها اذاى ومنين وهل يوجد حفر فى السقف ولا بتركب اذاى لو ينفع تركب بيكون شكلها تحفه
متابع معاكم ....اكيد باهتمام
اخي العزيز انا تفكيري ان طالما الوحده دي موجوده في السوبر صالون يبقي ينفع تركب اكيد هايتفتحلها في السقف و اكيد ليها توصيله في ضفيره الكهرباء و اديني باحاول اسال و اعرف
اسف على التاخير فى الرد عشان عقبال ما سالت لحضرتكم
بص يا باشا ينفع فعلا تركب وحدة الاضاءة وتبيجى كاملة وحدة اضاءة بجراب النظارة , وبيعتبرها مركز الخدمة انها قطع غيار مش كماليات عشان لما حتسال على تمنها تسال فى قطع الغيار مش الكماليات
سعرها 600 جنيه بالتركيب وكله
طبعا بيفتحلها فتحة فى السقف فى نفس المكان اللى فيها فى السوبر صالون , وبيوصلها بالضفيرة , اومال حتاخد الكهرباء بتعها منين
وانا بحاول معاهم اجيب خصم للاعضاء النايل موتورز عليها وعلى تركيبها , بس مش حيكون خصم كبير اوى يعنى ممكن توصل احتمال الى 500 جنيه او 550 جينة عشان دى تعتبر قطعة غيار وربنا المستعان
وموضوع السمعات بتخرج من الضمان
غاليين قوي
شكرا على الافاده الجميله و الغنيه
بلاش تبوظ فى السقف و تقطعه
احمد شوف الليلة دي هتخلص كام من الاخر و انا حاجز اول واحد يركب
و شكرا علي تعبك الغالي يا جميل
عشان بس تعرفوا حاجة , ان كل فرق بنقول نوفره بين السوبر صالون بيكون تمنه كام
هو كويس عليها 400 جنيه ولكن انت حتعملها عندهم وبضمانهم وقطع اصلية وببتوصل فى الضفيرة
* صحيح كمان لهواة الجنوط الاصلية فى عندهم جنوط يابانى يابانى اصلى بالاربعة ب5000 جنيه لفترة محدودة لمدة شهر, كان سعرهم 10الاف جنيه
* وقريب فى ستارة كهرباء حتنزل عندهم ولسه حجيب تفاصيلها وسعرها ,
* وفى كمان مفاجاة كبيرة اوى قريبا بس تجهز تفاصيلها وتحضر عندهم ويجبوها حقولكم عليها
وربنا يكرم
وانت بيشو عارف بالذات غلاوتك عندى , حروحلك مخصوص واسعى ليك فى خصم محترم , زى اللى فات بتاع المرايات والشغل الجامد بتاع المرة اللى فاتت واللى مستنين تقريره يا باشا
وده اقل تقدير ليك كفاية تفاعلك ونشاطك مع الاعضاء , يبقا لازم منتاخرش عليك وعلى كل الناس اللى زيك
وفعلا انتظروا عروض وخصومات ممتازة الفترة اللى جاية
بجد يا احمد انا مش عارف اقولك ايه ولا ايه انت جدع بجد و ربنا يديك علي اد طيبة قلبك
طيب معلش انا عندي سؤال... الجنوط دي شكل واحد بس و لا ايه ؟؟ و مقاسها ايه... يا ريت لو عندك تفاصيل
الله اكبر يعني بتركب طيب في ابو رواش ولا فين
وحدة الاضاءة دى بتركب فى ابورواش فى اى فرع بس , بس هى مش موجودة حاليا لسه المصنع مش بعتلهم
اول ما توصل عندهم حقولكم على طول , بس بخصوص لو فى اى خصم حيكون فى الفرع الرئيسى ابو رواش وده عشان بنعرف فيه ناس تقدر تخدمنا , سواء فى الخصم او فى شغل التركيب
بخصوص الجنوط
الجنوط هى شكل واحد , وشكلها نفس الشكل الاصلى بتاع السوبر صالون , ومقاسها نفس المقاس بالظبط مقاس 15
ويابانى الاوريجينال
ومعمول عليهم خصم محترم , لان معروف ان الجنوط الاصلى الاصلى بتاع اى عربية واى ماركة بيكونوا معديين جدا فى سعرها ومش بيقل عن 8000 جنيه و10000 جنيه ,
وسعرهم معروض ب5000 جنيه ودى زى ما قولت لهواة ومحبى ومقدرى الجنوط الاصلى
اخي العزيز ahmed.tv شكرا جدا و مستنيين انك تقولنا ان الحاجه موجوده
ايه يا استاذ احمد مفيش جديد عن العروض اللي حضرتك قلت انك هتعلنها
لسه يا فندم بمجرد ما بعرف حاجة على طول اكيد حبلغكم
بس من مصادر مقربة
الفترة الجاية حيكون فيه حاجات جديدة وكويسة حتنزل عندهم وجديدة وحبلغكم بيها
بس طبعا عشان الوضوع الحالى اللى البلد فيه , الحركة تقيلة اوى , والشركات اللى بتورد ليهم اكسسورات الدنيا واقفة معاهم
وانا فى اتصالات دائمة معاهم وبروح مخصوص واتابع بنفسى عشان اعرف كل جديد
وباذن الله حيكون فى جديد ومفاجاءت كبيرة جدا للاعضاء
تحياتى
كتر خيرك يا حماده و ربنا يخليك كده لقسم نيسان و اعضاء نايل موتورز و تجبلنا المفاجأت الجميلة بتاعتك
ربنا يكرمك على تعبك معانا
السلام عليكم ..
بالنسبة للجراب .. في السوبر صالون .. بيبقى فيه زي شاسيه حديد ليه خرمين في الدعامة بتاعت السقف.. لازم يكون موجود, علشان لو مكنش موجود هتضطر تعمل واحد بلدي وتخرم خرمين في الدعامة علشان تثبته.. لانك لو معملتوش واعتمدت على الفرش بس.. هيبقى ضعيف جدا
وكل ماتفتح باب الجرب الفرش هيخبط في السقف .. وكمان علشان لو سبته كده هيزن مع أي صوت علي في العربية .. خصوصا لو base
وغالبا .. بعد صراع 8 أشهر مع توكيل مودرن موتورز في إسكندرية .. جابولي الجراب بس من غير الشاسيه .. بحوالي 360 جنيه قبل الضريبة . الكلام ده من حوالي سنة .. واضطريت أعمل واحد بلدي زي قلت ل حضرتك ..
نصيحة .. انزل عند أي حد بتاع استعمال .. واشتري منه الشاسيه ده ..
وبال نسبة للكهربة , فـمفيش منها مشاكل .. لإن الجراب بيجي بضفيرة داخلية فيها كل حاجة.. مجرد ارضي وكهربة ..
وبال نسبة للفرش.. لو حضرتك فكيت فرش السقف وطلعتوا بره .. وقلبته على ظهره .. هتلاقي في مكان كده متحدد علشان تقطعتو والجرب ده يتسابت فيه ... فـمفيش مشاكل في فرش السقف ..
تحياتي..
كريم فرحات
شكرا ليك اخي العزيز كريم بس لو هاركب في التوكيل اكيد هما هايركبوه و يعملوا اللازم و لا ايه
اخي العزيز ahmed.tv شوقتنا بجد جدا للمفاجات اللي بتقول عليها طيب ماتسربلنا اي حاجه كده و نعنشنا
على إيه بس .. تحت أمرك ..
بس أنا معرفش في التوكيل هيعملوا إيه بصراحة .. ممكن يقولك غير فرش .. ممكن مايكونش عنده الشاسيه الحديد ده .. ممكن أي حاجة .. عادةً التوكيلات مابيوجعوش دماغهم في التعديلات .. برده اسالهم يعني .. مش هتخسر حاجة ..
مينفعش اسرب مفاجاة
لان مش حيكون ليها طعم لو قولنا عليها
غير كدا كمان , مينقعش اقول حاجة الا لما اتاكد واشوف بعينى واتاكد ان الحاجة اللى بيتكلموا عليها حتيجى
عشان مبقاش قولت حاجة ومحصلتش , وانا معودتكمش على كدا
بس على العموم فى اسعار فى الاكسسورات حتنزل عن الاول باذن الله , وفى اكسسورات هامة جديدة جاية
وفى وفى وفى وربنا يكرم
قوله يارب
نيجى للوصف بقا اللى وصفه زميلنا واخونا العزيز الفنان كريم , طبعا ده مهم جدا الكلام اللى قاله , واكيد حيفيدنا , وكمان لما يجيبوا الوحدات الاضاءة عندهم وحسالهم على تركيبها ازاى , وكويس ان كريم شرح لينا , عشان نكون عارفين , وكمان لما اعرف منهم اكون فاهم واقولهم على كلام كريم المهم ده
تسلم يا كيمو باشا
مشكورين ياشباب علي المشاركات الجميلة ديه
ووفعلا اسأل مجرب
شكرا كيمو باشا علي المعلومات الجميلة ديه .... جزاك الله خيرا ونتمني نشوفك قريبا ان شاء الله
اقعد بالعافية :))
ياجماعه انا اتصلت علي السبع اللي في المعادي و كلمت مسئول قطع الغيار و قالي ماينفعش تركب الكلام دا
هوا الكلام دا بجد مش هاينفع تركب إذا
الشعب يريد اسقاط السبع
يمكن لان مش عندهم ومش ركبوها قبل كدا
والله اعلم
لكن فى موردن الناس ركبوها قبل كدا , بس هى خلصانة من عندهم
كريم متشكر ليك خالص يا جميل علي المعلومات الجميلة ديه لأن انا من الناس اللي بتحب الاكسسورارات زي عنيها و علي فكرة مع مفاجآت احمد في مفاجأت مني و يمكن يكون انا و احمد مشتركين في بعضها نوعا ما و طبعا كل ده هيكون في يوم المقابلة
ان شاء الله
طاب بنسبة لعمود الاتزال اللي في سوبر صالون ممكن تركب في الاي اكس صالون والمخدع اللي ورا ممكن يركب
ومرايات الضم ممكن تركب والزراير بتاعتها و.......
اخي العزيز powert لو الواحد طالب كل الطلبات دي كان جاب سوبر صالون و ريح دماغه بس مش لازم يبقي كل الكماليات اللي في السوبر صالون في الاي اكس انا عن نفسي كان ممكن اجيب السوبر صالون بس فعلا ماعجبنيش الابانوس اللي فيها شكله نرفزني جدا فقولت اجيب اي اكس و حبيبه قلبي بس ياسيدي انا باحب الجراب بتاع النظاره دا جدا فارجوك ما تتريقش علي الاي اكس صالون
إوعا لاقطعك (:
حضرتك فهمتني غلط انا مش بتريق انا بكلم جد انا معايا اي اكس صالون وماجبتش سوبر صالون علشان بحب المانيوال ومش بحب الاوتماتيك وكمان شكل الابانوس فعلاً وحش مش جامد
بس انا عجباني مريات الضم الانوار اللي في جراب النظارة والمسند اللي ورا وعمود الاتزال وده اهم حاجة نفسي اركبها
انا كان نفسي ينزلوا سوبر صالون مانيوال وانا كنت جبتها
السلام عليكم ..
Powert : أيوه كل حاجة ممكن تركب .. عمود الاتزان يركب عادي جدا من غير أي تعديل , مكانه موجود ومفيش فيه أي مشاكل .. وهيفرق معاك كتير .. أنا عربيتي كانت ex وركبتو فيها .. ماخدش ربع ساعة ..
مرايات الضم تركب برده مفيش فيها مشاكل بس محتاج الزرار بتاعها , لإن الضفيرة أصلا بتيجي مجهزة
بالنسبة للمسند اللي ورا , لازم ظَهر الكنبة كله يتغير علشان المخدع اللي في النص كمان , وعلشان مكان المسند اللي في الظَهر ,,
حاول تدور على عمود الاتزان ده استعمال علشان في التوكيل ممكن يبقى صعب تلاقيه لإنه نادرا مابيحصله حاجة يعني .. والجلب والاكس وكده كل ده موضوع جديد مش مشكلة ..
بالنسبة للمرايات , موجودين في التوكيل بس غاليين يعني .. 1500 جنيه الواحدة تقريبا .. برده حاول تدور عليهم استعمال بس خالي بالك علشان معظم بتوع الاستعمال بيجيبوا عربية دركسيون يمين فـال مراية مش هتبقى زواياها مظبوطة عالدركسيون الشمال بتاعنا .. دور على عربية دركسيون شمال ..
أي حاجة في السوبرصالون ممكن تركب , فيش فيها مشاكل ..
تحياتي
كريم فرحات ..
السلام عليكم
يا كريم تسلم ايدك يا كبير ... ماشاء الله هما كل أهل الاسكندرية عالين كده :))
والله انا سعيد بمشاركاتك الجميلة والطيبة والعملية ديه .. لانك جربتها قبل كده وعارف ايه اللي بيحصل في العربية وايه اللي ممكن يركب فيها وايه اللي ميركبش
تسلم ايدك ياكيمو
تقبل مروري
وأقعد بالعافية :))
شكراً يا استاذ كريم بس ممكن اعرف انت ركبته فيين وبكام وهل حسيت بفرق في الملفات بعد ما ركبته
لان انا معرفش حد يعمل اي حاجة غير التوكيل وموضوع المرايات هخلية بعدين
لان لو عملت اي حاجة في الضفيرة هيتلغي الضمان