fsv و frv cross

**limo81** · 26-02-2011 07:47 PM

السلام عليكم

عندى سؤال لحضراتكم
انا محتار جداً بين السيارتين fsv و frv cross
وكنت محتاج رأى حضراتكم
بس حاسس ان الكروس مالهاش حل وجامده جداً
وال

fsv شكلها فخم جداً

وأنامحتااااااااااااار جداً

....*الناس "العاديه" بتقولى هات اللانوس "128 يتاعه دلوقتى وانتم طبعا عارفين الاسباب........

وللعلم انا راكب عربيه 128 يعنى اى حاجه هتبقى بالنسبه لى فيرارى

أرجو النصيحه من سيادتكم ومن واقع خبراتكم فى السيارتين ولو حد بالفعل ركب الاتنين

وشكراً لردودكم

**kokkino** · 27-02-2011 10:11 AM

بص من الواضح ان المقارنة بتعت كروس وfsv لا تجوز. عان دى Hatchback و التنية سيدان. انت عايز ايههههههههههههههه؟؟؟؟؟؟؟؟ ؟؟؟؟؟؟؟

**zemanovaxxx** · 27-02-2011 10:41 AM

بصراحة معرفش حد عنده الكروس
بس اعرف ناس كتير عندها ال fsv وبيقولوا مستريحين معاها جدا بدون مشاكل
الكروس مش هتلاقيها كتير في الشارع, لكن ال fsv بقت موجودة بشكل ملحوظ
الخلاصة أنا معرفش ميزانيتك إيه والكماليات اللي محتاجها في العربية إيه, بس انا بارشحلك ال fsv, يمكن عشان أنا مقتنع بيها وناوي عليها إن شاء الله.

**nouranwar** · 27-02-2011 02:05 PM

انا بحب الكروس جدا كفاية شكلها الرااااااااائع و بجد عربية مميزة و نويت عليها بس لفيت اسكندرية كلها والله ملقتش ولا عربية ولا عند الطارق كارفور ولا مصطفي كامل و رحت اللي عند كوبري التاريخ و قالولي ده مركز صيانة بس و بتاع فيات علي ما اعتقد و المصرية معندهاش بس لو عايزها هتتطلبلي علطول بس من غير ما اتفرج يعني احجزها و تجيلي بأسمي وخلاص و رحت عند ابو غالي اللي المفروض انه يكون موزع معتمد ليها قالي انهم لغوا العقد من سنتين علي ما اعتقد و اباظة معندهوش
يعني كانت دوخة غريييييييبة بجد الكلام ده من 4 شهور

**cleardell** · 27-02-2011 04:33 PM

من راى الكروس ,انا معايا ال frv و ان شاء الله هحولها كروس قريب ان شاء الله

ممكن تلقيها عند احمد موتورز فى الهرم

**limo81** · 27-02-2011 05:19 PM

متشكر جدا يا جماعه للرد على استفسارى وجزاكم الله كل خير وان شاء الله رايح البافاريه أشوف الاتنين وسنوافيكم باخبار الزياره

**limo81** · 27-02-2011 05:22 PM

المشاركة الأصلية كتبت بواسطة zemanovaxxx

بصراحة معرفش حد عنده الكروس
بس اعرف ناس كتير عندها ال fsv وبيقولوا مستريحين معاها جدا بدون مشاكل
الكروس مش هتلاقيها كتير في الشارع, لكن ال fsv بقت موجودة بشكل ملحوظ
الخلاصة أنا معرفش ميزانيتك إيه والكماليات اللي محتاجها في العربية إيه, بس انا بارشحلك ال fsv, يمكن عشان أنا مقتنع بيها وناوي عليها إن شاء الله.

أنا بيتهيألى ان الاتنين بنفس السعر وده برضه من اسباب حيرتى

وموضوع الشنطه مش فارق معايا أوى

**abdalah_hashem** · 28-02-2011 05:43 AM

انا ارشحللك اللانوس وزى مانت قلت هى ال 128 بتاعت الشعب دلوقتى ومستقبلا قطع غيار رخيصة بقالها فترة كبية فى السوق يعنى صيانتها سهلة قوى واثبتت كفاءتها ولو حبيبت لا قدر الله تبيعها هتبيعها فى 3 دقايق يعنى سوقها ماشى يعنى
ولاقرار الاول والاخير ليك...
والله الموفق والمستعان..

**hanykd** · 01-03-2011 02:11 PM

المشاركة الأصلية كتبت بواسطة abodi55

انا ارشحللك اللانوس وزى مانت قلت هى ال 128 بتاعت الشعب دلوقتى ومستقبلا قطع غيار رخيصة بقالها فترة كبية فى السوق يعنى صيانتها سهلة قوى واثبتت كفاءتها ولو حبيبت لا قدر الله تبيعها هتبيعها فى 3 دقايق يعنى سوقها ماشى يعنى
ولاقرار الاول والاخير ليك...
والله الموفق والمستعان..

السلام عليكم ورحمة الله

نفس الكلام دة كان بيتقال على اللانوس سنة 99 ومن قبلها على التويوتا وعلى المتسوبيشى أول مانزلوا
على البروتون أول مانزلت
الأول كانوا يقولوا الأوربى غيره مافيش ومش معقول تركب عربية يابانى وبعدين اليابانى زيه مافيش ومش معقول تركب كورى وبعدين الكورى زيه مافيش ومش معقول ماليزى

لو الناس بطلت تركب العربيات الجديدة وخليتها فى القديم المعروف يبقى كل سنة وانت طيب
وشوف البيجو فين دلوقتى بعد ماكنت وحش الشاشة طبعا مش قصدى انها وحشة بالعكس دة تحفة بكل المقاييس شكل وقوة وثبات بس مش نجم الشباك

التغيير سنة الحياة ولولا التغيير لما وصلنا لما نحن فيه الأن

أخوك فى الله أبو عمر

**khaledazizeg** · 01-03-2011 09:24 PM

اولا احب اقولك ربنا يكرمك
بس حابب اقولك على حاجات لو انتا بتحب الشياكة وعربية شبابية ومش عائلية يبقى هات الكروس
لو انتا بتسافر كتير وبتجيب معاك شنط كتيرة وبتضور على وسع يبقى هات الfsv
وبالنسبة للى بيقول ان اللانوس افضل عشان قطع الغيار
هيا فعلا رخيصة
بس انا احب اوضح لحضرتك حاجة بواقع تجربتى مع اللانوس 3 سنين العربية جميلة وقطع غيارها عند البقال بس فيه مشكلة فيها خطيرة جدا وهيا الفرامل
واقول لحضرتك حاجة العربية من غير انظمة فرامل جيدة تنفعك وقت الزنقة ووسائل امان عالية يبقى هيا مش كويسة
وداه طبعا من وجهه نظرى يعنى انا من ساعت اما ركبت البريلينس بصراحة الفرامل ممتازة وتنجدك ومش هتعرف تركب عربيها فيها فرامل عادية
وفيه ميزه كمان ان عفشتها كلها بتاعت الجولف 4 وعن تجربة
والموتور بتاع لانسر بومة 2008 وديه حاجتها موجودة