بالفعل من المفترض ان الاضراب عن العمل و الشراء .. يعني مفترض ان محدش يشتري النهارده اي حاجة سواء لحمة او زيتاو عيش او حتي البنزين .. و بالفعل ناس كتير نفذت .. و الحمد لله العبد لله منهم .
عرض للطباعة
انا مع المقاطعة لسلعة معينة مدة معينة بس مش مع اضراب عام . ايه الفايدة من االاضراب مين المستفيد!!!!
بيتقال ان المحلة تحولت الى ثكنة عسكرية ..الاعضاء الكرام اللي من المحلة ياريت تقولولنا الاخبار عندكوا ..
عملولنا إمتحان إلنهارده ....... رحت إمتحنت الصبح و بعديها رجعت البيت لقيت ماما مستنيانى عشان أنزل أشترى حاجات من السوبر ماركت ..... بس أنا قلتلها أنا مضرب :D
بس بجد أنا فعلاً مضرب إلنهارده و يا رب الهدف من الإضراب يتحقق :rolleyes:
.................................................. .............
والله مافى منتدى محترم ولا اعضاءه محترمين بالشكل دا....
go ahead cryptonX http://www.nilemotors.net/Nile/images/icons/icon14.gif
.................
والاختلاف فى الرأى لا يفسد للود قضيه
مع انى يا crypton X من مؤيدى الاضراب
:p:p:p:p:p
:D
نسيت أقول ....... إن مشاركة الناس فى الإضراب إلنهارده واضحة
رغم إن اللى كانوا متزعمين الإضراب ده اللى هما عمال غزل المحلة .... منفذوش الإضراب و راحوا المصانع عادى (طبعاً تحت ضغوط و تهديدات من الحكومة) .... بس برضه المشاركة كويسة و يمكن دى تبقى أول الطريق لتعليم المصريين إزاى يطالبوا بحقوقهم من حكومتهم.
الإضراب عن سلعه واحده ميزته انه مؤثر بقوه فعلا بس يبقي بنقول لأ للتجار ومنتجين السلعه دي فقط الإضراب العام مش مؤثر لسلعه معينه تأثر قوي بس بنقول لأ للحكومه والعيشه واللي عايشنها (الحكومه والشرطه والنظام والرشوه والمحسوبيه والنفاق والغش والخداع و ........ للتعليم الخربان للمستشفيات العاجزه عن علاج المرضي (قليله وبدون امكانيات و.....) للأدويه الغاليه لطرق الموت لإهانات المواطنين لعمل الراقصات نجوم المجتمع لتهميش العلماء والدعاه ...........
مدير امن القاهرة بنفسه في ميدان التحرير بملابس مدنية و تم القبض على 150 عامل من غزل المحلة و 50 عربة امن مركزي في ميدان التحرير و السيد مدير امن الجيزة في ميدان الجيزة بنفسه.......
و فيه تشويش على اجهزة الموبايلات في التحرير.
صح الكـــــــــــــــلاماقتباس:
المشاركة الأصلية كتبت بواسطة FLYINGPEUGEOT;218149[SIZE=4
بيقولوا ان الامن قبض على مجموعة من اعضاء مجموعة الاضراب في الفيس بوك و منهم بنت ؟!!!!!!!!!(جابوهم ازاي)
ربنا يستر
بالمناسبة لمتابعة اخر اخبار الاضراب
http://6april08.blogspot.com/
انت مش عارف جابوهم ازاى 000 زى ما هيجيبوا بتوع نايل موتورز يا باشا ههههههههههههههههههههههههه
طبعا الامن بقى له مدة يراقب التحركات فى المنتديات والمدونات وخلافة وبيركز على الجماعة بتوع الكلام 000 اقصد الشعارات الفارغة بدون عمل زى بتوع كفاية 0000000000 اما الاراء التى نادت بأن يكون الاضراب بدلا منه المقاطعة فهذا احسن راى وافيدهم مش اضراب وخلاص طيب وبعدين ؟
والله الواحد مكنش فاكر ان وراة رجالة كدة 000 بس برضك لازم نكون عمليين اكثر من ذلك فالاضراب شىء جيد ولكن الافضل منه مقاطعة التجار وهذا افضل من اى شىء اخر ، ومن المحتمل ان يندس فعلاً بين الناس من هو يرغب فى خراب البلاد والعباد وهذا كلام ليس خيال بل حقيقة ، وان كنت اعلم بأن الجهات الامنية مش هتوافق على اضراب بشكل رسمى وهذا هو العيب الذى تقع فيه الحكومة ومش عايزة تتعلم ابداً
شفتوا الجو برة عمل ازاي؟
ده حتى الجو عمل اضراب :)
الشىء الذي يسعدني جدا ان معظم الداعين لهذا الاضراب من الشباب و الذي يسعدني اكثر انهم طلبة او من حديثي التخرج بدليل ان جامعة القاهرة نسبة الحضور بها متدنية و الذين تغيبوا عن العمل من الشباب بالاضافة الى ان جامعة حلوان بها اعتصام و ان كان لا يتجاوز الالفين طالب ..اما موظفي الحكومة فهم ممن عاصروا عهودا كانت الكلمة عليها جمارك باهظة الثمن وواضح انهم ما زالوا متأثرين بها و يعملون لها بعض الحساب الا من ادرك بأن حقه لن يأتي اليه الا اذا سعى هو نحوه مثل عمال غزل المحلة و موظفي الضرايب العقارية ...
انا قافل المصنع و مدي اجازه للعمال و لسه صاحي من النوم حالا:)
اقتباس:
بيتقال ان المحلة تحولت الى ثكنة عسكرية ..الاعضاء الكرام اللي من المحلة ياريت تقولولنا الاخبار عندكوا
بصراحه ما نزلتش انهارده بس ناوي انزل كمان شويه اتفرج
تأكد ان امن الدولة اجبرت المدرسين على التزام الحضور اليوم في المحلة (من البي بي سي) و غياب تام للطلبة هناك ..
في حدايق القبة المحال مغلقة و البوكسات تنادي على اصحاب المحال القاطنين بالمنطقة لنزول و فتح محالهم ...مش عارف بيحشروا نفسهم ليه محلي و انا حر فيه.!!!!!!
لا ياباشا دا بيؤلك.
..ان الحكومه بعتت 10 طيارات هيلوكبتر عشان تطير وترش رمله
http://content.sweetim.com/sim/cpie/...s/00020148.gif http://content.sweetim.com/sim/cpie/...s/0002014C.gif
يا جماعة شوارع النزهة عندنا فاضية جدا
ونزلت مشوار لغاية HSBC اللي عند نادي الشمس وراجع من جسر السويس على النزهة
الشوارع فاضية بطريقة بشعة
قبل ما اللجو يقلب
واليو تيرن اللي وانت نازل من كوبري المطاري رايح على السندباد اللي بيبقي واقف على طول ده
مفيهوش عربيتين تلاتة على بعض
والخنقة الللي عند شكرة القاهرة للنظافة اللي بتنزل عمال شركة النظافة الخاصة اللي في جوزيف تيتو واضح ان مجاش عمال النهاردة لان الطريق كان ساللك قوي
واضح ان الاضراب بيجيب نتيجة
إدعوا معايا ....... ربنا يفك حبس كل واحد إتمسك إلنهارده بسبب الإضراب
لأن الناس دى إتمسكت بدالى أنا و إنت. :(
الفرق إنى أنا قعدت فى البيت و هما نزلوا يعلوا صوتهم .... يمكن حد يسمع.:confused:
بمناسبة إن الإخوان مشتركتش ....... فعلاً ده من عوامل نجاح الإضراب ..... لأن كده الحكومة معندهاش حجة تنظيمات غير شرعية بتاعة كل مرة. :p
و لما ملقيوش حاجة يقولوا عليها تنظيمات غير شرعية .... قالوا إلنهارده فى الأخبار (من مصدر فى وزارة الداخلية) على حركة كفاية إنها تنظيم غير شرعى ... و دى أول مرة يعتبروها تنظيم غير شرعى ... :cool:
بيدوروا على أى زريعة يتخذوها لمهاجمة أى حد ضد الحكومة ..... :confused:
ربنا يهدى
أولا انا مروحتش مش علشان متوقع ان الاضراب ليه فايدة بس علشان حسيت ان اول مرة الحكومة تعرف اننا مش غنم لا احنا بنى أدم وبنقول لأ مش مبرمجين على كلمة نعم او بمعنى أخر ماااااء.
ومع ذلك عجبنى اوى قرارات الريس وتدخله لحل الازمة وفعلا اسعار الاسمنت والارز ابتدأت تنزل والبقية تأتى وده مش نفاق والله فعلا كام قرار جايين فى وقتهم وياريت يتمم جميله ويغير الحكومة بالمرة .
اما اللى راحوا الشغل فده رأيهم وقناعتهم ومننساش ان معظم اعضاء المنتدى وانا منهم دخولنا مرتفعة يعنى الغلاء مش مؤلم بالنسبة لينا زى الموظفين والناس اللى بيروحوا يلموا الأكل من الزبالة بس بلاش والنبى حكاية العملاء والمراكز الحساسة دى يعنى بعد الشر لو واحد وهوا خارج عمل حادثة وقعد فى البيت كام شهر العملاء هيتشردوا ولا البلد هتقف !!!
ياريت يكون الكلام منطقى يعنى اللى راح الشغل مش غلطان بس يقول انا ضد الاضراب ميقولش الدنيا هتتهد لو مروحتش لان اللى مراحوش الشغل برده ناس لها مراكزها واعمالها مش بيلعبوا. وشكرا
انا خدت نص يوم النهارده :)
بما اني لسة طالبة
ماروحتش الكلية النهاردة بس نزلت اقضي مشاوير مهمة
الشوارع فـــــــــــــــــــــــا ضيــــــــــــــــــة
ياريت يكون في اضراب كل يوم
كنت مستمتعة جدا و الشارع مافيهوش حد ماشي غيري
بس ياريت اللي حصل ده يعود علينا بفايدة مش يبقى كلام و بس
العبد لله راح الشغل و لبس اسود من فوق لتحت وضربت انا و صحابي 100 صويت في المكتب :D
و نزلنا الميدان ملقناش حد غير عساكر علي كل شارع و عربيات امن مركزي و مطافي " عشان يطفوا حرارة الاضراب " :eek:
المهم منعنا الشراء و بتاع السندوتشات و الشاي روح لما لقاها بيظة بيظة ، و بعدين الجو و العواصف عملت اضراب..... دخلتنا بيوتنا :(
و الجزيرة بتقولك اعتقال 30 واحد من كفاية .... و الغزل و المحلة محدش عارف يعمل اضراب علشان الظباط و العساكر عاملين زحمة في الشارع و محدش عارف يمشي من الزحمة :p
و توتة توتة لسة لما نشوف اخر الحدوتة :rolleyes:
انهاردا نزلت من الساعة 8:30 الى 12:30 الشوارع كانت فاضية تماما
مافيش غير سيارات الامن المركزى اللى مالية الشوارع بس
بعد الساعة 12:30 بدأت التظاهر بجامعة القاهرة وميدان التحرير
مع تشديد رهيب من رجال الامن ولو طلعت موبايل او كاميرا تصور مش هتشوفها تانى + اهانة وضرب
هيه اخبار المحلة ايه؟
ضرب نار للتهويش , قنابل مسيلة للدموع ومظاهرات باعداد كبيرة نسبيا.. اعتقالات, و الله اعلم...
انا كده كده مش بشتغل
فكل ال قدرت اعمله انى مااشتريش اى حاجه انهرده
وربنا يستر على كل الناس ال شاركوا فى الاضراب انهرده
ويا رب الاضراب يجيب نتيجه:rolleyes::rolleyes::rolleyes:
اعتداءات متبادلة من الامن المركزي و الاهالي في مظاهرات متوسطة العدد و سقوط عدد من الجرحى من الضباط و الجنود و الاهالي في المحلة ..(البلطجية دخلوا على الخط و قلبوها تكسير )-:
http://www.bbc.co.uk/arabic/av/progr...bbcws=1&news=1
البي البي سي الان
اخبار ان منطقة اسمها العباسي الجديدة و هي خلف منطقة او ميدان اسمه الشون بها سيارات متدغدغة و محلات وحرايق و ربنا يستر ..
لو فيه حد من المحلة هنا و يأكد او ينفي .. وربنا يسلمهم هما و محلاتهم و عربياتهم.
اخبار عن سيارات متدغدغة و محلات مخربة و حرايق في منطقة تدعي العباسي الجديدة او كما تسمى و هي خلف ميدان الشون ..
لو فيه حد من المحلة يأكد او ينفي و ....وربنا يسلمهم هما و محلاتهم و عربياتهم...
للأسف الشديد .....أنباء عن وفيات :(
كنت تحت قولت انزل اشوف الاخبار
نزلت من غير عربيه طبعا و شوفت التالي
1.عربيات امن مركزي مالهاش عدد و عربيات مطافي في الشوارع الرئيسيه
2.حاله هرج و مرج جامده قوي و عيال صغيره في سن 12 سنه و طالع فرحانه و عماله تجري و تلعب و عاملينها رحله !!!!!!!
3.تكسير في محلات و عربيات ناس راكنه و حاجه اخر قله ادب
4.الامن المركزي حدف قنابل مسيله للدموع علي الشعب
5. قوات مكافحه الشغب منتشره و بقوه.
6.ما عرفتش اكمل علي رجلي و خفت و رجعت:(
من الاخر شعب همج
و عندهم استعداد غريب للتعاون في السلبيه :(:(
اتفرج بقه على اللي هيتقال على التلفزيون المصري و هما دول اللي دعوا للاضراب و شوية مخربين و جهات خارجية و و و ...
للاسف شوية حرامية و سوابق يدخلوا بين الناس و يبوظوا الدنيا.......