حضرتك متقلقش أنا متوقع أن الدور جاي على البرتيتة(اللعيببة) كلها
عرض للطباعة
على فكرة الكلام عن المبلغ اللى بياخده وكانه هو اللى عرضه وهو اللى وافق عليه يعنى لو حد فينا عرضه عليه ياخد مليون جنيه هتقله لا وفرهم للناس الغلابة حاجة غريبة واللهى
كلام حضرتك صح الناس سيبة المليارات اللى اتسرقت وجاية للناس اللى اشتغلت وخدت فلوس من شغلها وموضوع انه بياخد فلوس كتير مش مشكلته ولا ذنبه مشكلة اللى وافق على كده ومن حقه برضه يزعل ويروح يدور على قناة تديله المبلغ اللى يطلبه ياريت نفكر بهدوء ومش اول مانسمع كلمة ملايين نقول على اللى بياخدها حرامى على طول
ومسألتش نفسك يا باشا لماهو بياخد 9 مليون نسبه يبقى بيدخل كام مليون للتلفزيون الى هو مكسب ليا وليك على كلامك
واهو لما رفض يطلع انهارده البرنامج وقف
يبقى شوف بقى المعلنين دول حيعملو ايه وخساره اد ايه مهو كده انا وانت الى بنخصر على كلامك
وحاجه اخيره افرض ان عند حضرتك محل
و حضرتك عندك عامل وبتديله نسبه من الارباح بتدهاله ازاى
كل لما يجى زبون بتطلع من المكسب وتدهاله قبل متحط الفلوس فى الدرج
ولا اخر السنه بتحسب انت كسبت كام وصرفت كام وتديله نسبه من الارباح بعد متخصم الضرائب كمان ؟؟؟؟
ميزو انا حللت الاعلانات في مشاركة قبل كدة وقلت ان مستحيل يبقي بياخد مرتبه من الاعلانات وياخد المبلغ ده لانه بافتراض صحته يبقي الاعلانات في الحلقة الواحدة 8 مليون علي الاقل وده مستحيل
ومرتب محمود سعد وبقية الشلة اللى اتقال عنها نوع من الفساد ولما نشوف الملفات هاتوصل لفين
لسة بدري جدا يا ميزو فيه ناس كتير جدا لا تتوقع انها تدخل في الفساد وهاتلاقيهم قريب في المحكمة
ياباشا كالعاده زى ما انس الفقى عمل عايز يلبس الناس فى محمود سعد بالراتب والناس دخلت عليها المره الى فاتت والمره دى... الناس دى لو اشتهروا زى محمود سعد وغيروا بيدفع فى عقودهم مبالغ وهميه عشان بيجيبوا اكتر من الى ادفعلهم.. والشركه الى بتنتج مصر النهارده اسمها صوت القاهره يعنى ملهاش علاقه بالاذاعه والتلفزيون..
لكن موضوع الناس تشتم فيه عشان راتبه دا حاجه غريبه جدا ... وابرا وينفرى بتاخد 252 مليون دولار فى السنه..
يعنى راتبها بالمصرى حوالى مليار ونص ... محدش قال بقى حراميه وبتقبض كل دااااااا ولا الى بيدفعلها بيدفعلها حبا فيها دا شغل بيزنس كله واى مذيع من دول هيقع ولا هيتعرض عليه جنيه
لو بنفكر بالشكل ده يبقى كل الفنانين والرياضيين المشاهير هيدخلوا السجن حد سمع عن عقد شيكابالا ولا عماد متعب حد يعرف يحى الفخرانى خد كام فى اخر مسلسل ليه او عادل امام خد كام فى اعلان فودافون اللى مدته ثوانى
مداخلة شفيق وتلميحه بفتح ملفات محمود سعد وتصريحه ان راتب محمود سعد 9 مليون ونزل لمليون ونص
كل هذا الكلام لايمكن ان يقوله رجل دوله
نظام عيال صغيرة
كم انت صغير يا شفيق