الموضوع: السبب وراء عدم ظهور محمود سعد انهارده

المشاركة الأصلية كتبت بواسطة hagan

نفسي نتجمع بعد 10 سنين
(( ان قدر لنا المولي عز وجل ))
و نتحدث عن الماضي اللي هوه (( الحاضر الان ))
و نشوف كده ارائنا كانت ايه
ثم اتضح بعد كام شهر او كام سنة ان الاراء تغييرت ازاي
في الافراد و المواقف و حكمنا علي الاحداث و المواقف التي تمر بها البلد حاليا

م.حاتم السباعي

فعلا يا ريت
بس المشكلة هاتلاقي ناس تتهرب من ان حد يشوفها او انها تشوف نفسها وناس بتركب الموجة وناس بتغير مواقفها وووووووووووو

المشاركة الأصلية كتبت بواسطة cayman69300

فكرة جميلة
بس احنا هنلاقى العجب
ديناصورات اتحولت الى قطط
و فئران اتحولت الى اسود
و الوان اتغيرت
و وشوش اتمسحت و اتمحت المعالم بتاعتها
و بعيدعنكم وشوش اسودت و بقيت تقرف
ربنا يصلح الحال

اكيد هايحصل المتغيرين وراكبي الموجة متواجدين دايما
ربنا يصلح الحال

المشاركة الأصلية كتبت بواسطة eman_2404

انا والله العظيم هاعيط ...... امال مين الكويس فى البلد دى ......
انا قبل مداخلة احمد شفيق كنت متضايقة من محمود سعد لأنه رفض يتكلم مع احمد شفيق ،،،
لأنه مش عازمه فى بيته ده حوار مهم للشعب المصرى انه يسمعه ،،،،،،،، بغض النظر احنا رافضين لمنصب شفيق او لأ بس بعد ما شفيق اتكلم انا مبقتش فاهمة حاجة هو مين كويس ومين وحش ....... ومين مع مين ،، انا مش فاهمة حاجة :(((((

من غير عياط ولا حاجة احنا في فترة مضطربة والكل بيحاول يدعي البطولة والكل بيتهرب من تحمل المسئولية انا بحترم شفيق وكل الناس اللى قبلت تشتغل في الوزارة دي لانهم عارفين ان عمرها لن يزيد عن 3 او 4 شهور وسط ظروف غاية في التقلب والتدهور وبرغم كدة قبلوا تحمل المسئولية رغم معرفتهم ان قبولهم المسئولية في هذا التوقيت يجعل كل من له قيمة ومن ليست له قيمة يتطاول عليهم
وان قبولهم العمل فيها يقلل بشكل كبير جدا عملهم في الوزارة بعد ذلك رغم ان منهم كفاءات الاغلبية كانت تحلم ايام مبارك انهم يكونوا وزراء

المشاركة الأصلية كتبت بواسطة misoalex

طيب مهى الحكومه الحاليه هى الى مطرمخه على الفاسدين وعماله تعدم كل ملفات الفساد واحده تلو الاخرى
والى وقعو دول كبش فداء والله اعلم حيتحاكمو على كل الى عملوه ولا على كام حاجه بس ويطلعو منها
يعنى من مصلجته يطبل لشفيق لو على راسه بطحه
والراجل على فكره مش موظف فى التلفزيون المصرى
انا قولت قبل كده انا مش بدافع عنه ولكن بنتقد الكلام الى انا شايفه غير صحيح

الله يهديك بس امال القضايا اللى كل يوم فيها 15 يوم حبس على ذمة القضية دي ضد مين ولما كل اللى بيتحاكموا دلوقت دول كبش فدا امال مين المجرمين الحقيقيين بعد كل ده
وهو مش بيطبل لشفيق لانه عارف ان ايامه قليلة وان رفضه ده بيظهره كبطل وبالتالي لو طلع له ملف فساد وقتها يقول علشان رفضت اقابل شفيق علشان رفضت اخر ايام مبارك اشتغل والناس هاتصدق
هو مش محمود سعد ده بردو اللى اشتغل في الكواكب المملوكة للدولة ونظام مبارك 27 سنة بيتكلم عن الراقصات والمطربات والحفلات وووووووووووووو
وهو مش موظف لكن مرتبط بعقد والمفروض يلتزم بيه مش كل واحد عامل تعاقد يجي يهرب فجاة ويقول انا مش لاعب كل قوانين العمل بتقول كدة خصوصا انه اوقع القناة في مازق لعدم وجود من يحل محله لان المذيعين الاتنين الاخرين مشموجودين لان مش يومهم وبالتالي خسر القناة والمفروض يدفع الشرط الجزائي والتعويضات عن الاخلال بالعقد
مش بنقول القانون يتطبق على الكل وهو بيقول كدة يبقي يتطبق عليه هو كمان

المشاركة الأصلية كتبت بواسطة metenawy

يا بيه ارباح البرناج بتسمي قيمة الاعلانات و بتالي هو بياخد نسبة من الربح الي داخل للتلفزيون يعني الفلوس بتدخل ذمة التليفزيون و بعد كده هو بياخد نسبته منها و عشان كده الجهاز المركزي للمحاسبات بيراقب الفلوس دي لانها فلوسة الدولة مش بيخاد الفلوس دي من المعلنين مباشرة و لو مشيت حسب كلام حدرتك يبقي المخرج و المنتج و كل واحد شغال في التلفزيون يقولي دي فلوس الاعلنات؟؟؟بدام دخلت ذمة الدولة تبقي فلوسي و هو بياخد منها بس بدل المرتب بتبقي نسبة من ارباح البرناج بيقبضها من التلفزيون بتاعي صحيح هي جاية من الاعلنات لكن مجرد دخولها خزينة التلفزيون تصبح فلوسي و فلوسككككككككك

موضوع انه يحصل على اجره من الاعلانات فقط كلام غير صحيح
بحسبةبسيطة
محمود سعد يظهر في حلقتين كل اسبوع * 52اسبوع في السنة = 104
الاجر 9 مليون / 104= 86538 جنيه في الحلقة الواحدة
نسبة اي مذيع ايا كان اسمه لا يمكن تزيد عن 10% من الاعلانات والباقي لتغطية باقي المصروفات وهي ضخمة جدا وارباح للمنتج
اي انه يفترض ان اعلانات الحلقة الواحدة حوالى 8 مليون و600 الف و ده مستحيل طبعا