زوجتي اتسرقت

**abdalah_hashem** · 26-02-2011 11:57 PM

ابلغ فين بس ومفيش شرطه ولا اقسام شغاله

انا زي ماقلت رحت مكانين اللي حصل فيهم السرقه

هو ينفع اعمل محضر في اي مركز ولا لازم المكان اللي اتسرقت فيه؟

ويارتي ممكن اعمله بنفسي ولا لازم المدام تبقي معايا؟

وهل عشان اطلعلها بطاقه تانيه لازم المحضر بس ولا هحتاج صورة البطاقه مثلا؟ علما بان معاها بسبور

اى قسم يا استاذ ولو لقيت انة لازم تكون فى دايرة القسم الى اتسرقت فية قلة اتسرقت داخل الدايرة بتاعت القسم دوة
المهم تعمل محضر وخلاص ويكون فى ايدك ورقة
ممكن فى اى نقطة

بالنسبة لحكاية البطاقة الجديدة انا كنت عملتها لوالدى قبل كدة كانت اتسرقت برضة بس مش فاكر خدة صورة المحضر وللا لاة
بس اتوقع لاة

بس متوقعش الشرطة العسكرية ممكن تعمل حاجة

**mohamed2002** · 27-02-2011 12:00 AM

حضرتك بكرة تعمل المحضرر الصبح بدري وتطلع علي المديرية وتسحب استمارة وتعمل واحدة جديدة ولازم المدام تبقي موجودة وخد الباسبور بتاعها معاك

**viper911s** · 27-02-2011 12:20 AM

يا باشا القسم القائم بأعمل قسم المنتزة حاليا نقطة الى فى مساكن فيصل فى سيدى بشر
حضرتك اوصل لحد فيصل واسئل عن القسم الف مين يدلك
و ان شاء اللة خير

**misoalex** · 27-02-2011 12:34 AM

لا حول ولا قوه الا بالله

هى اتسرقت فى ميدان الساعه نفسه ولا فين بالظبط
وهو فعلا قسم المنتزه والرمل والرمل ثان محروقين ومش شغالين

بس قسم سيدى بشر ده اول مره اسمع عنه بس مدام قالولك فى محمد فريد يبقى انزل شارع القاهره واسأل حتلاقيه هناك

وبعدين يا باشا السرقه فى كل حته دلوقتى وعلى شتى الطرق
احمد ربنا انها جت فى الفلوس والبطاقه
انا بقرأ موضوعك وبقول يارب ميكونش حد اتعرضلها بسلاح ولا حاجه

الحمد لله

**ahmed-moga** · 27-02-2011 12:34 AM

الحمد لله انها بخير فداها محدش عارف ممكن كانوا يعملوا ايه
استني اسبوع وخد زوجتك واقفوا في نفس الشارع لأنهم هيرجعوا تاني بس خلي معاك سلاح وراقب اذا كان معاهم حد بيحميهم وربنا يسترها وقدر الله وماشاء فعل

**ahmed-moga** · 27-02-2011 01:15 AM

المشاركة الأصلية كتبت بواسطة misoalex

لا بتوع الساعه دول مظنش حد بيحميهم دول نشالين عادين وبينتشرو ايام رمضان والعيد

ولو اتمسك حد منهم بيتفرم وياخد علقه موت يعنى هو بس يقول حرااااااااااااااااااااااا اامى وهما حيظبطوه

ابو نور الدين ميسو باشا ازيك وحشني جدا والله العظيم
للأسف الشديد في الوقت الحالي نسبة السرقه بقت جامده لدرجة انه ممكن يوقفه امام الناس بسلاح ويسرقه عيني عينك مابقتش فارقه معاهم اذا كان العيال اللي عندهم 14 او 15 سنه واقفين بالسلاح علني وشايلين فروده صناعه محليه وغيرها وبيطلعوا يضربوا جنب القسم ولاحد بيتحرك يكفي اقولك ان واحد اتقتل من اسبوع قريب مني وراحوا للقسم قالهم مش هنقدر نعملكم حاجه اللي تقدورا تعملوه اعملوه فأكيد النشالين او الحراميه مش هيبقوا خايفين من حاجه في انفلات امني فلا تستبعد اي شئ ربنا يسترها وتعدي الأزمه دية علي خير

**shaddadfalcon1** · 27-02-2011 07:47 AM

متشكر جدا لردودكم

انا والله بتندم اني خلتها تنزل لوحدها او تنزل من اساسه

عموما انا هروح كمان شويه القسم وهاخد الباسبور بتاعها عشان الولاد متبهدلش وربنا يقدم اللي فيه الخير

**زينة الله** · 27-02-2011 08:21 AM

حمد الله على سلامة المدام دى أهم حاجة حاول تهديها و تهدى نفسك و ربنا يعوض عليكم

لسة برضو واحدة معرفتى الاسبوع اللى فات.. عيال بموتوسيكل خطفوا شنطتها بكل اللى فيها من بطاقة و فلوس و أوراق

ربنا يسترها علينا جميعا