أقل ما يقال عن هذا التوكيل أنه غير محترم

**karemof** · 27-02-2011 12:01 AM

السلام عليكم ,

أنا كنت عايز أقول تجربتي مع التوكيل الغير محترم ده باختصار أنا كنت حاجز كارينز هاي لاين 2011 من شهر 6 2010 على أساس أني حاستلم بعد 4 شهور كنت حاجز ب 126000 , وبعد الزيادات المتعددة و أحاديث مختلفة بيني وبين رجل المبيعات وأسباب واهيه عن التأخير قالي أنه حيسلمني بالسعر 126900 الكلام ده كان تقريبا شهر 11 أو 12 مش فاكر قوي (وفهمني أنه كده عاملي خدمة) , ولغايه الثورة لم أستلم شيء تماما (يعني أنتظار 8 شهور) و ذهبت علشان أسحب الفلوس بس قلت قبلها أكلم مدير مبيعاتهم (أمجد الفقي) وفعلا عرفت أجيب رقمه و شرحتله الموضوع و بعد بعض الأعتذارات الواهية سألني أنت كنت حاجز لون أيه قلتله فراني قالي معلش أصل اللون ده ناقص شويه و أديني أسبوع والكلام ده , مش فاهم لون أيه اللي ناقص لمده 8 شهور ,المهم قررت أسحب الفلوس لسببين العقليه الغبيه دي اللي بيضحكوا بيها على الناس و قلت تغور كيا من وش التوكيل المقرف ده اذا عملوا كده قبل ما أجيب حاجة أمال لو أشتريت و كنت عايز أعمل صيانه بقه ولا كان في عيب صناعة لا قدر الله, والسبب التاني برده ظروف عدم الاستقرار في البلد و الواحد مش عارف بكرة في أيه فسحبت الفلوس يوم الخميس 27 يناير.

أنا أسف على الأطالة بس قلت لازم أشرك رجالة كيا (اللي بحبهم جدا وليهم فضل عليا في أني حبيت كيا) وكمان أي حد مقبل على الشراء من التوكيل ودي روابط للمواضيع المختلفة اللي عملتها وأنا حاجز:
http://www.nilemotors.net/Nile/168004-a.html
http://www.nilemotors.net/Nile/187966-a.html

**MASERATI** · 27-02-2011 12:14 AM

السلام عليكم و رحمة الله و بركاته

قدر الله و ما شاء فعل و ان شاء الله يكون خير و ربنا ييسرلك الأمور و يرزقك بواحدة شبهها بالظبط, بس ماتكونش كيا كارينز, تكون بورش كايين تربو

**meiirmeiir21** · 27-02-2011 08:18 AM

ربنا يكرمك بأحسن منها إن شاء الله

**amooor22** · 27-02-2011 06:22 PM

سيبك من الوكيل هاتها خليجي كماليات اعلى وتقفيل انضف

**egypt0777** · 27-02-2011 08:34 PM

الحمد لله انك سحبتها قبل مشكله البنوك

**A.Saad** · 27-02-2011 09:10 PM

ممكن تشوف محمد زكى وعن تعامل ناس محترمين او المتحدة
ولو نويت على محمد زكى وحبيت اى مساعدة انا معاك

**Khaled_Nowaihy** · 27-02-2011 09:24 PM

ليه كده يا أ. كريم .. ده انت بقيت واحد من عائلة الكارينزاوية
أنا برضه اشتريت عربيتى ودفعت over
وفيه عضوة من المنتدى shery103 اشترتها وكيل من سمير ريان بسعر كويس جدا بس للأسف مش فاكر الموضوع اللى قالت فيه هذا الكلام

**bassemforever** · 10-04-2011 02:29 PM

انا عملوا معايا زيك وريحت دماغى واشترها من بره وعايز اقولك هتشوف برضو مهازل لو عندك مشكلة فى العربية وبتتعامل معاهم انا كان عندى مشكلة عيب صناعة فى قاعدة الموتور روحت 3 مرات ابو رواش علشان اصلحها وفى الاخر غيرها لازم يعنى اروح 3 مرات زى ميكون بيطلعاه من لحمه الحى واخر حاجة اعندى مشكلة فى الزجاج الى جنبى بطىء جدا وسعات بيعلق روحت 3 مرات وبيرجع تانى اخر مرة قالى الكاونش عايز يتغير قولتله ماشى قاله اصله مش موجود طيب مقلش لية من الاول بدل مكل مرة اضرب مشوار لابور رواش علشان مش بيتصلح غير عندهم من الاخر توكيل زبااااااااااااااالة و كل همهم يخدوا فلوس فى الصيانات و المهندسين مع ان شكلهم محترم الا انهم عندهم لا مبالاه بجد انا اتقرفت منهم جدا

-

الموضوع: أقل ما يقال عن هذا التوكيل أنه غير محترم

LinkBack

أدوات الموضوع

عرض

أقل ما يقال عن هذا التوكيل أنه غير محترم - انشر الموضوع فى :

-

-

-

-

المواضيع المتشابهه

مكان محترم لصيانة اوكتافيا a5 بدلا من التوكيل

استفسار بخصوص ميكانيكى محترم خارج التوكيل

مركز خدمة محترم بعيد عن التوكيل لصيانة جيتا

لا تصدق كل ما يقال

الكلمات الدلالية لهذا الموضوع

المفضلات

المفضلات

ضوابط المشاركة