الموضوع: فيه فيل بيلعب فى عبى

ازيك يا طارق
بما ان المنقول منقول وليسلك يبقي هناقش كاتب المقال مع الوضع في الاعتبار ان اول واخر فقرة فقط لك انت

المشاركة الأصلية كتبت بواسطة tarek gen 2

بماتفسر: ان يتم تغيير جميع الوزراء الا وزراء الوزارات السياديه(الوزارات التتي تتحكم حقيقه في مقاليد الامور
الوزارات المذكورة وهي العدل والداخلية والخارجية لا تتحرك بمزاجها زي ما هم عايزين ولو عملوا اي تصرف مخالف لما يريده المجلس الاعلى اكيد هايتدخل ويعمل اللى هو عايزه

وزاره العدل "السلطه التشريعيه"
طبعا دي قمة الجهل من كاتب المقال يدل على انه لا يفقه ما يتكلم عنه لان وزارة العدل ليست السلطة التشريعية وانما السلطة القضائية
وزاره الداخليه "السلطه التنفيذيه"
نموذج اخر للجهل من شخص المفروضاقتنع برأية لان وزارة الداخلية ليست السلطة التنفيذية والسلطة التنفيذية هي مجلس الوزراء بالكامل
و ظهر مدير امن دمنهور بعدها بنفس الطريقه القديمه يهدد و يتوعد بل و يقر انه يحاول الايقاع بين الشعب والمتظاهريين
تم ايقافه عن العمل بعد 24 ساعة من وضع الفيديو على النت وتعيين اخر مكانه وفيه موضوعات عن الكائن ده هنا
لما شفيق يوقف اعاده برنامج واحد من الناس اللي كان فيه ابراهيم عيسي بيطالب بإسقاط شفيق!!!و يتوقف عمرو الليثي من الخروج علي الهوا عشان الباقيين يخافوا
من باب اولي كان وقف اذاعته اول مرة وهو على الهواء
وعمرو الليثي مثل الكثيرين بيصفي حسابات بعد طرد ابوه من هيئة السينما لاسباب تتعلق بالفساد

لما وزير الاوقاف "الازهري" يتعمد ان يدعوا الشيخ محمد حسان "السلفي" في مسجد النور، و هو عارف ان هيجيي ملايين وانه هيتكلم عن الماده اتنين من الدستور ... عشان يخوفوا بيه المسيحيين ... مع ورود معلومات عن ان فيه جهات امنيه بتسخن المسيحيين عشان يصروا علي تغيير الماده اتنين، فتحصل مواجهه بينهم و بين السلفيين
الشيخ محمد حسان هو الذي طلب ان يخطب الجمعة ووافق وزير الاوقاف وحين تم الاعتراض تعهد وزير الاوقاف انها اخر مرة
وبالذمة لو كان وزير الاوقاف رفض مش بردو كان هايتهاجم هو وشفيق علشان رفض ان يخطبالشيخ محمد حسان ؟
وفين الجهات الامنية دلوقت اذا كان محافظ اسيوط هو اللى جمع الجماعة السلفية وقيادات الكنيسة في مكتبه واصدروا بيان ضد الفتنة الطائفية وحتي لو فيه جهات امنية بتسعي للفتنة الطائفية اللى يسمع كلامها هو الغلطان
الحقيقه ان الشعب و الجيش بيلعبوا مع بعض لعبه (المستهبله ) الجيش هو اللي بيعمل كل حاجه بس يروح مستهبل و ملبسها لشفيق ... يقوم الشعب عشان عاوز و محتاج يصدق ان الجيش هو بابا و ماما وانور وجدي، يروح مستعبط و مهاجم شفيق و ينزل في مظاهرات ضده ... و يعمل انه مش واخد باله ان المسؤل الحقيقي هو الجيش
طيب لو الجيش عزل شفيق يضمن كاتب المقال ان لا يخرج اخرين للتظاهر في التحرير حتي تنتهي هذه الفترة الانتقالية ؟
لو يضمن ده والله العظيم انا اول واحد ينزل معاهم - برغم عدم اقتناعي- لاني زهقت من التظاهر كل يوم لسبب جديد ووقف الحال المستمر

لما يطلع فيديو لمدير امن دمنهور بيقول فيه صراحه انه بيحاول يقوم الناس علي المتظاهريين ... ده مش محاولات ثوره مضاده!!!! دي لوحدها يتشال فيها وزير الداخليه
ما قلنا اتوقف تاني يوم واتعين واحد تاني مكانه ولا لازم كل شوية تعيدها ؟

بعد ده كله ما تفتكروش ان من حق الناس انها تطالب بإقاله حكومه شفيق!!!
فين هو كل ده ؟؟؟؟؟؟؟؟؟؟ قوله وانا هنزل معاك
مش من حق الناس انها تتظاهر و تطالب بالتصدي لمحاولات إجهاض الثوره دي و تبات كمان في الميدان زي ما هي عايزه؟
لا طبعا والا كل شوية واحد يطلع بطلب جديد ولو لم ينفذ يروح يبيت في الميدان ونبقي بلد بايتة في الميدان من غير انتاج ونشحت عن قريب ان شاء الله كلنا


طبعاً كل ده كوم و اللي حصل الجمعه 25 فبراير كوم تاني ... الجيش ضرب المتظاهريين و طردهم بالقوه!!!! انا مش مصدق عدم الحكمه بتاعه اللي خد القرار ده!!!! تضربونا عشان شفيق!!!! هو شفيق اهم من مبارك؟؟؟ هو شفيق اهم من مصر؟؟؟؟ ولا فيه حاجه بتدبر؟؟؟؟؟؟؟؟؟؟؟؟ للأسف مفيش تفسير تاني
هتقولي الكلام الخايب بتاع اصلهم كانوا بيتظاهروا بعد الحظر ... هقولك ان لولا الناس اللي فضلت تتظاهر 18 يوم بعد الحظر مبارك عمره ما كان هيمشي
تصدق انت بقة اللى كلامك خايب الجيش لو من اول يوم عايز يطبق حظر التجول فعليا كان طبقه لكنه مراعي الظروف اللى بتمر بيها البلد ومش عايز يصطدم باي واحد متهور وتتحسب عليه و ده اللى جراء الناس على الجيش اكتر
للأسف ضرب الجيش للمتظاهريين تسبب في بدايه النهايه للعبه المستهبله ... و الناس هتبدأ تكسر خوفها من ان ميكونلهاش ضهر و هيبدئوا يواجهوا تخوفاتهم الحقيقيه
و اوعي تقولي الجيش اعتذر، الاعتذار يكون بتحقيق المطالب اللي الناس عاوزاها ... مشوا حكومه شفيق انهارده قبل بكره ... قبل ما الناس تفقد الثقه تماماً فيكوا و ساعتها هيبقي مطلب اساسي تكوين مجلس رئاسي و هو بصراحه عين العقل
لو دي اخر مطالبكم اوكي لكن لو اتنفذ وقلتوا لا المطلب الفلانى هو مطلبنا يبقي الجيش يعتقل اي حد يخرج من بيته بعد 12 بالليل ونخلص من الفوضي دي احسن وحكاية المجلس الرئاسي دي مرفوض لان بدل ما ننتخب مجلس رئاسي ننتخب مجلس شعب ورئيس احسن للبلد

في اعتقادي ان فيه انقسام حاد بين قيادات الجيش، بل انا متأكد ان ده حاصل
ايه الثقة دي اللى يقرا يفتكرك قاعد معاهم في غرفة الاجتماعات الخاصة بالمجلس الاعلى
علي فكره معظم اللي بيقولوا نسيب حكومه شفيق، و بيصفوا القرار ده انه عين التعقل هما اللي مش بيفكروا بعقلهم بل بيحركهم العاطفه .. عاطفه الخوف ... اقولك علي دليل؟ فاكر لما كنت بتتفرج علي الثوره في تونس و مشي بن علي و جه الغنوشي .. بذمتك كنت مع التونسيين في انهم يسقطوا الغنوشي ولا لأ؟ طبعاً كنت مع اسقاط الغنوشي، و الغنوشي بالظبط هو شفيق ... بس عشان كنت شايف من بره، من غير خوف و عارف تحكم بعقلك
وطبعا تونس نموذج ممتاز للي مطلوب يحصل في مصر كل يوم مظاهرات وقتلي
متشكرين مش عايزين
و نصيحه : ابوس ايدك ما تكونش رأيك من علي الفيس بوك ... كون رأيك من الجرائد المستقله، من مثقفين حقيقيين ... كون رأيك من المحللين الموثوق في استقلالهم ونزاهتهم ... عمرو حمزاوي، مأمون فندي، عمرو الشبكي، حسنين هيكل ، فهمي هويدي، وائل قنديل ... انا ذكرت بعض المستقليين مش معارضيين عشان متقولش دول كانوا معارضين مالأول .
من باب اولي لا يمكن اكون رايي من كلامك انت ومن قلت عنهم نبحث في خلفياتهم اولا لان من يعمل في كارنيجي لا اثق به ومن ابنه من كبار اللاعبين في البورصة لا اثق به ومن كان رئيسللمخابرات في وقت من اسوا عصورها لا اثق به ومين وائل قنديل ده كمان ؟

ننصيحه اخيره للساده الزملاء الثوار "العصبيين" بالراحه علي الناس شويه ... لو اختلفوا معاكوا و مش فاهمين وجهه نظركوا فهموهم .. محدش يتعامل انه معاه صك الحقيقه المطلق،
وليه بتتكلم انت نفسك وكأنك معك صك الحقيقة المطلقة وبتطالبنا نصدق كلامك ونقتنع به

علي المستوي الشخصي، لو اللي بيقري متابع مواقفي، فأنا بحاول ابقي متزن و ناديت مع مجموعه من الناس الي التهدئه والتسامح مع فكره القوائم السوداء و فتح صفحه جديده مع الشرطه بعد ما يعتذروا ويتحاسب المخطيء ... "يعني انا مش من المعاندين" بس انهارده بقولها بمنتهي الوضوح ... الثوره في خطر ومحتاجه كل واحد فينا ... و بلاش الناس تكرر اخطائها تاني و تفتكر ان الوطنيه هي التهدئه ... الوطنيه هي التعقل قبل اصدار احكام، و مسانده القرار اللي يحافظ علي مكاسب الثوره .. بدل كل التضحيات دي ما تبقي راحت هدر ... و انا عن نفسي في الشــــــــــــــــــــــ ــــــــــــارع و يا ريت مصر كلها تبقي في الشارع يوم الجمعه
منقول للمناقشة
فى كلام متفق معاه اوى فى المقالة دى و فى كلام (اظن) لا

ده كدة كلامك انت يا طارق وانا عرف كل اللى انت قلته من مواقفك المعتدلة فعلا وبتفق معاك في كتير جدا منها لانى عارف ان ليس لك مطامع شخصية ولكن تريد ان تري بلدك الافضل- بدون الدخول في فوضي نبقي نقول باقي مطالبنا بعدين واحنا اللى بنتحكم في الكون والكلام الكبير جدا اللى الناس بتتوهمه- ويوم الجمعة اه ممكن لو مقتنع بالسبب وطرد شفيق لو هو اخر المطالب برغم انى غير مقتنع لكن ممكن اخرج معاك علشان نخلص بقة من الاضطرابات اليومية دي غير كدة مش خارج واقعد في بيتنا احسن