صداء خفيف فى الردياتير

**matrix012** · 27-02-2011 01:06 PM

شباب انا كنت بسئل على ايه الفرق بين الماء الازرق - والماء الاخضر فى تزويد الردياتير وهل فعلا هوا فعال فى تخفيف او اختفاء الصدا الى فى المايه ؟؟
انا روحت بنزينه علشان امون مره وفى واحد قالى كشف مجانى على الماتور والكلام ده واول ما فتح قالى انو ممكن يعمل دوره غسيل للردياتير ويشيل الصدا منو وقالى انو هيكلف حوالى 20 جنيه وبيننى وبينكم حسيت انها نصب مش اكتر من كده
انا عموما عربيتى سيات ابيزا 1994 ماتور 1400 وربنا يسترها معاكم

**matrix012** · 02-03-2011 11:53 AM

ايه يا رجاله الموضوع مش صعب قوى كده

**windofchange** · 09-03-2011 04:17 PM

هو عندنا في ايبيزا 94 ل99 علي مااعتقد بيكون احمر وملوش علاقة بازاله الصدأ هو بيمنع حدوثه لأن المياه الحمراء بتخففها بمياه مقطرة مش عادية فبتمنع تكون الصدأ لأتن المياه العادية بتعمل صدأ طبيعي......البنزينة نقي حاجة محترمة عشان ميخربلكش حاجة

**Flamingo** · 24-03-2011 02:19 PM

موضوع الصدأ مشكلة سهلة ولكن استمرارها مشكلة كبيرة
ابتدى وحط مية خضرا على طول بمعنى كل زوادة ابقى ذود مية خضرا وواحد واحدة كل ماتيجى تفتح القربة حتلاقى كومة صا عايمة على الوش ..شيلها بمنديل ورق مبروم واشفطها بيه.. صدقنى مع مرور الوقت حتلاقى المشكلة اتحلت من غير تدخل البهوات بتوع البنزينة لأنهم بيخربوا الدنيا بسبب التخلف فى طرقة الغسيل المزعومة...
حل تانى هات علبة انتى رست امريكانى بعشرة حنية عاملة زى كانز البيبسي وفضيها كلها فى القربة وامشى يومين وبعدين فضى الرادياتير من المية واتفرج على الصدا اللى طلع... وبعدين املاة بمية خضرا وخليك على كدة على طول وحتدعيلى