المياه بتغلي داخل القربة !! يارت حد يساعدني بسرعة

**elmoski** · 27-02-2011 08:13 PM

امبارح رحت عند الميكانيكي كنت بركب سير تقسيمة ( اصلي من التوكيل) و شداد وسير دنامو .. العربية شاريد سيدان 96...
المهم مشيت بالعربية انهاردة و انا راجع من الشغل بعد مطفيت الكونتاكت وركنت خلاص سمعت ونا جوة العربية صوت غليان .. رحت فاتح الكبوت بسرعة ولا قيت المياه بتغلي جوه القربة و الخرطوم مولع نار اللي واصل للريداتير ياترا ايه السبب ؟؟؟ مع ان الميكانيكي ده كويس ؟؟ ياريت حد يقولي ايه سبب المشكلة دي عشان اطمن بس

**mrastra** · 27-02-2011 08:21 PM

السلام عليكم ورحمة الله
اخى الكريم من الواضح ان السير مهوى يعنى مش مشدود ودة بيخلى طلمبة المياة تلف ببطا فدورة التبرييد ضعيفة مما يسبب زيادة الحرارة
الحل ارجع للميكانيكى تانى وخلية يشد السير طبعا انا بتكلم عن سير الدينامو

**elmoski** · 27-02-2011 08:24 PM

( للعلم العربية مش بتسخن لان مؤشر الحرارة طبيعي عند 90 و المروحة بتشتغل عادي برده ويارب يطلع سير دينامو مش حاجة تانية

**beshomilan** · 27-02-2011 11:52 PM

ما نوع مية الريداتير عندك؟

**abdalah_hashem** · 28-02-2011 07:23 AM

السلام عليكم ورحمة الله
اخى الكريم من الواضح ان السير مهوى يعنى مش مشدود ودة بيخلى طلمبة المياة تلف ببطا فدورة التبرييد ضعيفة مما يسبب زيادة الحرارة
الحل ارجع للميكانيكى تانى وخلية يشد السير طبعا انا بتكلم عن سير الدينامو

كلام مقنع على فكرة
جرب تشد السير بتاع طرمبة المية كدة وجرب بس بسرعة واكشف عليها لتكون دورة التبريد فيها حاجة والامر يتطور ويوصل لسخونية الموتور وهتبقى مشكلة

**alhourriah** · 01-03-2011 10:52 AM

يمكن يكون عكس دورة التبريد هو الحل جرب شد ولو منفعش اتأكد من وصل الدورة بشكل سليم

**elmoski** · 01-03-2011 11:15 PM

المشكلة اتحلت يا جماعة و مكانش ليها علاقة بالسير .... طلع العيب من الترموستات الداخلي اللي جوة الموتور اللي بيحبس المياه جواه عشان تسخن ..... الميكانيكي قالي انه باظ وهو اصلا ملهوش لازمة و ممكن يتشال خالص و انه مهم في الدول البارده فقط .... وفعلا شاله و العربية اتظبطط وبقت تمااااام و مش بتسخن زي الول .... بس انا لما بدوس بنزين و العربية واقفة بسمع صوت مية بتتحرك ولما سألته قالي دي دورة المياه في ثلاجة التكييف و ده نتيجة لما شلنا الترموستات بقت المياه بتدخل بتدفق اثر من الاول ( كانت بتدخل سرسوب علي حد تعبيره ) فهل ده طبيعي !!

**abdalah_hashem** · 03-03-2011 03:04 PM

المشكلة اتحلت يا جماعة و مكانش ليها علاقة بالسير .... طلع العيب من الترموستات الداخلي اللي جوة الموتور اللي بيحبس المياه جواه عشان تسخن ..... الميكانيكي قالي انه باظ وهو اصلا ملهوش لازمة و ممكن يتشال خالص و انه مهم في الدول البارده فقط .... وفعلا شاله و العربية اتظبطط وبقت تمااااام و مش بتسخن زي الول .... بس انا لما بدوس بنزين و العربية واقفة بسمع صوت مية بتتحرك ولما سألته قالي دي دورة المياه في ثلاجة التكييف و ده نتيجة لما شلنا الترموستات بقت المياه بتدخل بتدفق اثر من الاول ( كانت بتدخل سرسوب علي حد تعبيره ) فهل ده طبيعي !!

طب الحمد لله انها اتحلت

انا عن نفسى مش بحب كلام الميكانيكية فى ان دية تتشال ودية تتحط لان الميكانيكى مش هيفهم اكتر من اللى صمم الماتور دوة وعارف الصح لية من الغلط

**SAMEH_FOUAD** · 03-03-2011 11:16 PM

يبقى دة ميكانيكى كفتجى معلش فى الكلمة

يعنى هو هيجى احسن من اليابانى وهيعدل علية

طيب على فكرة بقى الثرموستات الداخلية علاقتها مش للدول الباردة فقط لأ دية ليها اكتر من حاجة

1: علاقتها بالمحافظة على درجة حرارة الماتور اثناء السرعات العالية فى الجو البارد

2: تسخين السيارة فى وقت اسرع