باركولى حجزت اللوجان 2011 :) :)

**anan552003** · 28-02-2011 12:05 AM

الحمدلله حجزت لوجان 2011 فضى فول اوبشن و هستلم التلات و جرى على المرور ان شاء الله عشان الحق ارخص عشان عندى شغل يوم الاربعاء
طبعا احب اوجه الشكر للمنتدى و وحوش اللوجان خصوصا بيشوى و جابريل و مشاراكتهم الفعالة اللى كان ليها دور كبير فى اتخاذ القرار الصعب و اتمنى قبولى كعضو جديد فى نادى اللوجانوية
و سنوافيكم بأخبار اللقاء مع لوجى اول بأول

**Dr.Karim Emam** · 28-02-2011 01:45 AM

ألف مبروك و إن شاء الله تستلم على خير

**wassim_nasser** · 28-02-2011 01:53 AM

الف الف مبروك يا باشا تستلم وترخص علي خير بإذن ربنا .. طيب ليه حضرتك مافكرتش ف السانديرو مع ان شكلها اجمل؟

**tamer61** · 28-02-2011 10:26 AM

ألف مبروك و تستلم على خير إن شاء الله و إبقى طمنا عملت إيه.

**eng_elsaber** · 28-02-2011 12:00 PM

الف مبروك...ربنا يكفيك شرها

**anan552003** · 28-02-2011 11:25 PM

المشاركة الأصلية كتبت بواسطة Dr.Karim Emam

ألف مبروك و إن شاء الله تستلم على خير

الله يبارك فيك ...متشكر جدا

**anan552003** · 28-02-2011 11:29 PM

المشاركة الأصلية كتبت بواسطة dr.karim emam

ألف مبروك و إن شاء الله تستلم على خير

المشاركة الأصلية كتبت بواسطة wassim_nasser

الف الف مبروك يا باشا تستلم وترخص علي خير بإذن ربنا .. طيب ليه حضرتك مافكرتش ف السانديرو مع ان شكلها اجمل؟

الله يبارك فيك يا كبير
و الله اولا انا شايف ان اللوجان شكلها حلو جدا مقارنة بالعربيات اللى فى فئتها زى الفيرنا و اللانوس
ثانيا اللوجان اصبح شكلها مألوف نوعا ما فى الشارع المصرى و بدأت تنتشر و الناس تعرفها و ده انا شايفه هيخلى ليها سوق فى المستقبل لو الواحد حب يغير على عكس السانديرو لسه محدش كتير يعرفها

**anan552003** · 28-02-2011 11:33 PM

المشاركة الأصلية كتبت بواسطة ahmedabotalb33

ربنا يكرمك وتستلمها على خير كويس انك حجزت لان شفيق اصدر قرار بوقف استيرات السيارات والتكيفات وكام سلعه كماليه لمده سنه واكيد ده حيرفع سعر العربيات

الحمدلله ده خبر يفرحنى ان الواحد لحق نفسه فى اخر لحظة خصوصا انى اعتبر اخدت القرار بسرعة لأنى نزلت للمعرض يوم الخميس و سألت عن الاسعار يوم الجمعه و المعرض ظبطت معاه السبت و دفعت العربون الاحد و العربيه وصلت النهارده الاتنين
حاجه كمان انى الحمدلله جبتها بسعر كويس

**anan552003** · 28-02-2011 11:42 PM

المشاركة الأصلية كتبت بواسطة tamer61

ألف مبروك و تستلم على خير إن شاء الله و إبقى طمنا عملت إيه.

انا لسه جاى من المعرض دلوقتى و بصيت على العربيه و قعدت اقلب فيها بصراحه العربية ما شاء الله واسعه جدا و شكلها حلو
العداد كان عامل 18 كم و بصيت على الكاوتش و الاستبن و كنت واخد اسطوانة اوديو عشان اجرب الكاسيت و صوته بصراحة تحفه-الدواسات ناعمة و الفتيس نقله سلس جدا-فتحت الكابوت و بصيت على سوائل العربيه لقيتها كلها تمام-بس فتحت التابلوه و المفروض فيه لمبه بس مش بتنور مش عارف ليه؟ قلت أقابل صاحب المعرض بكره و هو اللى يشوف فيها ايه
ده كان الانطباع الاول للقاء لوجى بس لسه ما طلعتش بيها و للأسف مش هلحق ارخص بكره لأنهم اتصلوا بيا فى الشغل و لازم اروح بكره فهعمل توكيل لوالدى عشان يرخصها و كده كده فى واحد بيطلع من المعرض معاه بيخلص كل حاجه