عرض للطباعة
في الاول والله العظيم أنا مش بقوم الجيش على الشعب ولا الشعب على الجيش ولا أي حاجة
بس أرجوكم شوفو اللنك دة ويارات نتناقش عشان أنا معنديش أي تعليق ومش فاهم أي حاجة
موسى إلي في اللينك دة كان معايا في الجامعة دفعتي 2003 عين شمس حاسبات ومعلومات
وانسان موهذب جداً ومحترم جداً جداً جداً
ط§ظ„ط¬ظٹط´ ظˆ ط§ظ„ط´ط¹ط¨ ظٹط¯ ظˆط§ط.ط¯ط© ظˆ ظ„ظƒظ† ط¹ظ‚ظ„ ظˆ ظپظƒط± ظ…ط®طھظ„ظپظٹظ†. ظپظ‡ظ„ ظٹط³طھظ‚ظٹظ… ط§ظ„ط¬ط³ط¯طں « M O S E S S A U R U S
http://mosessaur.files.wordpress.com.../248992396.jpg
لشخص اللي في الصورة دي –إللي هو أنا- هو هو نفسه إللي في الفيديو ده في الدقيقة 1:25
Egypt: A New Spirit of National Pride
مقدمة شكر
أنا هبتدي بالإشادة بالمعاملة الطيبة في المجموعة 28 نيابات عسكرية و أيضا بالإحترام و حسن المعاملة الكريمة في نهار 26 فبراير لما إترحلنا على مقر إدارة الشرطة العسكرية. الصراحة تعامل سيادة اللواء مدير إدارة الشرطة العسكرية و السادة الضباط و الأفراد كان في غاية الكرم. و تعاملوا معنا على أساس إننا ضيوف ولسنا مجرمين.
و شكر للسيد اللواء مدير إدارة الشرطة العسكرية لأنه إهتم بحالتنا –الناس الذين تم الإعتداء عليهم بالضرب المبرح- في فجر نفس اليوم و أرسلني أنا و شخص آخر لمستشفى كوبري القبه برفقة أحد الضباط المحترمين من نفس الإدارة للكشف و عمل الأشعة اللازمة للتأكد من سلامتنا.
و في نفس الوقت أرسل الباقين في ميني باص خاص بالإدارة إلى ميدان التحرير.
ماذا حدث قبل فض الإعتصام
وصل عددنا في الليلة دي إلي أقل من 150 شخص. على الساعة 11:30 مساء يوم 25 فبراير أفراد الجيش عملوا كردون علينا لكن بدون أي تجاوزات و صديق لي رأيه إنهم عملوا كدة لحصر عددنا عند مجلس الوزراء. و فضوا الكردون على الساعة 12:15 بعد منتصف الليل من يوم 26 فبراير. في الوقت ده جت أخبار عن إن إعتصام ميدان التحرير تم فضه بعنف. في حوالي الساعة1:30 بعد منتصف الليل إبتدى الجيش يستعمل عصيان الكهربة في فض الإعتصام وطبعا جرينا. إللي حصل إن أفراد الجيش جنود و ضباط كانوا بيفضونا بالزق و الضرب -شلاليت-
كيف تم القبض علي
وأنا بجري وقفت أشوف واحد من الشباب اللي وقعوا. جالي ضابط راح ضربني و زقيني فقولتله “متضربش و أقبض عليه” فقالي “ تعالى يا روح أمك”.
وخذوني على مجلس الوزراء حتى دخلوني الجراج و إبتدت مرحلة التعذيب البدني و المعنوي
هذا ما حدث في جراج مجلس الوزراء
إتفاجئت بكم أفراد الجيش اللي كانوا نزلين ضرب في الرجالة في الجراج. وقلت يمكن بلطجية مكملتش التفكير و لقيتهم بيسحبوني بقوة و بيقولولي “إرقد على الأرض” و إبتدوا ضرب في برجليهم في كل حتى في جسمي و وجهي. فقمت بحماية وجهي من الضرب ولكن أحد الضباط رفع إيدي و داس على وجهي في الأرض و ربطوا إيدي ورا ظهري و نزلوا ضرب في وجهي برجلهم كإن رأسي كرة قدم. شارك في الضرب للجميع ضباط (ملازم و ملازم أول شباب) و صف ضباط و جنود.
غيري بقى شافوا أسوأ، منهم من تم تعريته في البرد و رشه بالماء و ضربه! و آخر ضربوه حتى خلعوا كتفه و أخرون تم كهربتهم بالعصي الكهربائية. و آخر قال أنا عندي القلب فردوا عليه بـإيه اللي منزلك المظاهرات و شالوا إيده من على قلبه و ضربوه مكنها!
في صوت رتبه واضح إنها كبيرة جه مرتين وقال محدش يضرب حد تاني! و أول ما مشي إبتدى العجن تاني! أيا كان هذا الشخص فلقد خالفوا أوامره أو إنها تمثيلية حيث لم يكن هناك من يباشر تنفيذ الأمر!!
هذا ما كان يقال في جراج مجلس الوزراء
الأخطر من الضرب و السب الكلام الغير مسؤول اللي كان بيردده الضباط و الأفراد إللي كانوا بيضربونا. أول ما دخلت لاحظت إنهم مركزين معانا على أسطوانة الخونة و العملاء فكان ضابط بيقول لشاب بيضربه “بتاخد 50 يورو يا روح أمك علشان تشتم في الرئيس مبارك” و طبعا نفس الكلام إتقالنا كلنا. و برضه كانوا بيقولوا لواحد واحد مننا قول “يعيش حسني مبارك” و إللي مايقولش يضربوه من الأول. كان واضح تماما إن التعامل كان مش على أساس إننا بلطجية بل مأجورين لزعزة أمن الوطن..
و من ضمن التجاوزات الإنسانية، كانوا بيزعقوا و يقولوا “هنا سجن أبو غريب” و يمسكوا شوية و مننا ينايموهم فوق بعض و يضربوهم.
كان في وسط الضرب شخص واحد صف ضابط كان كويس معايا و غليظ مع الباقين –بركة دعاكي يا أما- رد على أصحابي في الموبايل بأي كلام طبعا و أمنلي إستلامي لكل متعلقاتي إللي الحمد الله لم أفقد منها شئ.
من كانوا داخل جراج مجلس الوزراء
كنا حوالي 10 أو أكثر شوية بيتم ضربنا و تعذيبنا داخل الجراج. واحد أنا شخصيا متأكد إنه بلطجي بس بيضربوه على أساس إنه عميل. وواحد هارب من الجيش و ده تقريبا إتشتم بس. والباقي من الثوار فعلا!
في مجموعة ثانية من الثوار إتمسكم في إعتصام الميدان نفسه و دول كانوا حوالي 17 أو أقل شوية. ودول كان فيهم حوالي 5 بلطجية فعلا. المجموعة دي ماكنش باين عليها أثار ضرب أو تعذيب حتى البلطجية منهم. و لكن قالوا إنهم إتعرضوا لصعق بالعصي الكهربائية!
تساؤلات تحيرني
هل فعلا ما حدث و خصوصا ما قيل يعتبر تصرف غير مسؤول من بعض أفراد الجيش؟ أم أنه تصرف مقصود لتوصيل رسالة؟ أم أنهم قلة مندسة على الجيش هو كمان؟
هل ما حدث كان بأمر مباشر من أحد القيادات؟ و هل سيتم محاسبتهم على ما حدث؟
خرق حظر التجوال لا يبرر التعذيب أو الضرب و لا يوجد أي مبرر أصلا فلماذا حدث هذا؟
هل ما حدث يدل على وجود إنفلات أو إنقسام في الجيش فيوجد من هم منتفعين من النظام السابق و يودون بقاءه في صورة مبارك أو غيره؟
ما سر تمسك الجيش بالستة شهور لتسليم السلطة رغم وجود دعوى لإنشاء مجلس رآسي مدني لقيادة الدولة لفترة أنتقالية مدتها سنة؟
يا جماعة حد يرد عليه رايكو إيه في الموضوع دة
الواحد هيتجنن
مفيش اى تصريح عن الى حصل من الجيش غير انه اعتزر فقط
من المسؤل وراء الى حصل ده
وما هى الرساله الى عاوزين يوصلوها
لا حول ولا قوة الا بالله
الفيديو دة مقلق اوى
تم حذف موضوع كامل مبني على نفس الفيديو بناءا على طلب صاحب الموضوع و السادة الأعضاء
مشرف القسم
8 ب
1:18 ص
28 فبراير 2011
ليس دفاعا عن أحد أو جهة ما
أتمنى إعمال العقل بروية تجاه كل من المؤسسة العسكرية و الشرطة ........
كل منهما أُنشِأ بغرض عمل متمرس به .
أعتقد من غير العدل إنتظار سرعة إجراء عمل شُرَطي من المؤسسة العسكرية و العكس .
والله بعد الموضوع دة أنا مبقتش فاهم أي حاجة
حد يقولي يعني إيه يحيا حسني مبارك هيا الناس دي نايمة ولا إيه
هو مش حسني مشي ولا إيه
يا جماعة حد هنا من حاسبات عين شمس 2003
دة محمد موسى دة انسان محترم جداً والله
أنا مش فاهم في إيه بس
يا باشا الفيديو دة مع البلطجيه ودة واضح جداًاقتباس:
المشاركة الأصلية كتبت بواسطة elrasy
لكن أنا بتكلم على موضوع تاني خالص
أنا بتكلم على واحد زي وزيك
واحد عادي جداً
اللى مصور الفيديو واخد راحتة اوى
انا حاسس ان حد عايز يوقع الجيش فى الشعب ,, ربنا يستر وميكنش فى انقسامات داخل قيادة الجيش.
الى يعمل كدة مع بلطجى يعمل كدة معاكاقتباس:
المشاركة الأصلية كتبت بواسطة tito17182
لازم القانون هوة اللى يحكمنا
الحكاية ان الناس اختلطت ببعض والبلطجية هي اللي مسيطرة علي البلد دلوقت والناس مش عايزة تدي فرصة للجيش يسيطر علي الوضع وكل شوية اعتصامات يدخل وسطها شوية بلطجية يولعوا الدنيا
ومحدش عايز يدي فرصة للشرطة انها تكمل انتشارها مجرد ظهور ضابط شرطة في الشارع وبالذات في الاحياء الشعبية معناه ان الناس تتعامل معاه باقذر الالفاظ والجيش لما يبدأ التعامل مع البلطجية يظهر علي طول ناس تقول ايه اللي الجيش بيعمله ده وادي دليل علي كلامي
http://www.facebook.com/ElShaheeed/posts/182357511808835
مجموعة من بلطجية زرزارة في بورسعيد بهدلوا الشعب ولما الجيش بدأ يتعامل معاهم بقي مطلوب منه تفسير - ولو الشرطة هي اللي اتعاملت معاهم تبقي الدنيا ولعت والحقوا الشرطة بتبهدل الشعب
ممكن حد يوضح الشرطة تتعامل مع البلطجية ازاي يطبطبوا عليهم ولا يستأذنوهم ---- ولو بلطجي رفع السلاح علي ضابط شرطة ايه التصرف المطلوب يمشي ويسيبه ولا يضرب عليه والناس تطلع تقول الشرطة بتضرب الشعب
واقعة بسيطة في عين شمس احمد عصمت محصل الكهرباء تم سرقته الساعة 3 ظهرا وسط الشارع ولم يتمكن احد من التدخل امام اسلحة البلطجية
وواقعة تانية بشارع ابو الفتوح عبدالله بعين شمس من يومين خناقة بين بلطجية في الشارع والنتيجة 7 ماتوا واكتر من 20 مصاب
وفي النهاية مطلوب استمرار الاعتصامات ومطلوب استمرار المظاهرات ومطلوب استمرار عدم الاستقرار والناس اللي عندها عائلات بتصرف عليها ومش لاقيه فلوس لما تطلع تقول ياجماعة اهدوا شوية خلي البلد تشتغل يطلع علي طول اللي يقول انت منبطح وانت عميل وانت تبع الحزب الوطني وان الحرية اهم من كل الحاجات دي كأن المطلوب اجيب لاولادي كيلو حرية يفطرو ويتغدوا ويتعشوا بيها
ناس كتير من اللي كانوا بيؤيدوا الثورة بدأو يتخنقوا والنتيجة الله اعلم بيها
يا باشا ماشي بس أنا مش عايز الناس تخلت مبين الموضوعين
حسبي الله ونعم الوكيل "ويمكرون ويمكر الله والله خير الماكرين" ربنا يهدي ضباط الجيش علينا
ياجماعة بلطجية إيه بس الرجل بيقول إن الذوبت كانو بيقلولو قول يحيا حسني مباركاقتباس:
المشاركة الأصلية كتبت بواسطة abf-nassar
++++++++++++++1اقتباس:
المشاركة الأصلية كتبت بواسطة abf-nassar
اخي الفاضل الموضوع مش خلطاقتباس:
المشاركة الأصلية كتبت بواسطة tito17182
الموضوع ان كل المطلوب ان الناس تلتزم بتعليمات الجيش علشان ميدخلش بينهم بلطجية تولع الدنيا
ايه اللي يحصل لما الوقفات والاعتصامات تبقي يوم الجمعة اللي هو اجازة بعيد عن تعطيل البلد
ايه اللي يحصل لما الناس تلتزم بالحظر
ايه اللي يحصل لو الناس انتظرت 6 شهور لغاية الانتخابات ما تتم مع مراقبة الاحداث ولو حصل اي حاجة مش عاجباهم خلال الستة شهور يبقوا يخرجوا
((ياجماعة بلطجية إيه بس الرجل بيقول إن الذوبت كانو بيقلولو قول يحيا حسني مبارك))
يمكن سمع غلط ماهو حسني كان عامل رعب للناس!!!
لو قصدك ممكن حسني يرجع.........أستحالة لا بالمنطق ولا بالسياسة
ياجماعة مدخلوش الاتنين في بعض بالله عليكم
أنا رأي إن موضوع بورسعيد دة كان مع بلطجية لكن أنا بتكلم على إلي حصل في جراج مجلس الوزرة وحكاية قول يحيى حسني مبارك دة إلي هيجنيني
يا استاذياقتباس:
المشاركة الأصلية كتبت بواسطة tito17182
يحيا حسني مبارك ولا يموت حسني مبارك
اهو راح في داهية واستحالة انه يرجع تاني هو او اي حد من عائلته لان الناس اصلا مش هتديهم فرصة يعملو اي حاجة من الكلام ده
والجيش عارف كويس ان الدنيا ممكن تولع لو حصل موضوع زي ده يبقي بالعقل نريح نفسنا من الكلام عن حسني مبارك ونشوف مستقبلنا وحياتنا
:x1[1]::x1[1]::x1[1]:اقتباس:
المشاركة الأصلية كتبت بواسطة abf-nassar
يا باشا أنا مش متخيل إنو مكن يرجعاقتباس:
المشاركة الأصلية كتبت بواسطة otefa
بس أنا مش قادر أفسر الموضوع
موضوع سمع غلط دة مستحيل
إنت أصلك متعرفش الراجل دة
الناس برضو بتعمم التصرفات الفردية على الكل
بصوا
الجيش محترم لاجدال
لكن مفيش حاجة هتكون سليمة 100%
مش هنلاقي كل حاجة تمام 100%
لازم هيكون فيه أخطاء هنا .. أو أخطاء هناك
وده وارد..وبالذات في الفوضى الحاصلة دلوقتي
بسسسسسسسسسسسسسسسس
يجدعان أنا متأكد إن حسني كدة بخ
وكلنا مع الجيش حتى موسى قال انهم كانو قوسين جداً في الشرطة العسكرية بس برضو يعني إيه شوية ظباط يقولو يحيا حسني أنا عايز أفهم يعني إيه محدش يقولي مش مهم
أنا عرف إنو مش راجع بس برضو في حاجة عجيبة
النيابة تستجوب العادلي في أحداث موقعة الجمل والفراغ الأمني بعد الثورة
http://img.wlxrs.com/$Live.SN.Messen...e/icon16wh.pngشارك
http://productnews.link.net/general/..._large_370.jpg اضغط للتكبير
حبيب العادلي
2/27/2011 9:43:00 PM
القاهرة- أ ش أ
صرح المتحدث الرسمي للنيابة العامة بأن جميع النيابات المختصة تواصل سؤال المصابين وأهالي المتوفين والشهود وجمع كافة الأدلة في وقائع التعدي والقتل العمد التي وقعت عقب يوم 25 يناير.
وأضاف المتحدث انه في ذات الوقت بدأ فريق التحقيق الذى أمر النائب العام بتشكيله برئاسة النائب العام المساعد في سؤال بعض المختصين في وزارة الداخلية في سبيل الكشف عن أسماء المتورطين في ارتكاب تلك الجرائم، واستعجال نتائج أعمال لجنة تقصى الحقائق ،وفى هذا السياق تم استدعاء وزير الداخلية السابق حبيب العادلي لاستجوابه في ذات الشأن.
وأكد المتحدث الرسمي حرص النيابة العامة على حقوق ضحايا تلك الثورة والقصاص من الجناة وأن النيابة العامة ، ستواصل تحقيقاتها والكشف عن أسماء مرتكبي تلك الجرائم أيا كانت شخصياتهم أو وظائفهم فور الانتهاء منها.
اقرأ أيضا:
5 مارس.. بدء محاكمة العادلي أمام الجنايات
طب احنا عملنا ثورة ليه بقى ؟؟ عشان نمشى مبارك ولا عشان نقضى على الفساد ؟؟؟اقتباس:
المشاركة الأصلية كتبت بواسطة abf-nassar
الفيديو بتاع بورسعيد دا واضح انه بلطجيه.. لكن موضوع صاحب حضرتك دا يقلق فعلا....
مش عارف والله لو الجيش بيعمل كدا فعلا ايه الى هيحصل
تابعوا الجزيرة مباشر دلوقت وهتلاقو نفس المشكلة
ناس مصممة تعتصم في ميدان التحرير والجيش مصمم يمشيهم
ومكتوب عاجل ايد خفية تحاول توريط الجيش في مواجهات مع المتظاهرين
هو دة إلي أنا بقولة بس لو حضرتك تاخد بالك هو بيقول إن التعامل في أدارة الشرطة العسكرية كان كويس تفتكر إيه بظبط إلي بيحصل دة إلي هيجنيني يعني في ناس بتناخور في الجيش ولا إيه مش فاهماقتباس:
المشاركة الأصلية كتبت بواسطة medo_2060
اذا كانت الثورة علشان مبارك يمشي يبقي فعلا هو مشياقتباس:
المشاركة الأصلية كتبت بواسطة kono
واذا كانت الثورة علشان محاربة الفساد فيه 30000 بلاغ بيتحقق فيه دلوقت ومافيش استثناء لاي حد وبدأت احالات للمحاكمة
وبرضه الناس متابعه يعني لو ناموا شوية نبقي نخرج نتظاهر من جديد
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gifاقتباس:
المشاركة الأصلية كتبت بواسطة abf-nassar
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة heshamzaky http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif
............ منقول ........................
قالت الإعلامية منى الشاذلى مقدمة برنامج العاشرة مساء، إن مصادر أكدت أن كل من سيقوم بخرق حظر التجول فى الفترة القادمة سيتم حبسه فوراً 6 أشهر على أقل تقدير موضحة أن هذه المعلومات لم يتم الكشف عنها حتى الآن.
يأتى ذلك بعدما أصدرت المحكمة العليا العسكرية، اليوم عدداً من الأحكام القضائية فى عدد من المتهمين فى جرائم البلطجة والسرقة بالإكراه وخرق حظر التجوال وقضية التعدى على مساكن الزلزال بالمقطم وحيازة أسلحة بيضاء.
اقتباس:
المشاركة الأصلية كتبت بواسطة abf-nassar
انا كنت في التحرير ما بين 10 و 11 ونصاقتباس:
المشاركة الأصلية كتبت بواسطة otefa
فيه قوات جيش عند الميدان من ناحية مجمع التحرير
فيه حوالي الف وخمسمائة الى الفين شخص في الميدان معظمهم في الصينية الموجودة وسط الميدان منهم ما لا يقل عن 500 بيشوفوا الوضع ايه في التحرير ومجموعة كبيرة من الباعة الجائلين لكل ما تتخيله خاصة الشاي والبطاطا والكسكسي والبليلة والتيشيرتات والاعلام والبندانات الخ الخ الخ الخ
ظابط جيش ماسك ميكروفون واتجه للموجودين وقال لو سمحتم يا جماعة بعد اذنكم فيه حظر تجول من 12 مساء الى صباحا وسيتم تطبيقه على الجميع حفاظا عليكم لو سمحتم روحوا وتعالوا بكرة الساعة 6 اقعدوا زي ما انتم عايزين
مش عايزين حد يدخل وسطكم ويتسبب في مشاكل لينا وليكم
اقسم بالله الظاب طاخد كم شتائم اقل واحدة منها بايقاف العضوية هنا ومجموعة منهم نزلت وقفت العريبات في الشارع وراح لهم مجموعة من الشرطة العسكرية اللى واقفين بينظموا المرور وحاولوا يقنعوهم يبعدوا عن الطريق
عند هذا الحد تركت الميدان ومشيت
وطبعا في الحالة دي لازم يبدأ الجيش يتعامل معاهم ولما يحصل ضرب يقولوا الجيش بيضرب المتظاهرين - والمفروض الجيش يوقف كل واحد يسأله انت متظاهر ولا بلطجي علشان يحدد هيتعامل معاه ازاي :_Alshmokh08[1]:اقتباس:
المشاركة الأصلية كتبت بواسطة dr-mohamed
مش بيشتم أكيد بلطجي طبعا
الى على الجزيرة دلوقتى دة تسجيل معاد بتاع أمبارح مش جديد . لكن الجديد ان الجيش دلوقتى بيغلق الطرق الى بتدخل الى الميداناقتباس:
المشاركة الأصلية كتبت بواسطة abf-nassar
حاسس ان عكس ما البعض بيتصوراقتباس:
المشاركة الأصلية كتبت بواسطة abf-nassar
فيه مخطط لاستفزاز الجيش للقيام باعتقالات للموجودين في التحرير علشان الدنيا تتقلب عليه زي ما حصل من يومين ولو شفت الجزيرة مباشر دلوقت هاتصدق كلامي كل التصوير بتاعهم مسجل وطبعا المكالمات كلها تهييجية
معظم الموجودين شتموا لكن ماخدتش بالي من الشتيمة كويس غير من الموجودين قريب مني وهما اللى كانوا في مواجهة الجيشاقتباس:
المشاركة الأصلية كتبت بواسطة otefa
وللامانة فيه شاب من الموجودين قالى ما دام معاك اطفال روح من دلوقت احسن لك
نفس الاحساس برضه بالذات ان معظم اللي موجودين هناك مالهمش علاقة بشباب 25 يناير ولا موقعة الجملاقتباس:
المشاركة الأصلية كتبت بواسطة dr-mohamed
اللي هناك شوية منهم عايزين يركبوا الموجة وشوية مقتنعين فعلا برأيهم وشوية بلطجة دة بخلاف بتوع البليلة طبعا
متوديناشفي داهية وتجيب فكرة جديدةاقتباس:
المشاركة الأصلية كتبت بواسطة abf-nassar
البعض على سبيل المزاح كان اقترح جمعة معرفة مين هو الراجل اللى ورا عمر سليمان
دلوقت هاتبقي جمعة معرفة مين هو الراجل بتاع البليلة
يا عميل يا خايناقتباس:
المشاركة الأصلية كتبت بواسطة dr-mohamed
ازاي تحكي لينا علي اللي حصل
ازاي تقول ان الضابط تحدث مع الجميع بأدب و طلب الانصراف بأدب
ازاي تقول ان البعض من المعتصمين شتموه
ازاي تروح و تسبهم هناك ينضربو لوحدهم
و الله انها الخطة القادمة
اشتعال الموقف
ربنا يحفظنا
يعني ربنا خلصنا من المفسدين و الحرامية
و ابتلينا بناس لا تحكم العقل و يغلب عليهم الغطرسة ولا يسمعون سوي لصوتهم فقط
م.حاتم السباعي
:_Alshmokh08[1]::coming-soon[1]:اقتباس:
المشاركة الأصلية كتبت بواسطة dr-mohamed
اقتباس:
المشاركة الأصلية كتبت بواسطة dr-mohamed
انت كده كشفت المخطط وعرفت الاجندة والكشكول وكلمة السر ( مين الراجل بتاع البليلة )اقتباس:
المشاركة الأصلية كتبت بواسطة hagan
وازاي يجيب سيرته قدام الناس
سلم نفسك يادكتور :00020140: