الموضوع: قطع غيار رينو سينيك

السلام عليكم

والله السيارة قطع غيارها الميكانيكية هى كلها الميجان نفس الأسعار ومتوفرة أما باقى قطع الغيار فهى أقل من الميجان نظرا لقلة أنتشار السيارة ولكن حتى الأن لم تصادفنى أى مشكلة فيها أنا معى سينيك 2006 ولو محتاج تسأل على أى حاجة فيها أنا فى الخدمة

المشاركة الأصلية كتبت بواسطة ahmedbatoos

السلام عليكم
الف شكر ليك ربنا يجزايك خير يارب

انا بس مش فاهم الجزء التاني بتاع باقي القطع موجود بس اقل يعني زي ايه واسعار القطع الي مش زي الميجان هل سعرها مماثل للميجان او العربيات التانيه ولا مبالغ فيها
كذلك العربيه شايف اعتمديتها اعلي من الميجان ولا اقل
الميجان وعشان اكون صادق انا سقتها وسافرت مع صحابي فيها وكانت لحد ما بختك يبو بخيت لان لو حصل فيها شئ صعب تلاقي قطع غيار وصعب تلاقي حد يصلحها وصعب اساسا تعرف ايع تعبها غير بعد المشاكل في التصنيع او التجميع وحاجات بيتكرر خربتها كتير


فهل السينيك نفس الشئ ولا اعتماديه اكتر وكده

السينيك زى الميجان فى كل حاجة حتى المشاكل بس الفرق أنها تقفيل فرنساوى وأنا قصدى قطع الغيار زى الفوانيس الرفارف الخ ..... وجودها أقل بس موجودة وأسعارها أعلى شوية من الميجان. وعلى فكرة أنا بحبها عن الميجان لأنها عائلية أكتر وبالنسبة للفقرة بختك يا أبو بخيت كل قطع الغيار موجودة ومتوفرة ووحوش المنتدى يشهدوا على كده ولو العربية بيتعمل صيانتها الدورية بصورة منتظمة عمرك مهاتلاقى منها مشاكل أنا عملت فى يوم واحد بالميجان 1200 كم القاهرة - أسكندرية - القاهرة و القاهرة - رأس سدر - القاهرة .

المشاركة الأصلية كتبت بواسطة ahmedbatoos

شكرا جدا diabloegypt1

انا لقيت مراكز كتير في اسكندريه بتبيع قطع غيار ميجان جديد واستعمال خارج وكتير جدا الميجان لقيتها متطقعه ومرميه في الشوارع !! تحديدا في ميامي ومنطقه السيوف


لكن لي سؤال معلش هتعبك معايا

يعني دلوقتي حضرتك بتقول مشاكلها نفس مشاكل الميجان
ممكن حضرتك تلخصلي المشاكل ديه بعد اذنك



وهل التجهيزات الكهربائيه من حسسات وانظمه كهربائه واكسس بوينت وكل ده في السينيك هو هو في الميجان يعني لو حاجه من ديه باظت هجيب حاجات الميجان


وكذلك الميجان اكثر من مره قرات ان الكويلات ديه بتبوظ فيها والسينيك هل نفس الكويلات تركب بلاتنين ؟



وهل الاختلاف في قطع الغيار مجرد في الشكل الخارجي ؟



كذلك حضرتك بتفضل مين في السفر وبتطمن لمين اكتر . . . لأن معرض لرينو مستعمل بتصل بيه قالي يا بااااااااااااااااشااااااا اا السينيك العن من الميجان عددتها ديجتال يا بااااااااااشا فا اكيد مشاكلها اكتر يا باااااااااااااااشاااااااا اا انما الميجان عددتها بكر يا يبيييييييييييييييه

:d فما رد حضرتك

عموما الماتور الى فى السينيك هو هواه الى فى الميجان ونفس العفشة وكل الأجزاء هى هى حتى قواعد الماتور والفتيس والشدادات هىه هيه والكويلات كمان .... بانسبة لبوظان الكويلات علشان تحافظ عليها تغير البوجيهات فى ميعادها ويفضل تجيب البوجيهات من التوكيل

أما بالنسبة للعدادات الديجتال دى عاملة زى عدادات السيفيك بس فى مشكلة مشهورة بها أنها بتفصل خالص يعنى تبقى ضلمة وده غالبا سببه غسيل السيارة علشان تبقى على علم بيتصلح فى حدود 1000 جنيه وده العيب الوحيد الى زيادة عن الميجان

اما بانسبة لراحة السفر فأنا بحب الميجان علشان الأحساس الرياضى و أحساس انى منخفض فى الجلوس على المقعد علشان كراسى السينيك عالية