لمبة الفرامل قايدة علي طول!!!

**WHATZUP** · 28-02-2011 01:23 AM

في عندي مشكلة هي بسيطة بس انا مش عارف تتظبط ازاي??

كل ما حد (ميكانيكي مثلا) يفتح الغطا بتاع الزيت بتاع الفرامل تفضل اللمبة معلقة فترة شوية تقيد وشوية تطفي...
وبتطفي لما اضغط علي الغطا بتاع الزيت هو لة ظبطة معينة بتخلي اللمبة دي تتظبظ بس انا مش عارف هي بتتعمل ازاي بالظبط.....
كان واحد معرفة عملهالي قبل كدة
حد ممكن يفيدني في الموضوع دة .....
وهل في مشكلة لما امشي بيها واللمبة قايدة ??
وشكرا مقدما لاهتمامكم

**ahmed_mido1889** · 28-02-2011 02:54 AM

لو اللمبه اللي في التابلوه

ممكن يكون مستوي زيت الباكم منخفض

او ممكن تيل الفرامل عايز يتغير

**فتح الباب** · 28-02-2011 03:06 AM

اه صح لو زودت زيت الفرامل هتطفى اللمبه ولو غيرت تيل هايزيد الزيت يبقى تكشف على التيل الاول لو كويس زود زيت ولو مش كويس ماتزودش زيت اكتفى بتغيير التيل بس لان قيمة علو التيل الجديد تعمل على تراجع البستم اللى تحت مما يؤدى الى اعادة الزيت الى مكانه تانى فبالتالى يزيد مستواه فى الخزنه الخاصه به

**WHATZUP** · 01-03-2011 01:14 PM

المشاركة الأصلية كتبت بواسطة tjp

اه صح لو زودت زيت الفرامل هتطفى اللمبه ولو غيرت تيل هايزيد الزيت يبقى تكشف على التيل الاول لو كويس زود زيت ولو مش كويس ماتزودش زيت اكتفى بتغيير التيل بس لان قيمة علو التيل الجديد تعمل على تراجع البستم اللى تحت مما يؤدى الى اعادة الزيت الى مكانه تانى فبالتالى يزيد مستواه فى الخزنه الخاصه به

المشاركة الأصلية كتبت بواسطة ahmed_mido1889

لو اللمبه اللي في التابلوه

ممكن يكون مستوي زيت الباكم منخفض

او ممكن تيل الفرامل عايز يتغير

شكرا جزيلا لاهتمامكم

بس انا عايز أأكد علي حاجة
اللمبة كانت شغالة كويس والفرامل كويسة جدا وانا مغير تيل امامي قريب
بس الميكانيكي فتح الغطا وقفلة تاني حب استطلاع يعني ماكانش فية مشكلة في الفرامل ولا حاجة
فانا شبة متاكد ان فتحة الغطا دية هي اللي خلت اللمبة معلقة وهي كانت عملت كدة مرة قبل كدة وواحد ظبطهالي
بس انا مش فاكر هو عمل اية بالظبط
اما تشيل الفيشة بتاع الكهربا اللي موصلة للمبة بتاع التابلوة تلاقي مسمار صغير نازل في الغطا بتاع علبة الزيت
والمسمار دة لو ضغطت علية بيطلع وينزل
مش عارف انا صح كدة ولا بيتهيالي
انا عامة عايز بس اتعلمها عشان بحب ابقي بفهم في اي حاجة بستعملها...

مش كل حاجة بسيطة كدة اروح للصنايعي مرة اخري شكرا لاهتمامكم....

**ahmed_su** · 01-03-2011 01:31 PM

زى مالشباب قالو

الجزء الللى فى غطاء علبة الزيت ده ماهو الا سويتش

بيقيس منسوب الزيت لما بنخفض عن حد معين لمبة التحذير

بتنور فى التابلوه - واللمبة دى مشترك معها تحذير انخفاض

مستوى سمك التيل الامامى وفى بعض الموديلات كمان فرامل اليد

وبما انك متأكد من التيل يبقى مافيش مانع انك تزود منسوب الزيت

قليلا حتى تنطفىء لمبة التحذير اما اذا ظل الوضع قائما يرجى مراجعة

سويتش لمبة التحذير فى الغطاء ربما تكون السوستة الخاصة به "بتعلق"

فيلزم اصلاحها او استبدال الغطاء بالكامل - كل ده بنفسك مش محتاج اى حد يعملها