وفقك الله يا برادعى
رأيى الشخصى , الراجل ده لازم نسمع رأيه , هو اول من نادى بالتغيير و عنده بصيره يحسد عليها , و دائما رأيه صائب
وفقك الله يا برادعى
رأيى الشخصى , الراجل ده لازم نسمع رأيه , هو اول من نادى بالتغيير و عنده بصيره يحسد عليها , و دائما رأيه صائب
أعتقد أنا وغيري كثيرون أن إرهاصات الثورة المصرية بدأت منذ 2005 مع نشأة حركة كفايه، ثم كان إضراب 6أبريل 2008 بروفة ضخمة لها، ثم أتي البرادعي في فبراير 2010 ليصيغ نظريتها ويقدم الإلهام لآلاف الشباب المصريين بأن التغيير عن طريق العصيان المدني هو الحل الوحيد أمام تعنت النظام في الاستجابة لمطالب الشعب، وكانت حملة توكيلات البرادعي ثم تفويضه بالمطالب السبعة البيان الأول للثورة خلال العام الماضي، وكانت مطالبة البرادعي للأحزاب بمقاطعة الانتخابات ثم تأكد ما حذر منه بعد ذلك من تزوير فاضح الدليل العملي على أن نظريته في التغيير بالتظاهر السلمي والعصيان المدني هي الحل الوحيد، وبالتالي عندما اندلعت الشعلة الأولى للثورة في 25 يناير كان البرادعي هو من نفخ في الجمر المتقد في نفوس المصريين لكي تشتعل، ووجوده خارج البلاد في اليوم الأول لا ينفي عنه أنه كان صاحب أجرأ دعوة للتغير ضد مبارك ومشروع التوريث. من ينكر كل هذا إما أنه لم يكن متابعا للحياة السياسية في مصر أو أنه يأخذ من الرجل موقفا شخصيا غير مبرر.
لا يوجد من يشكك ان البرادعي مصرى لكن هل من غاب عن مصر اكتر من 30 عام وحين عاد من عام سافر منها اكثر مما بقيفيها يعرف عنها شئ ؟
المشاركة اللى بعدك بتقول انه ليس اول من نادي للتغيير
التغيير لم يتم عن طريق العصيان المدني وانما عن طريق كفاح مفاجئ وقوي بين الشعب وبين شرطة النظام السابق ثم انحاز الجيش للشعب اما ان البرادعي هو اللى عمل كل حاجة ومن غيره كانت الثورة لم تحدث فطبعا غير صحيح تماما لان الثورة اندلعت بدون البرادعي وبدون وجوده واظن ان هروبه بمجرد ما النظام السابق لعب معاه لعبة صغيرة بتاعة تشويه السمعة ثم عدم حضوره قبل انطلاق ثورة 25 يناير وانتظاره لرؤية احتمالات نجاحها دليل على انه ليس الرجل الذي يعتمد عليه في المواجهات الجادة واعتقد ان شعبيته ظهرت بشدة لما راح التحرير وكان به اكتر من 20 الف ولم يستجب له احد ولم يهتم به الا القنوات التليفزيونية التي اتصل بها قبل ذهابه ليسجلوا بيانه
ومن يكذب مرة لا اصدقه بالمرة والبرادعي كذب حين قال ان الاحزاب والاخوان فوضوه للتحدث باسمهم ثم كذبوه ولم يعلق او يرد كما لم يرد احد من انصار البرادعي على ذلك
ومرة تانية انا رافضللبرادعي لكن لو الاغلبية اختارته في انتخابات نزيهة يبقي قرار الاغلبية يسري ويحترم
انا مقدرش احكم على اى شخص من غير ما اسمع البرنامج النتخابى بتاعه،
ولكن مما يظهر حتى الان اللى ممكن اديلهم صوتى
المستشار هشام البسطويسى اذا ترشح
ثم الدكتو رمحمد البرادعى اذا رفض سيادة المستشار الترشح
الراجل ده (اقصد د البرادعى) له وجهة نظر سديدة فى كتير من الأمور لكن كتر الزن على الودان من اجل تشويهه هو اللى خلا الناس تهاجمه
كلامك زى الفل يا باشا ان كان اصلا هو تحدى امرييكا فى الحرب على العراق وقال ان ما فيش دليل ان العراق عندها اسلحة دمار شامل ولم يمكن امريكا من استخدام مجلس الامن ودخلت كقوة احتلال
المعلومات الشخصية اللى اعرفها عن البرادعى هى الاتى
محمد البرادعي
الميلاد 17 يونيو 1942
الجيزة - مصر
المهنة المدير السابق للوكالة الدولية للطاقة الذرية
الزوج(ة) عايدة الكاشف
الأبناء ليلى، مصطفى
الجنسية مصري.
الله ينور عليكم, لسة فيه ناس بتفهم في مصر.
اللي بيقول البرادعي ملوش يد و بيقفز عالثورة و الكلام بتاع الأعلام الموجه ده بيغالط نفسه قبل ما يكون بيغالط اللي بيكلمه. البرادعي فعلا أول من دعا الي التغيير و أول واحد قال لو مفيش استجابة يبقى لازم ندعو الناس للعصيان المدني العام و لازم الناس تنزل الشوارع تقول رأيها. اللي ميعرفش انه قال كدة يبقى مش متابعه السنة و نص اللي فاتت و ميحكمش من غير ما يدور و يقرا.
و اللي يقول ان ثورة 25 يناير البرادعي ملوش دعوة بيها برضه يبقى بيغالط. الثورة مكانتش حاجة عشوائية دي كانت ليها أطراف منظمة دعت ليها قبها بفترة و الحمد لله حصلت استجابة شعبية واسعة هي اللي أدت لنجاحها, انما في الأساس الداعيين ليها أطراف محددة و أصبحت معروفة دلوقتي: جروب كلنا خالد سعيد, حركة 6 أبريل, حركة كفاية, الحركة الشعبية لدعم ترشيح البرادعي و بعض المثقفين المستقلين. اللي تابع الفترة اللي فاتت تصريحات ممثلين الجبهات دي حيلاقيهم اجمعوا على أسم البرادعي كملهم و حتلاقيهم بيتكلموا على تبنيهم للأفكار اللي طرحها البرادعي من أكتر من سنة.
و بعدين البرادعي من قبل 25 يناير أعلن دعمه للمظاهرات اللي تمت الدعوة ليها, كونه مكانش موجود يوم 25 ميعيبوش. و بعدين ليه منقولش ان الراجل حسبها كسياسي محنك و عرف ان وجوده في وش الثورة في الأيام الأولى مع كل التشويه اللي كان بيتعرضله قبلها و اللي للأسف لاقى صدى كبير عند المصريين, كان ممكن يخلي الشعب يعزف عن الاشتراك و يعتبر الموضوع مظاهرات مسيسة مش أحتجاج شعبي كامل؟؟؟
و بعدين اللي بيعيب على البرادعي انه كان عايش برة مصر, احب أقول له ان دي أكبر ميزة فيه, انه أشتغل سنين في أجواء بعيدة عن مستنقع الفساد اللي كنا عايشين فيه, و عنده رؤية واضحة لكيفية أدارة البلاد في الدول الديموقراطية.
بجد اتمنى من ربنا ان احنا يكون لينا الحظ و الشرف ان راجل بالعقلية بتاعة البرادعي يمسك مصر و ينشلها من القرف اللي هي فيه.