الموضوع: فرش السياره ! الادواتبتاعت التركيب بتتباع فين ؟ و لو حد ليه رأى تانى !

ياجماعه انا بسأل عن الادوات
بتتباع فين ! الدباسه ! و اللزق اسمو ايه ! غرا تقريبا ! و بيتباع فين !



الفكرة ان كل مره اركب الصنيعييه شغلهم وحش اوى

و الحلوين غالين اوى
الفرش ب 100 او 200 اقصى حاجه فى التوفيقيه .. دا الخامات المتداوله .. و التركيب هناك غالى و وحش .. مايستهلش 40 او 50 جنيه ولو اقل من كده بيبقا نقش فراخ


الفكره ان اغلبيه محلات العربيات بتركب الفرش اللى ب 150 ب 350 ! ولو بيحبك يقولك 300 !! انا مش عارف ليه ! هوا هواا نفس الخامه و نفس كل حاجه الخامات النضيفه اغلى من كده بكتير . .. بس التركيب حلو بس .. حرام 100 او 200 جنيه فى الهوا
والموضوع مش مستاهل ادفع 600 جنيه تفصيل !!!
الفرش اساسا بيبقا ممل و بيقدم وبيتوسخ و الواحد بيحب يغيرو كل فتره ..

و التكيب سهل اوى .. .
الفكره العده مش هتتكلف 20 جنيه لو اشترتها بس منين !! !!!!!!!!!!!!!!!!!!!!!!!!!

المشاركة الأصلية كتبت بواسطة aymangalal510

طالما حضرتك عايز تعمل الحاجه بنفسك يبقى توكل على الله ومهما كانت النتيجه اكيد هتبقى 100% بالنسبة للمجهود الذاتى وطبعا حرصك المتناهى للحصول على افضل نتيجه (انا اشجعك)
بالنسبة بقى للخامات والادوات اكيد ان شاء الله هتلاقى كل حاجه فى التوفيقية او من عند بتوع مستلزمات السروجى(فرش مشمع ارضية سفنج واللاصق اللى حضرتك تقصدة اسمه كوللا kolla اللى بيبقى موجود عند بتاع الجزم وبيلزق بيه النعل واشهر ماركة منه الشعلة المهم تعرف هتحتاج قد ايه لان الجالون فى حدود 40ج تقريبا وطبعا فى علب صغيرة وممكن تلاقية برضه عند محل البويات
ومره سألت على المحلات بتاع مستلزمات السروجى واحد قالى سوقهم فى حتة اسمها الناصرية ناحية ش بور سعيد كده وفى مناطق بيبقى فيها كام محل كده متفرقين

وعلى ذكر المصنعية اقولك تجربة:روحت لسروجى عشان اعمل الاتى :-
عزل السقف والكبوت بالعازل المفضض السفنجى ده
عزل الارضية وخلف التابلوه باللباد عامل زى الموكيت كده بس اتقل
فرش ارضية واجناب الشنطة(هاتش باك ماتاخدش متر) بالمشمع وفك وتركيب الفرش الاصلى الحالى

قالى خامات فى حدود 250ج ومصنعية 400ج بصراحة استغليته جدا(غالى يعنى) وقررت اعمل اللى اقدر عليه وخصوصا العزل لانه مافيهوش خياطة ولا تفصيل (فقط قص ولزق) واللى مش هعرف اعمله اودية للسروجى

وقريب هنفذ ان شاء الله

اتمنى اكون افادتك وربنا يوفقك

الف شكر والله ... اول واحد يشجعنى .... الف شكررررررررررررررررررررررر ررررر



كلام زى الفل .. اهو انا كان قصدى ان الحاجات السهله و اللى الواحد يقدر يعملها مش لازم يروح لصانيعيه ..
ان شاء الله هسأل فى التوفيقيه و ان مالاقتش هروح الناصريه ..





400 جنيه !!!!! كتير اوى .. هوا ليه كل الصانيعيه بيغلو كده ..

هوا كل اللى بتقول عليه سهل ,و لو بتعرف تفك التبلوه الموضوع مش محتاج ... زى ما بتقول قص و لزق و يعنى لو مثلا حبت كلبسات فى اماكن الكلبسات تثبت بيها وبس ..و ان شاء الله متحتاجش صانيعيه و تركب كل حاجه تمام