من يريد على الاقل اقالة حكومة شفيق و حل امن الدولة و استمرارالتظاهر لحين تحقق المطالب

هل من الممكن ان اسأل السادة اعضاء المنتدى ان يعلق في هذا الموضوع فقط "من يريد على الاقل اقالة حكومة شفيق و حل امن الدولة و استمرار التظاهر لحين تحقق المطالب دي" ؟

ليس هذا بغرض تقسيم الاعضاء او حجر الآراء او مصادرتها او ما شابه
بس باختصار انا تعبت من الجدال و كل اللي عايزه استفهم شوية آراء من الناس اللي عايزين الطلبين دول زي حالاتي من غير ما اجادل حد او حد يجادلني

ده مش حجر على رأي حد , ده مجرد موضوع واااااااااحد بس على المنتدى كله انا عايزه يبقى من غير جدال , و اللي يشوف في الموضوع ده حاجة ما تعجبوش (بحكم انه اصلا مش عايز حكومة شفيق تمشي و مش فارق معاه امن الدولة يتحل ولا لأ ) ممكن ببساطة يفتح موضوع جديد لمناقشة النقطة دي مع الكل عادي جدا

محتاج موضوع يبقى فيه ناس بتتكلم و لهم ارضية مشتركة معينة عشان ما نقعدش نجادل في كل حرف و كل فصلة مكتوبة




يا ترى ممكن يا اخوة ؟

معاك يا فندم

شوف الرابط ده

و بعدين نتكلم

http://gate.ahram.org.eg/News/43543.aspx

معاك بس للعلم الجلس الاعلى صرح بان الحكومة الحالية هتتغير قبل الانتخابات الرئاسية والبرلمانية

استاذ tlrsiap

انا متابع لحضرتك ومعاك في كل ما تقوله وللاسف آراء بعض الأعضاء في المنتدى احبطتني مثلك كثيرا ليس الآن فقط بل قبل قيام الثورة في 25 يناير

واتعمل مواضيع كتيره في المنتدى للإستهزاء والأستخفاف للدعوة للنزول في 25 يناير والتظاهر بل وصل الأمر بأحد الأعضاء وتحدى ان ينزل احد يوم 25 يناير وان الثورة ما هي الا ثورة الكترونية على الفيس بوك !!!

وبعد نجاح الثورة في مصر وبعدها بدأت في ليبيا واليمن والبحرين وبدأت الشعوب العربية تفيق وكدنا نحلم بتحرير العالم العربي والوحده الحقيقية ظهر على المنتدى مواضيع تتكلم عن ان هذه الثورات من تدبير غربي وهي ضمن نظرية الفوضى الخلاقه التي دعت لها وزيرة الخارجية السابقة كوندليزا رايس !!!!

لذلك فأنا مقدر مدى احباطك

وبالنسبة للأحداث الجارية فأنا مع ضرورة اقاله حكومة شفيق في اسرع وقت ليس لأنه من النظام العصابي السابق فقط ومبارك هو اللي معينه (وان كان سبب أساسي) ولكن بعد اتصاله بقناة دريم (برنامج العاشرة مساء) ومحاولته تشويه سمعة الاعلامي محمود سعد بكلام لا يصدر عن رئيس وزراء مصر

بالأضافة لتدخله بوقف برنامج واحد من الناس على قناة دريم بعد استضافة مقدم البرنامج (عمرو الليثي) لأبراهيم عيسى ومهاجمته لوجود حكومة شفيق صراحه ، لذلك اصبح من الواضح ان احمد شفيق يعمل بنفس آليه العمل القمعي للوزارات السابقة

ده غير تمسكه بأسوء وزير خارجية عرفته مصر احمد الو الغيط صاحب التصريح الشهير قبل الثورة بأنه كلام فارغ وأن مصر ليست تونس

برغم غرابة الطلب الا يشارك في موضوع في منتدي عام الا اصحاب راي محدد وهو تصرف في قمة الديكتاتورية الا اني لن اشارك في هذا الموضوع منعا للمشاكل
الا في حالة واحدة هي التعرض لمن يخالفكم في الراي بأي طريقة غير مقبولة من عينة مش فاهمين عقلهم ضيق حزب وطني والكلام البايخ ده
اتفقنا ؟؟؟؟؟؟؟؟؟؟؟

اقالة حكومة شفيق و حل جهاز مباحث أمن الدولة و كمان الأمن المركزي. اللى كان دورهم منحصر في حماية النظام البائد والبطش والتنكيل بمعارضيه.
المطالب التي لا يمكن التنازل عنها:
اللى يمسك وزراة الداخلية يكون مدني زي العديد من الدول المتقدمة.
الإسراع في محاكمة رموز الفساد والقمع والإستبداد وكل أعوان النظام البائد من وزراء ومسئولين ورجال أعمال. وكل صحفي أو إعلامي شارك في دعم النظام السابق، (التطهير).
إلغاء قانون الطوارئ.
الإفراج عن كل المعتقلين السياسين وكل من تمت محاكمته أمام المحاكم العسكرية.
حل الحزب الوطني اللى مش فارق كتير عن الحزب النازي اللى تم حله في ألمانيا عقب انتهاء الحرب العالمية التانية.

معاك

معاك

الشعب يريد تطهير البلاد

شكرا والله فعلا فكره حلوه

وانا مؤيد لجميع مطالب الثوره

خير ما عملت!! و أكيد معاك...

ممكن سؤال يعنى هو المطلوب فقط حل وزراه شفيق وحل امن دوله يعنى مش هيظهر مطالب تانيه مثلا زى اقاله المحافظين حل المجالس المحليه ,واقاله رؤساء الصحف القوميه , تعيين مجلس رئاسى , ايقاف العمل بقانون الطوارئ هل حضرتك هى دى مطالبكوا بس ولا القايمه ممكن لم تلاقيوها بتتحقق ترفعوا سقف مطالبكتكم ولا تنتهى الطلبات الى الابد .

ياجماعة اللى قاعدين ماسكين الغاء قانون الطوارىء ده - دلوقتى الغولى قنون البلطجية اللى موجود دلوقتى
انا بنت كنت بعرف امشى فى الشارع واروح اقضى طلباتى دلوقتى مش قادرة انزل من كتر اللى بسمعه من اللى بيحصل من البلطجية
قبل ما نطلب الغاء حاجة نشوف وضع البلد الاول ايه حاليا
والمجلس الاعلى قال حيتغلى لما الامور تهدى - هو انتم دلوقتى شايفين اى قانون شغال علشان نطلب الغاء قانون الطوارىء
شغلوا القوانين الاول اللى بتحمى البنى ادمين الشرفاء و بعدين نلغى اللى احنا عايزينه
لو تعرفوا توفروا الامان فى الشوارع دلوقتى ابقى اطلبوا الغاء كل القوانين اللى انتم عايزانها

ثانيا بقى بما اننا بنتكلم فى ديمقراطية وكلنا عايزانها يبقى اى حاجة تتعمل باستفتاء واللى عايزينه راى الاغلبية يمشى اى كان عايزين ايه
الاغلبية عايزين اقالة حكومة شفيق يبقى تتلغى -

واى جهاز لو استخدم صح ولسبب يحمى البلد يبقى ايه مشكلة وجوده هو مش الغاء وخلاص
مشكلتنا مكنتش فى وجود اسماء اجهزة معنية علشان نقول نشلها مشكلتنا كانت فى ان الاجهزة استخدمت استخدام خاطىء ضد الشعب
ماهو ممكن نلغى الاجهزة ديه كلها ونخلى جهاز واحد بس يعمل اللى بيعملوا كل الاجهزة ديه حلنا اننا ندعى ان كل جهاز يستخدم لوظيفه
جهاز امن الدولة مفروض يحمى البلد من اى ارهاب داخلى وده اللى مفروض يعمله مش يستخدم ناحية المواطنين وامنهم - فالحل مش انى اقول الغيه - الحل انى اقول اخليه يعمل وظيفته بس
والا لووحنمشى بالمنطق ده يبقى نلغى الشرطة كانت بترهب الناس و بتتعامل معاهم اسؤء معاملة ونلغى الخارجية مكنتش بتجيب حقوق اى حد مسافر بره ونلغى كل الوزارات اللى اتعملت مع المواطن كأنه بيشحت منها ونست ان وظيفته الاساسية هى خدمته
الحل مش فى الالغاء يا جماعة الحل انى احدد وظيفة الحاجة واراقب دايما انها بتعمل وظيفتها صح بناء على اراء المواطنين اللى بتتعامل معاهم

الاخ الكريم tlrsiap
المسئلة مش فرض راي و مش صاحب اخر رد هو الصح و لا صاحب الاقتباسات و الردود الطويلة
الفكرة كلها في المنطق في الرد
فلو الرد خالي من اي منطق تقدر تفهمه .. ماتتعبش نفسك و ترد عليه اصلا و اعتبر انه مش مكتوب في الصفحة
اترك كل شخص يطرح وجه نظره من غير ما تدخل معاه في جدال عقيم ، فلو المعارض لك طرح نقطة كويسة اتناقش معاه و كل المتابعين للحوار مستفيدين و لو لم تصلوا الي اتفاق قم بانهاء الحوار و قوله اتفقنا علي الا نتفق :)

خصوصا و ان المنتدي هنا لا يشكل الا شريحة صغيرة من المجتمع المصري و شريحة غير فاعلة بشكل كبير و هي جزء من الطبقة المتوسطة لان السواد الاعظم من الشعب هما الغلبانين و المطحونين و علي الناحية التانية تلاقي صناع القرار و دول حفنة صغيرة ملهاش علاقة بالمنتدي برضوا ، فكل ما يجري من حوارات هنا هو دردشة و ليست معركة راي
المواضيع المفيدة بشكل حقيقي هي المواضيع اللي من نوعية احذروا من سرقات و اعتداء بشكل معين او من نوعية كيف تدافع عن نفسك و اي موضوعات بتفيد اعضاء المنتدي في حياتهم بشكل مباشر

يؤكد ذلك ان فترة ماقبل تنحي مبارك كانت الاغلبية في المنتدي ضد الثورة و في حالة من التشائم و نجحت الثورة و كذلك في موضوع الاحكام العسكرية و صعوبة الحياة في ظل حكم العسكر و لم يتحقق اي شئ من ذلك و الفوضي و غيرها من الافكار التي طرحت و لم تتحقق

لذلك لو نظرت علي الصورة العامة تجد ان كثير من المداخلات هنا برغم من قوتها و كثرة مناصريها الا انها لا تتحقق في الواقع

الخلاصة ان ارتفاع الصوت او كثرة الردود و طولها و تكوين فرق تتبني افكار و تدافع عن بعضها و تسخر من المخالفين مش معناها انهم علي حق
و العنصر الايجابي باذن الله هو ان الكل يريد مستقبل افضل للجميع لكن بطريقته و فكره الشخصي
و الله اعلم بالنوايا و احسب جميع الاعضاء علي خير ان شاء الله

نقطة اخيرة: البعض يعتقد ان ما نمر به الان هو ظرف استثنائي و انقلاب في موازين الحياة و تغيرات جزرية في المجتمع و طريقة الحياة
لكن للاسف الحقيقة هي ان ما نمر به حركة تصحيح بسيطة جدا و ان اللي بيحصل ده مش اكتر من زغزغة للمجتمع
فلا اري داعي للخوف الشديد و المبالغة في ردود الفعل و كأن السرعة في محاسبة الفاسدين و التخلص منهم و رفع الظلم عن المظلومين فورا ستذهب بالمجتمع الي جنهم و بأس المصير

ياجماعه الراجل زي مايكون عايز يعرف اللي نازل مظاهره بكره يدخل يقول انه نازل ومش طالب من اللي رافضين انهم يدخلوا يقولوا احنا مش نازلين

اقتباس:

---

المشاركة الأصلية كتبت بواسطة ghada_zaky

ياجماعة اللى قاعدين ماسكين الغاء قانون الطوارىء ده - دلوقتى الغولى قنون البلطجية اللى موجود دلوقتى
انا بنت كنت بعرف امشى فى الشارع واروح اقضى طلباتى دلوقتى مش قادرة انزل من كتر اللى بسمعه من اللى بيحصل من البلطجية
قبل ما نطلب الغاء حاجة نشوف وضع البلد الاول ايه حاليا
والمجلس الاعلى قال حيتغلى لما الامور تهدى - هو انتم دلوقتى شايفين اى قانون شغال علشان نطلب الغاء قانون الطوارىء
شغلوا القوانين الاول اللى بتحمى البنى ادمين الشرفاء و بعدين نلغى اللى احنا عايزينه
لو تعرفوا توفروا الامان فى الشوارع دلوقتى ابقى اطلبوا الغاء كل القوانين اللى انتم عايزانها

ثانيا بقى بما اننا بنتكلم فى ديمقراطية وكلنا عايزانها يبقى اى حاجة تتعمل باستفتاء واللى عايزينه راى الاغلبية يمشى اى كان عايزين ايه
الاغلبية عايزين اقالة حكومة شفيق يبقى تتلغى -

واى جهاز لو استخدم صح ولسبب يحمى البلد يبقى ايه مشكلة وجوده هو مش الغاء وخلاص
مشكلتنا مكنتش فى وجود اسماء اجهزة معنية علشان نقول نشلها مشكلتنا كانت فى ان الاجهزة استخدمت استخدام خاطىء ضد الشعب
ماهو ممكن نلغى الاجهزة ديه كلها ونخلى جهاز واحد بس يعمل اللى بيعملوا كل الاجهزة ديه حلنا اننا ندعى ان كل جهاز يستخدم لوظيفه
جهاز امن الدولة مفروض يحمى البلد من اى ارهاب داخلى وده اللى مفروض يعمله مش يستخدم ناحية المواطنين وامنهم - فالحل مش انى اقول الغيه - الحل انى اقول اخليه يعمل وظيفته بس
والا لووحنمشى بالمنطق ده يبقى نلغى الشرطة كانت بترهب الناس و بتتعامل معاهم اسؤء معاملة ونلغى الخارجية مكنتش بتجيب حقوق اى حد مسافر بره ونلغى كل الوزارات اللى اتعملت مع المواطن كأنه بيشحت منها ونست ان وظيفته الاساسية هى خدمته
الحل مش فى الالغاء يا جماعة الحل انى احدد وظيفة الحاجة واراقب دايما انها بتعمل وظيفتها صح بناء على اراء المواطنين اللى بتتعامل معاهم

---

كلام حضرتك حلو بس أنا ليا تعليق على موضوع قانون الطوارئ, فى حياتى كلها ما شفتيش قانون الطوارئ بيستخدم غير لاصحاب الرأى و السياسين.. و بعدين ما قانون الطوارئ لحد دلوقتى شغال و البلطجية أعدين براحتهم جدا... البلطجية موجودة بسبب الشرطة اللى مش عايزة تنزل و لا كأنهم بينتقموا مننا !! دا رأى و طبعا مش لازم نتفق فيه ... تقبلى تحياتى

شفيق لا زم ينزل
شفيق لازم يرحل

اقتباس:

---

المشاركة الأصلية كتبت بواسطة tlrsiap

هل من الممكن ان اسأل السادة اعضاء المنتدى ان يعلق في هذا الموضوع فقط "من يريد على الاقل اقالة حكومة شفيق و حل امن الدولة و استمرار التظاهر لحين تحقق المطالب دي" ؟

ليس هذا بغرض تقسيم الاعضاء او حجر الآراء او مصادرتها او ما شابه
بس باختصار انا تعبت من الجدال و كل اللي عايزه استفهم شوية آراء من الناس اللي عايزين الطلبين دول زي حالاتي من غير ما اجادل حد او حد يجادلني

ده مش حجر على رأي حد , ده مجرد موضوع واااااااااحد بس على المنتدى كله انا عايزه يبقى من غير جدال , و اللي يشوف في الموضوع ده حاجة ما تعجبوش (بحكم انه اصلا مش عايز حكومة شفيق تمشي و مش فارق معاه امن الدولة يتحل ولا لأ ) ممكن ببساطة يفتح موضوع جديد لمناقشة النقطة دي مع الكل عادي جدا

محتاج موضوع يبقى فيه ناس بتتكلم و لهم ارضية مشتركة معينة عشان ما نقعدش نجادل في كل حرف و كل فصلة مكتوبة


يا ترى ممكن يا اخوة ؟

---

معاك تماما ...... وفاهم كويس قصدك ايه

تعالوا نكلم عن نفسنا ...... عن الناس الى لسه بتأيد الثورة و استمرار التظاهر

ايه اللى المفروض ( من وجهة نظرى المتواضعة) الى نعمله دلوقتى

بس نقول الى لينا والى علينا

هى المظاهرة يوم الجمعة بتوقف حال البلد ازاى ؟؟؟؟!!!!!

هى المظاهرة يوم الجمعة بتدمر اقتصاد البلد ازاى ؟؟؟؟!!!!

هى المظاهرة يوم الجمعة بتعرض البلاد للضياع ازاى ؟؟؟؟؟!!!!

انا اعرف ناس كتير ..... بتشتغل طول الأسبوع و تنزل المظاهرة يوم الجمعة و بعد كده تروح

ايه المشكلة فى ده

من اول الثورة و ناس كتير للأسف ..... محملة الثورة مسئولية وقف حال البلد

كأننا احنا الى قولنا للشرطة اضربونا و موتونا و بعد كدة انسحبوا

و مافيش حاجة اسمها السياحة اضربت و السياح بيهربوا من بسبب المظاهرات

ثورة مصر ضربت اروع مثل قدام العالم فى الحضارة و الرقى

اللى خلى السياح و الخواجات يهربوا ...... انعدام الأمان بسبب هروب الشرطة

ده اللى لينا

ايه بقى اللى علينا و ده الأهم

طريقة خطاب الثورة لازم يتغير .......

ماينفعش ندخل فى معارك جدلية تخسرنا جزء من الناس ...... اتفاق الناس و وحدتهم و رغبتهم فى الأصلاح و التغيير اللى بيأدى انهم ينزلوا الشارع ...... هو ده سلاحنا الوحيد

فى اختلافات كبيرة على شفيق ....... خلاص ماشى بلاش شفيق يمشى ..... فى سبيل وحدة الصف

بس اكيد مش حنلاقى اختلافات كبيرة على ممدوح مرعى ..... على ابو الغيط .... على صفوت الشريف ..... على زكريا عزمى ..... على حبيب العادلى ..... على جمال مبارك

و اكيد اكتر مش حنلاقى اختلافات كبيرة على سرعة اجراء التحقيقات و محاسبة المتورطين فى موقعة الجمل .... فى ضرب المتظاهرين بالرصاص الحى ...... فى انسحاب الشرطة .....

ممكن مثلا تبقى الجمعة الجاية عنوانها اقالة مرعى و ابو الغيط و محاسبة بقيت الشلة الزبالة

ممكن يبقى عنوانها تطهير الداخلية ...... محاسبة القتلة و الجناة و الفاسدين

ممكن يبقى عنوانها بناء مصر و دعم الجيش فى مهمته الوطنية و هى محاربة الفساد و اصلاح البلد

لو الناس مختلفين على شفيق ....... بلاش نعمق الخلاف و نزود الشرخ

نقصقص ريشه ...... وهو كده كده ماشى

و بلاش موضوع البيات فى التحرير و الأعتصامات و الكلام ده

كفاية المظاهرات المليونية ايام الجمع ...... مع تكثيف المجهودات طول الأسبوع لحشد أكبر عدد ممكن من الناس

و بلاش بلاش بلاش نخاطر بعلاقتنا بالجيش

لأن لازم نصدق ان الجيش مع الثورة حتى لو شكينا شوية ...... مش عايزين مصر تبق ليبيا تانية

احنا ببساطة محتاجين الجيش جدا

ههههههههههههههههههههههههه
انا حسيت ان الموضوع عامل زي المظاهرة في وسط المنتدى

اقتباس:

---

المشاركة الأصلية كتبت بواسطة amado ibrahim

معاك يا فندم
شوف الرابط ده
و بعدين نتكلم
ظˆط«ط§ط¦ظ‚ ط¹ظ„ظ‰ "ط§ظ„ظپظٹط³ط¨ظˆظƒ" طھظƒط´ظپ ط£ط³ط±ط§ط±ط§ ط®ط·ظٹط±ط© ط¹ظ† ظپط±ط¹ ط£ظ…ظ† ط§ظ„ط¯ظˆظ„ط© ط¨ط§ظ„ط¨ط.ظٹط±ط© - ط¨ظˆط§ط¨ط© ط§ظ„ط£ظ‡ط±ط§ظ… ط§ظ„ط¥ظ„ظƒطھط±ظˆظ†ظٹط©

---

شفته و كنت عامل بيه موضوع قبل كده بس للأسف ما لاقاش اهتمام كبير , لو تحب نناقشه نناقشه , لو تقدر تفهمني ايه الميزة من نقطة دستور جديد دي يقى الله يكرمك لأني مش فاهمها

اقتباس:

---

المشاركة الأصلية كتبت بواسطة kh_talaat

استاذ tlrsiap
انا متابع لحضرتك ومعاك في كل ما تقوله وللاسف آراء بعض الأعضاء في المنتدى احبطتني مثلك كثيرا ليس الآن فقط بل قبل قيام الثورة في 25 يناير
واتعمل مواضيع كتيره في المنتدى للإستهزاء والأستخفاف للدعوة للنزول في 25 يناير والتظاهر بل وصل الأمر بأحد الأعضاء وتحدى ان ينزل احد يوم 25 يناير وان الثورة ما هي الا ثورة الكترونية على الفيس بوك !!!
وبعد نجاح الثورة في مصر وبعدها بدأت في ليبيا واليمن والبحرين وبدأت الشعوب العربية تفيق وكدنا نحلم بتحرير العالم العربي والوحده الحقيقية ظهر على المنتدى مواضيع تتكلم عن ان هذه الثورات من تدبير غربي وهي ضمن نظرية الفوضى الخلاقه التي دعت لها وزيرة الخارجية السابقة كوندليزا رايس !!!!
لذلك فأنا مقدر مدى احباطك
وبالنسبة للأحداث الجارية فأنا مع ضرورة اقاله حكومة شفيق في اسرع وقت ليس لأنه من النظام العصابي السابق فقط ومبارك هو اللي معينه (وان كان سبب أساسي) ولكن بعد اتصاله بقناة دريم (برنامج العاشرة مساء) ومحاولته تشويه سمعة الاعلامي محمود سعد بكلام لا يصدر عن رئيس وزراء مصر
بالأضافة لتدخله بوقف برنامج واحد من الناس على قناة دريم بعد استضافة مقدم البرنامج (عمرو الليثي) لأبراهيم عيسى ومهاجمته لوجود حكومة شفيق صراحه ، لذلك اصبح من الواضح ان احمد شفيق يعمل بنفس آليه العمل القمعي للوزارات السابقة
ده غير تمسكه بأسوء وزير خارجية عرفته مصر احمد الو الغيط صاحب التصريح الشهير قبل الثورة بأنه كلام فارغ وأن مصر ليست تونس

---

ما تنساش وزير العدل مهندس تزوير الانتخابات و وزير البترول بتاع تصدير الغاز لاسرائيل و وزير الداخلية الكذاب و وزيرين النقل و الطيران اصحابه اللي ساحبهم وراه في كل حتة

اقتباس:

---

المشاركة الأصلية كتبت بواسطة everlasting

اقالة حكومة شفيق و حل جهاز مباحث أمن الدولة و كمان الأمن المركزي. اللى كان دورهم منحصر في حماية النظام البائد والبطش والتنكيل بمعارضيه.
المطالب التي لا يمكن التنازل عنها:
اللى يمسك وزراة الداخلية يكون مدني زي العديد من الدول المتقدمة.
الإسراع في محاكمة رموز الفساد والقمع والإستبداد وكل أعوان النظام البائد من وزراء ومسئولين ورجال أعمال. وكل صحفي أو إعلامي شارك في دعم النظام السابق، (التطهير).
إلغاء قانون الطوارئ.
الإفراج عن كل المعتقلين السياسين وكل من تمت محاكمته أمام المحاكم العسكرية.
حل الحزب الوطني اللى مش فارق كتير عن الحزب النازي اللى تم حله في ألمانيا عقب انتهاء الحرب العالمية التانية.

---

انا نفسي اعرف ماحدش فكر في نقطة حل الحزب الوطني دي , سيبك من حل الحزب , الأشخاص اللي فيه مفروض عليهم قضايا فساد , مفروض قضايا الفساد اللي عليهم زائد الحزب اللي أفسد مصر , تؤدي لمنعهم من العمل السياسي خالص

اقتباس:

---

المشاركة الأصلية كتبت بواسطة qmax

شكرا والله فعلا فكره حلوه

وانا مؤيد لجميع مطالب الثوره

---

سيبك من اي حد بقى , تخيل اننا في منتدى مكون من موضوع واحد و بنتكلم هنا , فيه موضوعين مطروحين دلوقت , اولا مسألة الدستور انا عايز حد يفهمها لي , و ثانية مسألة امن الدولة

اقتباس:

---

المشاركة الأصلية كتبت بواسطة korkor

ممكن سؤال يعنى هو المطلوب فقط حل وزراه شفيق وحل امن دوله يعنى مش هيظهر مطالب تانيه مثلا زى اقاله المحافظين حل المجالس المحليه ,واقاله رؤساء الصحف القوميه , تعيين مجلس رئاسى , ايقاف العمل بقانون الطوارئ هل حضرتك هى دى مطالبكوا بس ولا القايمه ممكن لم تلاقيوها بتتحقق ترفعوا سقف مطالبكتكم ولا تنتهى الطلبات الى الابد .

---

انا قلت على الأقل , المطالب التانية دي موجودة من الاول , هل استأذنك تفتح موضوع بعنوان مثلا ماذا نريد من مصر , و نتكلم فيه مع بعض ؟

اقتباس:

---

المشاركة الأصلية كتبت بواسطة amahmed

الاخ الكريم tlrsiap
المسئلة مش فرض راي و مش صاحب اخر رد هو الصح و لا صاحب الاقتباسات و الردود الطويلة
الفكرة كلها في المنطق في الرد
فلو الرد خالي من اي منطق تقدر تفهمه .. ماتتعبش نفسك و ترد عليه اصلا و اعتبر انه مش مكتوب في الصفحة
اترك كل شخص يطرح وجه نظره من غير ما تدخل معاه في جدال عقيم ، فلو المعارض لك طرح نقطة كويسة اتناقش معاه و كل المتابعين للحوار مستفيدين و لو لم تصلوا الي اتفاق قم بانهاء الحوار و قوله اتفقنا علي الا نتفق :)
خصوصا و ان المنتدي هنا لا يشكل الا شريحة صغيرة من المجتمع المصري و شريحة غير فاعلة بشكل كبير و هي جزء من الطبقة المتوسطة لان السواد الاعظم من الشعب هما الغلبانين و المطحونين و علي الناحية التانية تلاقي صناع القرار و دول حفنة صغيرة ملهاش علاقة بالمنتدي برضوا ، فكل ما يجري من حوارات هنا هو دردشة و ليست معركة راي
المواضيع المفيدة بشكل حقيقي هي المواضيع اللي من نوعية احذروا من سرقات و اعتداء بشكل معين او من نوعية كيف تدافع عن نفسك و اي موضوعات بتفيد اعضاء المنتدي في حياتهم بشكل مباشر
يؤكد ذلك ان فترة ماقبل تنحي مبارك كانت الاغلبية في المنتدي ضد الثورة و في حالة من التشائم و نجحت الثورة و كذلك في موضوع الاحكام العسكرية و صعوبة الحياة في ظل حكم العسكر و لم يتحقق اي شئ من ذلك و الفوضي و غيرها من الافكار التي طرحت و لم تتحقق
لذلك لو نظرت علي الصورة العامة تجد ان كثير من المداخلات هنا برغم من قوتها و كثرة مناصريها الا انها لا تتحقق في الواقع
الخلاصة ان ارتفاع الصوت او كثرة الردود و طولها و تكوين فرق تتبني افكار و تدافع عن بعضها و تسخر من المخالفين مش معناها انهم علي حق
و العنصر الايجابي باذن الله هو ان الكل يريد مستقبل افضل للجميع لكن بطريقته و فكره الشخصي
و الله اعلم بالنوايا و احسب جميع الاعضاء علي خير ان شاء الله
نقطة اخيرة: البعض يعتقد ان ما نمر به الان هو ظرف استثنائي و انقلاب في موازين الحياة و تغيرات جزرية في المجتمع و طريقة الحياة
لكن للاسف الحقيقة هي ان ما نمر به حركة تصحيح بسيطة جدا و ان اللي بيحصل ده مش اكتر من زغزغة للمجتمع
فلا اري داعي للخوف الشديد و المبالغة في ردود الفعل و كأن السرعة في محاسبة الفاسدين و التخلص منهم و رفع الظلم عن المظلومين فورا ستذهب بالمجتمع الي جنهم و بأس المصير

---

لا أملك الا ان أحييك بصراحة , بس انا شايف ان فيه ناس كتير فاهمين غلط و حاسس ان الواجب تجاه مصر و تجاههم نفسهم ان الواحد يحاول يساعدهم على الفهم , ايه رأيك ؟

اقتباس:

---

المشاركة الأصلية كتبت بواسطة zouba92

كلام حضرتك حلو بس أنا ليا تعليق على موضوع قانون الطوارئ, فى حياتى كلها ما شفتيش قانون الطوارئ بيستخدم غير لاصحاب الرأى و السياسين.. و بعدين ما قانون الطوارئ لحد دلوقتى شغال و البلطجية أعدين براحتهم جدا... البلطجية موجودة بسبب الشرطة اللى مش عايزة تنزل و لا كأنهم بينتقموا مننا !! دا رأى و طبعا مش لازم نتفق فيه ... تقبلى تحياتى

---

بص خلينا الاول نفرق بين حاجتين قانون الطوارىء وحالة الطوارىء - لازم فى اى بلد يكون فيه قانون للطوارىء لكن اللى كان غلط ان حالة الطوارىء كانت شغالة طول الفترة اللى فاتت لحد قبل 25 يناير وده اللى مكنتش فيه البلد وكمان الغلط انه كان بستخدم غلط ضد الموطنين بالنسبة لاراء ومفيش حد بيحاسب على ده
فيبقى الاولى انى اصلح الغلط بمعنى انى الغى الحالة ديه لما الامور تستقر ده اولا وكمان يوم ما يستخدم يبقى يستخدم فى موضعه الصح علشان يحمى بلد
والمجلس الاعلى قال انه الحالة حتترفع لما الامور اللى فى البلد تهدى وحدودها ان قبل الانتخابات حيكون الحالة اترفعت وتعديلات الدستور اتعملت فى حقنا فى الموضوع ده

وبالنسبة للشرطة تفتكر دلوقتى الاهم انى الغى قانون ولا انى اطالب بوجود القانون فى الشارع احنا دلوقتى مفيش قوانين مفعلة غير قانون البلطجية وده لازم ينتهى بمعنى ان الشرطة تنزل وتشوف شغلها بما يعمل صالح المواطنين من غير اى اتجاوز منها
ولو حصل تجاوز يبقى يتحاسب

احنا لازم نطالب بوجود الشرطة ونحاسب ليه هى مش موجودة ده حقنا اصلا

أصبحت مؤيد لأقاله احمد شفيق بسبب تصريحاته واسلوبه القمعى للمعارضه بدون مواجهه
لا أؤيد حل امن الدوله ولكن انادى بتقويمه واعاده مفهوم امن الدوله الحقيقى وليس امن النظام
لا اطالب بألغاء الأمن المركزى ولكن اطالب بأعاده تأهيلهم وتعريفهم على وظيفتهم الحقيقيه وهى حفظ الممتلكات العامه والخاصه فى حالات الشغب الفوضوى والبلطجه وفى ظل شرعيه القانون مع عدم التجاوز
مؤيد لرفع حاله الطوارق بمجرد انتهاء حاله الطوارق من البلد

اقتباس:

---

المشاركة الأصلية كتبت بواسطة hobiko

معاك تماما ...... وفاهم كويس قصدك ايه

تعالوا نكلم عن نفسنا ...... عن الناس الى لسه بتأيد الثورة و استمرار التظاهر

ايه اللى المفروض ( من وجهة نظرى المتواضعة) الى نعمله دلوقتى

بس نقول الى لينا والى علينا

هى المظاهرة يوم الجمعة بتوقف حال البلد ازاى ؟؟؟؟!!!!!

هى المظاهرة يوم الجمعة بتدمر اقتصاد البلد ازاى ؟؟؟؟!!!!

هى المظاهرة يوم الجمعة بتعرض البلاد للضياع ازاى ؟؟؟؟؟!!!!

انا اعرف ناس كتير ..... بتشتغل طول الأسبوع و تنزل المظاهرة يوم الجمعة و بعد كده تروح

ايه المشكلة فى ده

من اول الثورة و ناس كتير للأسف ..... محملة الثورة مسئولية وقف حال البلد

كأننا احنا الى قولنا للشرطة اضربونا و موتونا و بعد كدة انسحبوا

و مافيش حاجة اسمها السياحة اضربت و السياح بيهربوا من بسبب المظاهرات

ثورة مصر ضربت اروع مثل قدام العالم فى الحضارة و الرقى

اللى خلى السياح و الخواجات يهربوا ...... انعدام الأمان بسبب هروب الشرطة

ده اللى لينا

ايه بقى اللى علينا و ده الأهم

طريقة خطاب الثورة لازم يتغير .......

ماينفعش ندخل فى معارك جدلية تخسرنا جزء من الناس ...... اتفاق الناس و وحدتهم و رغبتهم فى الأصلاح و التغيير اللى بيأدى انهم ينزلوا الشارع ...... هو ده سلاحنا الوحيد

فى اختلافات كبيرة على شفيق ....... خلاص ماشى بلاش شفيق يمشى ..... فى سبيل وحدة الصف

بس اكيد مش حنلاقى اختلافات كبيرة على ممدوح مرعى ..... على ابو الغيط .... على صفوت الشريف ..... على زكريا عزمى ..... على حبيب العادلى ..... على جمال مبارك

و اكيد اكتر مش حنلاقى اختلافات كبيرة على سرعة اجراء التحقيقات و محاسبة المتورطين فى موقعة الجمل .... فى ضرب المتظاهرين بالرصاص الحى ...... فى انسحاب الشرطة .....

ممكن مثلا تبقى الجمعة الجاية عنوانها اقالة مرعى و ابو الغيط و محاسبة بقيت الشلة الزبالة

ممكن يبقى عنوانها تطهير الداخلية ...... محاسبة القتلة و الجناة و الفاسدين

ممكن يبقى عنوانها بناء مصر و دعم الجيش فى مهمته الوطنية و هى محاربة الفساد و اصلاح البلد

لو الناس مختلفين على شفيق ....... بلاش نعمق الخلاف و نزود الشرخ

نقصقص ريشه ...... وهو كده كده ماشى

و بلاش موضوع البيات فى التحرير و الأعتصامات و الكلام ده

كفاية المظاهرات المليونية ايام الجمع ...... مع تكثيف المجهودات طول الأسبوع لحشد أكبر عدد ممكن من الناس

و بلاش بلاش بلاش نخاطر بعلاقتنا بالجيش

لأن لازم نصدق ان الجيش مع الثورة حتى لو شكينا شوية ...... مش عايزين مصر تبق ليبيا تانية

احنا ببساطة محتاجين الجيش جدا

---

انا متفق مع حضرتك على معظم اللى انت قلته فيما عدا موضوع التظاهر كل جمعه

التظاهر كل جمعه بيستنزف مجهود من الجيش لتامين المظاهرات وحضرتك شوفت اللى حصل الاسبوع اللى فاتت نتيجه دخول بعض البلطجيه ومحاولتهم الايقاع بين الشعب والجيش وبرده بالطريقه دى بنزودلهم الفرصه اكتر انهم يعملوا كده ,

تانى حاجه اكيد المظاهرات يوم الجمعه تاثيرها اقل من اي يوم تانى بس ليها تاثير سلبى مباشر لاى مستثمر خارجى او سياحى بيفكروا يزوروا البلد على الرغم من جمالها وروعتها وتفردها بس الناس اللى برده ممكن ماتفهمش كده وتخاف اكتر من القدوم الى مصر

ان شايف مافيش مانع من عمل مظاهرات كل فتره لتذكير الجيش بالمطالب يعنى مثلا كل اسبوعين او ثلاث اسابيع اول شهرين من الثوره وبعدين تبقى مره كل شهر للحفاظ على نسق وزخم الثوره كده يبقى اصطدنا شله عصافير بحجر واحد

1- شلنا الضغط الرهيب من على الجيش سواء لتامين المظاهرات او لدراسه المطالب والاستجابه ليها ,

2-حسنا صوره البلد امام دول العالم وبينا ان مافيش قلق ولا حاجه واللى بيحصل ده مظاهرات سلميه لا تؤثر على امن البلد

3- اهم عصفور بقى اللى فرصه عاوزين يوقعوا الجيش مع الشعب الفرصه بتقل مع بعد التظاهرات عن بعضها و استمرار الجيش فى تحقيق المطالب .

أيوة!! لية الشرطة مش موجودة و مش شايفة شغلها .... وزير الداخلية أعد بيعمل أيه لحد دلوقتى!! يا دوب غير الشعار ..كتر الف خيره بس أحنا عايزين أفعال مش شعارات!!! و بعدين مش ثوار التحرير هما السبب فى زعزعة الأستقرار. مش هما اللى أطلقوا سراح البلطجية!!! دول الشرطة و امن الدولة ... ما ظنيش أن فى خلاف فى كدا .. من حق كل واحد ان يطالب بحقه !! و أكرر أن مظاهرات كل يوم جمعة مش السبب فى وجود البلطجية.. و أخيرا أحب أقول أن فى أشاعات كتير أوى . أنا فتاة جامعية و بروح و أجى عادى ... الدنيا مش واقفة زى ما حضرتك فاكرة..

ردي:

شيلو النقطة من راجل، قولو شفيق يا راحل.
أمن الدولة يا أمن الدولة، بعتو الأمن وبعتو الدولة.

اقتباس:

---

المشاركة الأصلية كتبت بواسطة zouba92

أيوة!! لية الشرطة مش موجودة و مش شايفة شغلها .... وزير الداخلية أعد بيعمل أيه لحد دلوقتى!! يا دوب غير الشعار ..كتر الف خيره بس أحنا عايزين أفعال مش شعارات!!! و بعدين مش ثوار التحرير هما السبب فى زعزعة الأستقرار. مش هما اللى أطلقوا سراح البلطجية!!! دول الشرطة و امن الدولة ... ما ظنيش أن فى خلاف فى كدا .. من حق كل واحد ان يطالب بحقه !! و أكرر أن مظاهرات كل يوم جمعة مش السبب فى وجود البلطجية.. و أخيرا أحب أقول أن فى أشاعات كتير أوى . أنا فتاة جامعية و بروح و أجى عادى ... الدنيا مش واقفة زى ما حضرتك فاكرة..

---

دنيا مش واقفة خالص اه بس الواحد بقى بينزل للضرورى بس وبقى بيعمل احتياطات كتير علشان يبقى يطمن

اشاعات مش كلها انا عن نفسى والدى حصل ليه موقف مع بلطجية وناس صحابى اعرفهم شافوا موقف قدامهم
ده طبعا بصرف النظر عن الاشاعات اللى بنسمعها ومش عارفين حقيقة ولا ايه وضعها
معاكى ان وزير الداخلية لازم يتحاسب علشان الانفلات الامنى اللى لحد دلوقتى فى البلد كلها ولازم الموضوع ده يتشاف ليه حل
وده اللى انا نفسى نطالب بيه كلنا ده حقنا علشان نعرف ونبتدى نتعامل صح مع كل حد يغلط او يقصر فى شغله من دلوقتى

اقتباس:

---

المشاركة الأصلية كتبت بواسطة ghada_zaky

بص خلينا الاول نفرق بين حاجتين قانون الطوارىء وحالة الطوارىء - لازم فى اى بلد يكون فيه قانون للطوارىء لكن اللى كان غلط ان حالة الطوارىء كانت شغالة طول الفترة اللى فاتت لحد قبل 25 يناير وده اللى مكنتش فيه البلد وكمان الغلط انه كان بستخدم غلط ضد الموطنين بالنسبة لاراء ومفيش حد بيحاسب على ده
فيبقى الاولى انى اصلح الغلط بمعنى انى الغى الحالة ديه لما الامور تستقر ده اولا وكمان يوم ما يستخدم يبقى يستخدم فى موضعه الصح علشان يحمى بلد
والمجلس الاعلى قال انه الحالة حتترفع لما الامور اللى فى البلد تهدى وحدودها ان قبل الانتخابات حيكون الحالة اترفعت وتعديلات الدستور اتعملت فى حقنا فى الموضوع ده
وبالنسبة للشرطة تفتكر دلوقتى الاهم انى الغى قانون ولا انى اطالب بوجود القانون فى الشارع احنا دلوقتى مفيش قوانين مفعلة غير قانون البلطجية وده لازم ينتهى بمعنى ان الشرطة تنزل وتشوف شغلها بما يعمل صالح المواطنين من غير اى اتجاوز منها
ولو حصل تجاوز يبقى يتحاسب
احنا لازم نطالب بوجود الشرطة ونحاسب ليه هى مش موجودة ده حقنا اصلا

---

ممكن حضراتك تقروا الخبر ده و تقولوا لي رأيكم ؟
http://www.almasryalyoum.com/news/%D...%D9%88%D9%86-0

اقتباس:

---

المشاركة الأصلية كتبت بواسطة m.mostafa80

أصبحت مؤيد لأقاله احمد شفيق بسبب تصريحاته واسلوبه القمعى للمعارضه بدون مواجهه
لا أؤيد حل امن الدوله ولكن انادى بتقويمه واعاده مفهوم امن الدوله الحقيقى وليس امن النظام
لا اطالب بألغاء الأمن المركزى ولكن اطالب بأعاده تأهيلهم وتعريفهم على وظيفتهم الحقيقيه وهى حفظ الممتلكات العامه والخاصه فى حالات الشغب الفوضوى والبلطجه وفى ظل شرعيه القانون مع عدم التجاوز
مؤيد لرفع حاله الطوارق بمجرد انتهاء حاله الطوارق من البلد

---

انا متفق مع حضرتك بخصوص الأمن المركزي , و عايز اضيف ان وظيفته دي مش محتاجة عدده ده كله , و عايز حضرتك تقرا الموضوع ده يا ريت http://www.nilemotors.net/Nile/204153-a.html
في رأي حضرتك ايه الوظيفة الحقيقية لأمن الدولة ؟

انا معاكوا ولازم البلد تنضف

الاخوة اللي بيتكلموا بخصوص نزول الشرطة , اتفضلوا الموضوع ده http://www.nilemotors.net/Nile/204148-a.html

اقتباس:

---

المشاركة الأصلية كتبت بواسطة tlrsiap

لا أملك الا ان أحييك بصراحة , بس انا شايف ان فيه ناس كتير فاهمين غلط و حاسس ان الواجب تجاه مصر و تجاههم نفسهم ان الواحد يحاول يساعدهم على الفهم , ايه رأيك ؟

---

التحية واجبة لحضرتك و لكثير من اعضاء المنتدي المحترمين اللي مش شرط نكون صح في كل مشاركتنا لاننا بنجتهد و بندردش و بنستفيد من خبرات بعض
المهم هو ان المشاركات تكون عقلانية و محايدة و ليست علي شاكله نقول ثور يقولوا احلبوه

رغبتك في التوعية مشكورة لكن مش كل شخص ينفع معاه نفس اسلوب النقاش
زي اللي مش بيعرف يعوم في وسط البحر و شخص نازل ينقذه

في شخص لطيف هادي حيلقط بسرعة ان الشخص اللي نازل ده جاي يساعده و ينقذه

و في شخص الخوف سيطر عليه و عمال يضرب حتي الشخص اللي بيحاول ينقذه و ده له حل من اتنين ياتزعق فيه جامد علشان يركز و يهدي او تضربه علي دماغه و يفقد الوعي و تنقذه و دول الاغلبية
و ده يترجم في المنتدي انك تفحمه بالدليل اللي ما يختلفش عليه اتنين و بالخبر الرسمي و الفيديو و الاوديو

الصنف الاخير ده مفيش منه امل حيخدك معاه و يغرقك و يوجع لك دماغك ده الافضل تسيبه في حاله و لا تلق له بال و محدش يقدر يقنع كل الناس و لا حتي الانبياء
و لعلمك محاولتك لاقناع الصنف الاخير ما هي الا وقود ليستمروا في المجادلة لمجرد اثبات التفوق في المناقشة بنظام الصوت العالي و التثبيت بالكلمة و السخرية مش علشان نوصل لترضية لجميع الاطراف و نوصل لحل لمشاكلنا في اسرع وقت

لان ببساطة اللي عاجبه شفيق و وجدي هو بيدفع بدون وعي لاستمرار غياب الشرطة و انتشار البلطجة و تهريب فلوس و حرق مستندات و .. و ...
في حين لو واجهته بكده حيتهرب و ينفي و يفتح معاك اي سكة تانية زي ان مهما اتعمل الثورجية مش حتبطل تظاهرات و اعتصامات و المواطن البسيط ابو يومية و شعارات من النوع ده ن في حين ان كل ردوده و النظريات اللي بيطرحها لا تحققها و لا تسعي لها و لا هي في مصلحة حد الا في مصلحة الفاسدين باعطائهم فرصة لتوفيق اوضاعهم

[QUOTE=tlrsiap;3873317656]ممكن حضراتك تقروا الخبر ده و تقولوا لي رأيكم ؟
http://www.almasryalyoum.com/news/%D...%D9%88%D9%86-0

الموضوع ده بيأكد كلامى
الشرطة دلوقتى مش قايمة بواجبها ولازم تتحاسب
والكلام اللى قايله ده لازم يتحاسب عليه ويفهمه واجبه ايه
عندى اهم دلوقتى انى اراقب الوضع الحالى علشان اخلق بيئة مناسبة انى اكمل الاصلاحات اللى انا عايزة اعملها واحاسب الفساد السايق
انا عن نفسى ذكرت فى مشاركة سابقة ان البلطجية انتشروا جامد ووالداى نفسه حصله موقف مشابه فانا مش معترضة على كده بالعكس تماما
لازم دلوقتى اخلى قوة قانون فى الشارع تحمى حق المواطنين فى العيش بأمان ولو حد من الشرطة مفهمش كده يبقى يتحاسب علشان كله ميستمرش على كده


عايزين نرتب اولويتنا ونخلى كل جهاز يقوم بدوره صح واى تجاوز او تقصير من اى كان يتحاسب علشان نقدر نقلل ظهور الغلط تانى وبالتالى انتشاره

ايه فى كلامى بيقول عكس المعنى ده ؟ هو انا ليه حاسة ان الناس فاكرة انى بقول ان الشرطة تمام ومش احاسبهم ؟

اقتباس:

---

الموضوع ده بيأكد كلامى
الشرطة دلوقتى مش قايمة بواجبها ولازم تتحاسب
والكلام اللى قايله ده لازم يتحاسب عليه ويفهمه واجبه ايه
عندى اهم دلوقتى انى اراقب الوضع الحالى علشان اخلق بيئة مناسبة انى اكمل الاصلاحات اللى انا عايزة اعملها واحاسب الفساد السايق
انا عن نفسى ذكرت فى مشاركة سابقة ان البلطجية انتشروا جامد ووالداى نفسه حصله موقف مشابه فانا مش معترضة على كده بالعكس تماما
لازم دلوقتى اخلى قوة قانون فى الشارع تحمى حق المواطنين فى العيش بأمان ولو حد من الشرطة مفهمش كده يبقى يتحاسب علشان كله ميستمرش على كده


عايزين نرتب اولويتنا ونخلى كل جهاز يقوم بدوره صح واى تجاوز او تقصير من اى كان يتحاسب علشان نقدر نقلل ظهور الغلط تانى وبالتالى انتشاره

ايه فى كلامى بيقول عكس المعنى ده ؟ هو انا ليه حاسة ان الناس فاكرة انى بقول ان الشرطة تمام ومش احاسبهم ؟

---

معلش انا عمال ادي لحضرتك روابط بس التأكد ان معلوماتنا واحدة ضروري قبل ما نتكلم
http://www.nilemotors.net/Nile/204148-a.html

معاك مفبهاش كلام !!!!!!!!!!!!!
اللى مخوفنى شفيق يمشى ويمسكها يحيى نفسى الثوره تكمل وكل الوشوش الكلحه تمشى

اقتباس:

---

المشاركة الأصلية كتبت بواسطة mazagngi2000

معاك مفبهاش كلام !!!!!!!!!!!!!
اللى مخوفنى شفيق يمشى ويمسكها يحيى نفسى الثوره تكمل وكل الوشوش الكلحه تمشى

---

أظن ان يحيى حرق نفسه و هو أعد بيقول سيبوا شفيق.. فمظنيش أن الثوار حيوافقوا عليه

مصر: عودة تصدير الغاز لإسرائيل فى مارس بإشراف وزير البترول الجديد الذى هو أصلاً عضو فى مجلس أدار الشركة التى تصدر لإسرائيل

مسؤول في الحكومة الإسرائيلية: الغاز المصري يوفر لإسرائيل ما يزيد على عشرة مليارات دولار سنويا بسبب أسعار الغاز المتدنية .. يعني هما يبيعوا الغاز المصري وثروات البلد لإسرائيل بأبخس الأسعار وبعدين المفروض نصدق إن شباب الثورة عملاء إسرائيل وأمريكا!











انا كمان شايف ان يحيى الجمل حرق نفسه و من الآخر , بان على أصله

مش منتظر نهاية قريبة لشغل حاوريني يا...اللي بيحصل ده...

لازم يسقط النظام ....النظام... النظااام...النظاااااااااام....

يعني النظام = حسني + الدستور + حزبه + حكومته + محافظينه + امن دولته وقيادات داخليته

الى الاماااااام ... الى الامااااام....ثورة :))

اقتباس:

---

المشاركة الأصلية كتبت بواسطة tlrsiap

معلش انا عمال ادي لحضرتك روابط بس التأكد ان معلوماتنا واحدة ضروري قبل ما نتكلم
http://www.nilemotors.net/nile/204148-a.html

---

انا معاك فى كده تماما الشرطة فيها مشكلة كبيرة كلنا حاسين فيها من الشارع ولازم تتحاسب ولازم الامور تمشى للصالح بتاعنا بس ازاى هو السؤال
وديه لازم يكون ليها اولوية علشان قوة القانون هى اللى حتحمى التعديلات التانية اللى عايزين نعملها وهى اللى على اساسها حنحاسب اى مخطأ او مقصر فى شغله فلازم ديه نظبطها الاول

اننا عايزين كلنا نهد نظام الفساد ده كلنا متفقين عليه ومحدش عايز فساد فى البلد لاننا عنانينه منه كتير

بس يوم ما اهدم بيبقى عندى خطة بمشى عليها مش بهدم وخلاص وبيبقى عندى مقترحات للوضع حيبقى ازاى بعد الهدم والهدم نفسه بيبقى شغال على اسس ثابتة

دايما بقول جملة على طول يوم ما اهدم بهدم بطريقة متخليش المبنى يتهد على راسى بالعكس باحاول استفاد من الهدم نفسه واهدم بطريقة تخلينى ممكن ابيع اللى هدمته ده واكسب منه
واى مهندس بيجى يهدم بيحاول يقلل خسايره
احنا عايزين نغير اعمدة فساد فى البلد ومش بس اعمدة احنا عايزين قضى على الفساد اللى منتشر فى كل مبنى فى البلد فلازم اغير ده بالتوالى ولازم اثبت حاجات علشان اقدر اغير الباقى
من الاخر احنا عايزين نبنى مصر من اول جديد ومظنش حد مختلف على ده
اختلافنا بس هى فى الطريقة اللى نهدم ونبنى بيها - كلنا هدفنا واحد بس يمكن طريقنا واولويتنا مختلفة

وربنا يعمل الصالح اللى فيه البلد

السلام عليكم ورحمة الله وبركاته
نعم انا مع اقالة حكومة شفيق لاكثر من سبب
1-الهايد بارك البنبون اثارت الثوار في وقت ازمة المفروض انه كان خلالها يهدي الناس مش يغضبهم
2- الكلام على مرتب محمود سعد وكان من الممكن ان ينكر علاقته باذاعة حوار معه وفي نفس الوقت لم ينكر علي التلفزيون منعه من استضافة اخوان مع محمود سعد ليثبت انه مه حرية الرأي وليس ضده
3- الاعتراض علي أن يخطب محمد حسان خطبة الجمعة من مسجد النور و عبد الله الحسينى وزير الأوقاف أكد أن الموافقة جاءت فى إطار التهدئة مع كل التيارات الدينية ولكنه قال : "لن تحدث مرة أخرى". والشيخ حافظ سلامة يؤكد عدم تخليه عن مسجد النور ويندد بمحاولات فرض الوصاية عليه ط·ط§ظ„ط¨ ط¨ط¥ظ‚ط§ظ„ط© ظˆط²ط§ط±ط© ط´ظپظٹظ‚ .. ط§ظ„ط´ظٹط® ط.ط§ظپط¸ ط³ظ„ط§ظ…ط© ظٹط¤ظƒط¯ ط¹ط¯ظ… طھط®ظ„ظٹظ‡ ط¹ظ† ظ…ط³ط¬ط¯ ط§ظ„ظ†ظˆط± ظˆظٹظ†ط¯ط¯ ط¨ظ…ط.ط§ظˆظ„ط§طھ ظپط±ط¶ ط§ظ„ظˆطµط§ظٹط© ط¹ظ„ظٹظ‡
4- قطع إعادة برنامج عمر الليثي مع ابراهيم عيسي
5- الاحتفاظ بوزراء العدل والخارجية والداخلية

الدلائل السابقة تؤكد أن سياسة تكميم الأفواه في عهده ما زالت موجودة
واخيرا السن فالكبير لا يستطيع التغيير كما قال د احمد عكاشة

فيه وقعتين في مصر اتعمل فيهم تطهير كامل شامل حقيقي , الأولى في 67 , و اتعمل في الجيش و المخابرات , و التانية كانت في 71 , اللي هي احداث مايو
الأولى قادت لحرب الاستنزاف و ل73 بعدها , و التانية البلد بعدها ما وقعتش

مثال الوقعة الأولى و ان النتيجة جت كويسة جدا بيقول ان التطهير الكامل في جهاز معين ممكن جدا

انا متفق معاك تماما

اقتباس:

---

المشاركة الأصلية كتبت بواسطة tlrsiap

مصر: عودة تصدير الغاز لإسرائيل فى مارس بإشراف وزير البترول الجديد الذى هو أصلاً عضو فى مجلس أدار الشركة التى تصدر لإسرائيل

مسؤول في الحكومة الإسرائيلية: الغاز المصري يوفر لإسرائيل ما يزيد على عشرة مليارات دولار سنويا بسبب أسعار الغاز المتدنية .. يعني هما يبيعوا الغاز المصري وثروات البلد لإسرائيل بأبخس الأسعار وبعدين المفروض نصدق إن شباب الثورة عملاء إسرائيل وأمريكا!











انا كمان شايف ان يحيى الجمل حرق نفسه و من الآخر , بان على أصله

---

أظن أن لازم غازنا العزيز يروح لاسرائيل عشان دى اتقاقية !!!
و لا هل شفيق له سلطة أنه يلغى الاتفاقية؟؟