كيف يتزوج المصرى من بنات البوسنة والهرسك المسلمات

**د/أحمد ابراهيم** · 28-02-2011 01:10 PM

المشاركة الأصلية كتبت بواسطة mtak

ربنا يوفقك
ممكن بعد اذنك تسمع وجهة نظرى
"ممكن تكون غلط او صح او مختلفه او ...."

التدين موجود فى بنات الوسنه و فى بنات مصر و فى بنات جزر اللى ماحدش يعرفها
و مش شرط انهم كلهم ماشيين بالقران
ما انا سمعت عن رجال بالبوسنه ايضا و عايشين حياتهم الاوربيه بالكامل

سيدى الفاضل حضرتك عاوز

واحده زى القمر
و جوازه ماتكلفكش حاجه
"و ارجو ان اكون مخطئ فيما ذكرت"

دور على ذات الدين
سواء من البوسنه
او من السنغال

بص يا باشا

كون الراجل عايز جوازة غير مكلفة .. ده مش عيب من حقه يتجوز ويعيش ويحصن نفسه من الفتن والتكاليف دلوقتي بقت عالية جدا بالمقارنة بقدرات الشباب

الراجل ما قلش انه معاه ومكسل يدفع

كونه عايز واحده جميله .... حقه بشرط انه ما يغلبش جانب الجمال على جانب الدين (والا هيتبسط اول كام يوم ويعيش باقي حياته في نكد وندم)

وكونه اختار البوسنه: لانهم في الاصل مسلمين (كان ممكن يقول عايز واحده روسيه مثلا)

لاكن طبعا كونهم مسلمين كدوله ملهوش علاقة بسلوك وخلق الاشخاص فيه الكويس وفيه الوحش ونفس الكلام ينطبق على مصر المحروسه (فيه بنات جمال جدا بس الدين صفر = صفر او اقل..... وفيه بنات جمال جدا ومتدينات وبيعرفوا يصونوا الامانه كويس) الموضوع محتاج بحث وحسن اختيار لان اغراءات المظهر لوحده ممكن تضيع حاجات كتير وتعمي العين عن حاجات تانيه

لاكن كونه يضحي باحقيته في الترشيح للرئاسه .. فدي لازم يعيد النظر فيها

اتمني لاخي السائل الزواج الصالح الذي يرضي الله من امرأه متدينه أولا ثم جميله و ... و.... (وتكون التكاليف معقوله)

**زينة الله** · 28-02-2011 01:24 PM

المشاركة الأصلية كتبت بواسطة م.احمد زكريا

واضح يا باشا انك مش ناوي ترشح نفسك لرياسة الجمهورية

ههههههههههههههههههههههههه ههه حلوة رئاسة الجمهورية دى ::)

نتكلم جد بقى

أعرف واحد متزوج من بوسنية و عرفها بالصدفة كانت بتدرس فى مصر ، ممكن حضرتك تسافر البوسنة سياحة و تتجوز هناك

المهم زميلنا دا أخد أجازة من شغله و بيتنقل معاها من مكان للتانى عشان هى بتدور على شغل بمرتب مجزى

و مأجلين الانجاب سنين بس هيه معوضه الموضوع دا بانها بتربى قطط كتييييييييييير و بتصرف عليهم و تأكلهم أحلى أكل

مع إن البوسنيات فيهم كتير جدا حلوين و هما على فكرة مسلمين من الميلاد زى حالاتنا مش مسلمين على كبر

و لكن يا لسخرية القدر ... أخواته متجوزين من بنات مصريين بيض و عنيهم ملونة وشعرهم أصفر و أحلى منها بكتير

و بالنسبة لتوفير نفقات الزواج .. صرف فلوس الزواج فى السفر و الاقامة فى البوسنة شهر لإتمام الزواج ثم تزوج فى المفروش !!!

مع إن أخوه المتزوج من مصرية كان ايضا بدون تجهيز على أن يبنى بيته واحدة واحدة بالاتفاق مع عروسته وأهلها

الخلاصة إن التعقل فى الاختيار لا يرتبط بجنسية معينة و لكن كما قال الزملاء بالدين والأخلاق و الاتفاق و التفاهم

و ربنا يكرمك و يوفقك للخير دايما

**tamlove** · 28-02-2011 01:27 PM

أخيرا وجدت شخصاً يفهمنى شكرا جزيلا لك

**hazemdental** · 24-05-2013 03:04 PM

السلام عليكم و رحمة الله و بركاته

و الصلاة و السلام على سيدنا رسول الله محمد صلى الله عليه و سلم و على آله و صحبه و أزواجه و التابعين و تابعيهم بإحسان إلى يوم الدين أما بعد :

أخي الحبيب بارك الله فيك

إنتبه من قول ( سخرية القدر ) فهذا لا يجوز أخي الكريم فالقدر من الله تعالى و كل الأمور مقدره من الله تعالى عز و جل سبحانه و تعالى

أرجو مراجعة الرابط التالي
http://fatwa.islamweb.net/fatwa/inde...twaId&Id=26137

http://www.binbaz.org.sa/mat/4226

كما أن الله عز و جل سبحانه و تعالى قال في الحديث القدسي
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) رواه البخاري..

راجع الرابط التالي
http://articles.islamweb.net/media/i...ang=A&id=48865

أخي الحبيب لا تحزن فإنما أنا ناصح لك و واجب لنا النصح أخي الكريم

شرح الله صدوركم و فرج كروبكم و نور بصائركم و فتح لكم أبواب الخير و أغلق عنكم أبواب الشر و ورزقكم الناس الطيبيين و كفاكم شر الظلمة و جعلكم مع النبيين و الصديقين و الشهداء و الصالحين و حسن أولئك رفيقا في الفردوس الأعلى من الجنة و رزقكم بر الوالدين و إدخال السعادة عليهم دائما اللهم آمين

السلام عليكم و رحمة الله و بركاته