الموضوع: هل تؤيد مطالبات المتظاهرين بإقالة حكومة شفيق؟

هو فيه ايه .... طباعا لازم لازم.

الطلب واضح جدا ...... اسقاط النظام .... بس كده.

مصر بكل جامعاتها العريقة .... بكل الأساتذة الأكفاء ، تقدر توفر لكل منصب وزارى بدل الواحد عشرة على الأقل.

هل مصر لم يعد بها من يصلح لادارة البلاد سوى هذه الحفنة المشكوك فيها بكل تأكيد ، وعليها علامات استفهام كبيرة جدا بطول البلاد وعرضها.

ما معنى السكوت المريب على رموز الفساد حتى هذه اللحظه.

هو اللى حصل فى مصر ده ثورة ؟؟ .... أم مازالت الثورة قادمة عما قريب.

و مش عارف الرئيس القادم لازم يلاقى مجلس شعب ، عشان يحلف امامه ، طب ما يحلف للشعب مباشرة ولا هو مش هايعرف يحلف ادام ناس أغراب.

وكمان عاوزين حد يمثل الثوره ... ؟؟!! ..... سهله جدا ... الثورة يمثلها مطالبها بغض النظر عن الأشخاص ولا هى تلاكيك وخلاص.

ليه الاختزال المشين للأحداث ...... نصر أكتوبر يختزل فى شخص ..... الأمن والأمان ... فى شخص .... كل شيء ... كل شيء......... ( انت الشعب والشعب انت ).

لله الأمر من قبل ومن بعد ...... حسبنا الله ونعم الوكيل.

المشاركة الأصلية كتبت بواسطة dr-mohamed

رئيس الوزراء الجيش هو اللى قرر استمراره وغير مسمي الحكومة الى حكومة تسيير اعمال
وزير الخارجية يخضع لتوجيهات الجيش وتعليماته
وزير العدل الجيش هو اللى ابقاه في منصبه
معترض عليهم يبقي اعتراضك على الجيشلانه هو الذي ابقي عليهم وبالتالي اطلب عزل الجيش قبل ما تطلب عزلهم
عندك او عند اي حد ادلة على فسادهم يقدمها للنائب العام زيهم زي غيرهم

مافيش فايدة نفسي أحد الأعضاء الأفاضل يجاوبو في النقاط الجوهرية دي بدل أسلوب مش موافقين وهو كده والسلام ولا كأن الجيش ليه دور جوهري والمايسترو في المرحلة الحالية وشريك رئيسي في نجاح الثورة بس بنسبة 51% هههه

المشاركة الأصلية كتبت بواسطة dr-mohamed

ط§ظ„ظ„ط¬ظ†ط© ط§ظ„طھظ†ط³ظٹظ‚ظٹط© ظ„ط¬ظ…ط§ظ‡ظٹط± ط§ظ„ط«ظˆط±ط© طھط¯ط¹ظˆ ظ„ط§ط¹طھطµط§ظ… ظ…ظپطھظˆط. ظ„ط§ط³ظ‚ط§ط· ط.ظƒظˆظ…ط© ط´ظپظٹظ‚

أصدرت اللجنة التنسيقية لجماهير الثورة بيانا أكدت فيه على تأكيدها مطالب الثورة وضرورة تنفيذها في اسرع وقت.
وقال البيان رقم 6 - الذي تلقى مصراوي نسخة منه - : نحن جماهير الشعب المصري
من اعطاهم توكيل للتحدث باسم الشعب المصري ؟؟؟؟؟؟
صاحب السيادة الوحيد على أرضه ومصيره ومقدراته ومصدر كافة السلطات في هذا البلد التى استردها باندلاع ثورة 25 يناير الشعببة السلمية سبق وأن طالبنا وأكدنا مرارا فى بيانات واعتصامات ومسيرات مليونية في شتي أنحاء مصر بإسقاط حكومة أحمد شفيق.
وتضم اللجنة التنسيقية لجماهير الثورة ستة كتل من شباب الثورة وهي ائتلاف شباب الثورة ومجلس امناء الثورة وتحالف ثوار مصر وائتلاف مصر الثورة وشباب 25 يناير والاكاديميين المستقليين،
مين دول كمان ؟
هما دول اللى قابلوا المجلس العسكري امس ولا ناس غيرهم ؟؟؟؟؟
لو هما بيغيروا كلامهم كل شوية ليه ولو مش هما يبقي مين فيهم اللى بيمثل الشعب المصري كلهم بيقولوا احنا الل بنمثل الشعب
ووصف البيان حكومة شفيق بأنها "امتداد للنظام المخلوع وسياساته الفاسدة وأنها أكبر معوق للأستقرار والأمن فى البلاد وكذلك إقالة المحافظين الذين لازالوا يمثلون نفس السياسة".
وأكد البيان ان اللجنة قررت الاعتصام الشامل والكامل أمام أماكن حيوية وحساسة في الدولة لحين الاستجابة الكاملة لارادة الشعب وعدم مغادرة أماكن الاعتصام حتي تنفيذ طلبات جماهير الثورة
اعتصام كامل وشامل لاماكن حساسة في الدولة يعني 24 ساعة ولاماكن حساسة كمان ولغاية ما يتم الاستجابة لمطالبهم ؟
فين الناس اللى كانت بتقول نتظاهر الجمعة بس
وفين اللى كانوا بيقولوا نتظاهر بعد انتهاء اوقات العمل
وفين اللى كانوا بيقولوا ممكن الناس تشتغل واحنا نتظاهر ومفيش ضرر
يا تري كل واحد له مطلب هايعمل كدة ويعمل اعتصام كامل شامل ؟
اهلا بالفوضي
وهي:
أولا: اقالة حكومة أحمد شفيق ونائبه ووزرائه وتعيين حكومة انتقالية من المستقلين والمتخصصين المشهود لهم بالامانة والكفاءة تدير البلاد خلال الفترة الأنتقالية وتحقق الأستقرار والسلم فى البلاد، ولا يحق لأي من أعضاء هذه الحكومة الترشح لأول انتخابات برلمانية أو رئاسية قادمة.
ثانيا: اقالة جميع المحافظين وحل المجالس المحلية وتعيين شخصيات مستقلة ومتخصصة لأدارة الحكم المحلي من المشهود لهم بالكفاءة والأمانة مساعدة الحكومة على تحقيق الأستقرار خلال الفترة الانتقالية.
وتأمل جماهير الشعب المصري الاستجابة لهذين المطلبين قبل يوم الجمعة الموافق 4 مارس 2011 وقبل بدء الاعتصام حفاظا علي الشرعية الثورية، وارادة الشعب وتجنيب مصالح ومرافق الدولة الشلل التام , والحفاظ علي استمرار سير المرافق العامة بسهولة ويسر.

دكتور محمد مين اللي خلاهم يتكلموا بأسم الشعب انهم حضرتك ببساطة هما اللي شايلين الموضوع على اكتافهم ونزلوا الى الشارع وحاربوا من اجل كل واحد قاعد في بيته وساكت وهما اللي قوموا الثورة ومتهيألي لا يختلف اتنين ان الناس دي لو مكنتش نزلت مكنش حاجه حصلت طبعا وكله بقدر الله
فاكيد اللي بيقوم بالثورة هو اللي بيتكلم لأنه هو اللي قدر يوصل صوته وموقفه مش قاعد زي حالتنا ورا شاشة كمبيوتر بيتكلم وخلاص
ثانيا : بلاش اسلوب التخوين ده والتشكيك
اشمعنا بنخونهم وبنشكك فيهم دلوقتي انهم بيغيروا رايهم ومش عارف ايه ولما نتهم احد من الحكومة زي شفيق بيطلعلنا مليون مبرر للموضوع
يعني هتكذب يبقى كذب الكل هتخون يبقى على الكل مش واحد اه والتاني لأ
ده اسلوب بصراحه متبع من الحكومة السابقة وخلاص الناس زهقت منه بجد
ثالثا : ياريت نتفهم وجهات نظر بعض
وبلاش اسلوب التخوين ده
انت حضرتك لك راي مفيش مشكلة ولكن منتهمشي احد بتغير موقفه واحنا اساسا ولا قاعدين معاهم ولا عارفين اي حاجه بتحصل من خلف الكواليس
انا واحد من الناس اتعودت اني اقيم المواقف بنظام النقاط
فلان عمل موقف موجب اعطيه نقطة موجب
عمل موقف سالب ياخد نقطة سالب
لا احكم عليه الا بعد فتره يكون الموضوع بقى واضح جدا
وبصراحه شفيق بالنسبة ليا موقفه اتحسم من ايام لقاءاته في التلفزيون ان المتظاهرين في رقبته وكان بيضربوا بالقنص بليل وحتى لم يحاول يقول انه هيقبض على القناصه دول ولا اي حاجه وبرضه موضوع هنجيبلهم بونبون وشكولاته لحد عندهم وغيره وغيره ده بنظام النقاط اسلوب ملتوي لا يعرفه من يريد الحق وليس التلون مع المواقف والألتفاف عليها

المشاركة الأصلية كتبت بواسطة dr-mohamed

المشكلة ان كل واحد بيتكلم دلوقت شايف ان هو الشعب وان رايه هو راي الشعب ولا يري ان هناك اخرون يختلفون معه

الفارق الوحيد دلوقتي مين اللي يقدر يعبر عن موقفه بجديه وحسم
وده اللي عملوه شباب الثورة فعلا
وانا دائما ايام الثورة حتى كنت بقول لكل الناس اللي بتغلط فيهم
ان مينفعشي ابقى قاعد في بيتنا وقاعد اشتم فيهم وانا عمري ما عملت حاجه للبلد زي ما هما عملوا
فهتكلم علىهم ازاي هما سبقوني ولازم احترم كده فياريت على لاأقل لو عندي وجهة نظر مخالفة لازم احترم اللي هما عملوه بنفسهم وعملوه للبلد كلها
فالمفروض لما اتكلم اعرف اني بتكلم مع ناس لها قدر معين لما استطاعوا فعله وكل واحد يسال نفسهم هل كان يستطيع انه يعمل اللي الناس دي عملته
بلاش نكدب على بعض وعلى نفسنا