اسبرانزا m11

**teha** · 16-03-2011 09:27 AM

سلام عليكم يا شباب الام 11 الكبرة .

انا مش شهرين كدة لقيت لمبة حمرا كدة زي علامة التعجب بتنور وتتطفى و انا ماشي شبه لمبة فرامل اليد كدة فبصراحة قلقت فقعدت ادور و اسال و عرفت انها لمبة الفرامل و غالبا بتكون بسبب زيت الباكم انه عاوز يتزود او حاجة في ما شابه كدة المهم لما رحت صيانة ال 30000 قلتلهم فقالي طيب هنكشف و نقولك و شوية لقيته بيقولي على فكرة التيل بتاعك قرب يخلص و قدامك 1000 او 2000 كيلو بالكتير و يخلص فتله خلاص غيره و على ما اعتقد انه كان ب 130 جنيه بس انا دفعت حوالي 550 بالزيت بالفلتر و بكل حاجة .
و لما خلصت قلته كدة تبقى اللمبة ديه بسبب التيل قالي اه و فعلا بعدها اللمبة منورتش و لا حاجة الحمد لله و معنديش اي تصفير او اي اختلاف في الفرامل مع التيل الجديد الحمد لله رب العالمين .

انا بقة اللي مكدرني دولقتي ان مكن الازاز اللي ورا الاثنبن باظوا يعني اكيد مش مع بعض و لكن الوضع الحالى واحدة بايظة خالص وواحدة لعبلي فيها واحد فبتشتغل بس بالعافية .

ان شاء الله هروح ابو رواش عشان الموضوع ده قريب و لكم تحياتي .

والسلام عليكم ورحمة الله وبركاته

**mohser** · 17-03-2011 02:53 AM

السلام عليكم.... ماحدش ليه بأه بيقول تجربته مع العربية.... أنا عن نفسى هما لحد دلؤتى 450 كيلو و الحمد لله... العربية مريحة جدا بس ما أنكرش من كل اللى قريته عنها ساعات بسوقها و أنا خايف.... بس بحبها أوى.... و سؤال بعد اذنكم.. هو الزنة اللى مع الباور لما الدريكسيون يكون لافف على الأخر دى طبيعية و لا لأ... يعنى أكلمهم عليها فلى الصيانة؟؟؟

**ALshahba** · 17-03-2011 02:55 AM

^^^^^^^^^^^^^^^^^^^^^^^^^^^^
زنة البور دي طبيعيه لما بيجي الدركسيون علي الاخر يمين او شمال..... ما تقلقش

**hemaa_82** · 17-03-2011 08:04 AM

طالاما علي الاخر بس بتزن يبقي مفيش حاجة ....المهم بدون مشاكل في المشوار العادي يمين و شمال

**mohser** · 18-03-2011 12:04 AM

لأ الحمدلله هى زنة مع الباور بس قلقتنى انتم كده طمنتونى... الله يباركلكم فى عربياتكم و يحفظهالكم

**mohser** · 18-03-2011 12:25 AM

لو حد من حضراتكم عنده نصايح بعد خبرتم بالعربية للفتلرو دى عشان أحافظ عليها ابقى شاكر جدا و خصوصا و أنا لسة فى الألف الأولى... و هل التسخين مفيد و لا مضر

**mohser** · 18-03-2011 12:30 AM

عفوا قصدى بعد خبرتكم بالعربية الفترة دى

**ALshahba** · 18-03-2011 03:49 AM

من ناحية التكييف .... يريت تفتحة كل اسبوع حوالي ربع ساعه حتي ولو فى الشتا علشان تحافظ علي قوة التكييف فى الصيف
من ناحية الفلاتر ..... دي حاجه مش بايدك , لكن ياريت تضف فلتر الهوا دوريا مره كل شهر مثلا ... وفلتر الزيت لازم يتغير كل تغيرة زيت...وفلتر البنزين بيتغير كل20الف كيلو

**mohser** · 18-03-2011 11:17 PM

شكرا لاهتمامك و نصايحك الغالية.... كلام تمام

**mohser** · 21-03-2011 02:30 AM

الحمد لله انا عامل دلؤتى 650 كيلو و العربية تمام. بس فى زنة فى الموتور مع الغيار الأول و التانى .. مش مؤثرة على السحب.. حد عنده تفسير

الموضوع: اسبرانزا m11

LinkBack

أدوات الموضوع

عرض

-

المواضيع المتشابهه

اسبرانزا m12

اسبرانزا a 620

اسبرانزا m11

اسبرانزا

اسبرانزا ؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة