السلام عليكم......
بالله عليكم.... ايه رأيكم من الأخر فى m11
عرض للطباعة
السلام عليكم......
بالله عليكم.... ايه رأيكم من الأخر فى m11
do it it is a good car
no no for ever
انت بتسال سؤال سيب كل واحد يقول رأيه براحته...مانت لو كل واحد قالك حلوة هتقوله لا وحشة يبقي مالوش لازمة السؤال اصلا...عموما العربية كويسة بس فيها مشاكل زيها زي اي عربية تانية كوري وياباني واوروبي اي عربية في مصر فيها مشاكل المشكلة في البلد مش في نوع العربية نفسها
لو فعلا كانوا حلو مشكلة الدينامو يبقي مفيش حاجة هتعطلك عن المشي ابدا
لو عرفوا يحلوا مشكلة قلة قطع الغيار هيبقي تقريبا مفيش مشكلة تاني
العربية ادائها اكتر من رائع"بعد ما تتعود علي دواسة البنزين" و ثباتها تحفة و فراملها ما شاء الله
شكلها فخم و عدواني و قعدتها مريحة و متزهقش
تكييف جبار و الحمد لله
بقالي سنة و نص و كل اللي عملتو الاتي:-...
صلحت الدينامو علي الضمان ...
الشكمان كان بيزن احيانا"بجد مكانش مضايقني" و اتغير علي الضمان ....
الازاز وقعت عليه بلاطة من الخامس و اتشرخ و غيرته علي التأمين ....
اتخبطت و غيرت قربة الميه علي الضمان علشان اتشرخت ...
لمبة السهاري الامامي اتحرقت في الخبطة و غيرتها ب 1.5 جنيه ...
حامل الاكصدام الامامي يمين اتكسر من الخبطة و غيرتة ب 22 جنية ....
غير كدة الحمد لله معملتش حاجة
العفشة اداءها تحفة بس كانت بتصوصومن ورا لحد ما في مرة في التوكيل شحموها و من ساعتها بطلت
بجد مش ندمان اني اشترتها و ربنا يبارك للجميع و يحميهم ..... بس لو بتقلق من الصيني و كلام الناس متجبهاش...
لو ناوي تبيع علي المدي القريب متجبهاش علشان سعر البيع في الصيني اوطي من غيره
العربية فعلا تستحق الاقتناء ... و ربنا يهديك للخير ان شاء الله
شكرا على ردودكم و ربنا يكرمكم جميعا...
و سؤال تانى و اسف على الاطالة... انا فى الاسماعيلية... هل تفرق لو جبتها من وكيل هنا او من معرض و ايه هى الحاجات اللى المفروض استلمها معاها
ام 11 ممتازه وجيبها من الأهرام موزع محترم انا مجربه قبل كده ايام الدايو
بطيخه يا اما حمرا يا اما قارعه
يا ملان السيارة.... هى بتنزل بوسائد هوائية و لا لأ و حكاية الدينامو ةدى ازاى أعرف اتحلت و لا لأ و شكرا
مفيش airbags... و المفروض ان هما حلو موضوع الدينامو - كدة كدة لما فصل فصل معايا بعد سنه بالظبط و كنت عامل تقريبا 18 الف مش فاكر بالظبط- و علي فكرة ده حوار اهبل اساسا..... العطل اللي بيحصل ان الشربون بيخلص :)فالدينامو بيفصل شحن .....هما بيغيروه "الدينامو كامل " علي الضمان
والله العربية بقالها سنة ونصف والحمد لله مفيش موضوع الدينامو بس قريبى جاب وحده وحصل معه وجم غيروه تحت البيت والحمد لله تمام
يا باشا اكيد مش بيدخل علي كيا........اسبرانزا وبس.انتقاد وبس؟؟؟؟؟؟؟
هو رافض الموضوع من غير تفكير ....هشان صيني بس مش اكتر....هيما باشا ازيك وياريت تعرفني العربية اخبارها معاك ايه الفترة دي
شكرا ليكو يا جماعة على الردود... انا خلااااص استلمت العربية امبارح و الحمدلله.. انا ان اتقال نصايح كتيلر بخصوص العربية بس يا ريت و بعد خبرتكو البيرة بالعربية دلؤتى احب اعرفها و أكون شاكر جدا... و ايه هو الاختبار ده اللى بيكشف على الدينامو... مش عشان دلؤتى يعنى بس كل فترة كدة عشان اطمن ... اكون شاكر جدا للنصايح الحلوة
مبروك عليك العربية وانشاء الله ربنا يباركلك فيها ويكفيك شرها باذن الله...بالنسبة لموضوع الدينامو انا مش عارف بالظبط ايه حوار الكشف ده...بس انا لما باظ عندي لقيت العربية انوارها بتهيس والعربية مش مظبوطة...بس اعتقد انهم ظبطوا موضوع الدينامو ده من ساعة مش ظهرت المشكلة في كل العربيات والله اعلم ومستنيين من حضرتك تقرير عن العربية انشاء الله
اولا يا باشا الف الف مبروك ان شاء الله ... و يعطيك خيرها و يكفيك شرها
ثانيا ... الدينامو و بكرر تاني مش بايظ ... الفكرة ان الشربون بتاعوا كان بيخلص بسرعة ... و علي فكرة مفيش اختبار يقولك الشربون هايخلص امتى.....
وبرضه عامة ... الموضوع محصلش قبل سنة كاملة و ان شاء الله ميحصلكش حاجة و خلي بالك من العين علشان هتيجي هتيجي وابقي قول هيما قال
انا كمان عندي التيل عاوز يتغير عشان بيصفر جامد بس التيل الامامي بس تقريبا....متعرفش ممكن اغيره برده ولا لازم توكيل ولو برة اجيبوا منين ويعمل كام
انا عن نفسي هغيره اول مرة جوة علشان يركبوا التيل بتاعهم علشان اشوف التيل اللي مطبق عليه مواصفات الجودة -المفروض يعني- عامل ايه .... و برضه علشان لما اخد الفارغ اجيب حاجة انضف بس من غير ما الف ... يبقي معايا الفارغ فايدي و اجيب حاجة زيه بدل متعد تشرح للناس و يقولك مفيش
ثم ان لما يعمل 25 ...يعني مش بطال والله .... مديري بيغير بتاع الفورد فوكس كل 17 بس هوه اوتوماتيك و تيله من دمشق ب 400
السلام عليكم.. الله يبارك فيكو يا جماعة... اسف على التأخير بس كنت مشغول جدا الفتلرة اللى فاتت.. بالنسبة للعربية هى حلوة جدا و عجبانى... المهم ان اصلا بحبها فعلا حتى قبل ما اشوفها على الطبيعة و مش عارف ليه.. ممككن من صورها و كلامكو عليها و خصوصا كلام هيما ... المهم ان هى فعلا كويسة.. مع النظر ان التقفيل كان محتاج شوية ضمير و كان كل حاجة تبقى تمام.. تحس غعلا انك راكب عربية محترمة مش اى كلام... بس عندى استفسار مهم بعد اذنكم هو الزرار اللى جنب الزار بتاع اضائة التابلوه هل هو مفعل و لا لأ... اعتقد هو بتاع التحكم فى اضائة الكشافات.... اسف على الاطالة... بس عشان عندى الزرار موجود بس ما بيتحركش.. مستنى الرد بعد اذنكم.... :U_thin1[1]:
لا للاسف مش مفعل هو منظر مش اكتر
طب ليه فى الكتالوج موجود انه شغال... ما هم كاتبين على الحاجات التانية ممكن تكون موجودة و ممكن لأ
سؤال للاستاذ هيما
فى الدراع الايمن بتاع المساحات فيه فى النص كده زي مؤشر بيتحرك لفوق بسوسته ولكن لا اري له اي تأثير!!!برجاء الافاده
وثانيا: نفسي اعرف بتعمل كام فى استهلاك البنزين داخل المدينه ؟؟؟؟ لانها مع والدي بتعمل 140 كم بس
بالنسبة لسوستة دراع المساحات ....
لو خدت بالك ان اول رفعة لفوق بتخلي المساحة تشتغل مرة واحدة و تقف .... ده معناه انها علي وضع الauto
في الوضع ده بيشتغل سنسور المطر .... لما تمطر بتشتغل المساحات اوتوماتيك ..... وقتها بقي لو حبيت تزود سرعة المساحات او تقللها بتستخدم السوستة دي -بشرط يكون المطر متواصل علشان السنسور يفضل يحرك المساحات -
اما بالنسبة للاستهلاك فانا رديت عليك في موضوعي التاني بتاع التقييم :S_thum1[1]:
شكرا ليك
جاري التجربه
سلام عليكم يا شباب الام 11 الكبرة .
انا مش شهرين كدة لقيت لمبة حمرا كدة زي علامة التعجب بتنور وتتطفى و انا ماشي شبه لمبة فرامل اليد كدة فبصراحة قلقت فقعدت ادور و اسال و عرفت انها لمبة الفرامل و غالبا بتكون بسبب زيت الباكم انه عاوز يتزود او حاجة في ما شابه كدة المهم لما رحت صيانة ال 30000 قلتلهم فقالي طيب هنكشف و نقولك و شوية لقيته بيقولي على فكرة التيل بتاعك قرب يخلص و قدامك 1000 او 2000 كيلو بالكتير و يخلص فتله خلاص غيره و على ما اعتقد انه كان ب 130 جنيه بس انا دفعت حوالي 550 بالزيت بالفلتر و بكل حاجة .
و لما خلصت قلته كدة تبقى اللمبة ديه بسبب التيل قالي اه و فعلا بعدها اللمبة منورتش و لا حاجة الحمد لله و معنديش اي تصفير او اي اختلاف في الفرامل مع التيل الجديد الحمد لله رب العالمين .
انا بقة اللي مكدرني دولقتي ان مكن الازاز اللي ورا الاثنبن باظوا يعني اكيد مش مع بعض و لكن الوضع الحالى واحدة بايظة خالص وواحدة لعبلي فيها واحد فبتشتغل بس بالعافية .
ان شاء الله هروح ابو رواش عشان الموضوع ده قريب و لكم تحياتي .
والسلام عليكم ورحمة الله وبركاته
السلام عليكم.... ماحدش ليه بأه بيقول تجربته مع العربية.... أنا عن نفسى هما لحد دلؤتى 450 كيلو و الحمد لله... العربية مريحة جدا بس ما أنكرش من كل اللى قريته عنها ساعات بسوقها و أنا خايف.... بس بحبها أوى.... و سؤال بعد اذنكم.. هو الزنة اللى مع الباور لما الدريكسيون يكون لافف على الأخر دى طبيعية و لا لأ... يعنى أكلمهم عليها فلى الصيانة؟؟؟:U_thin1[1]:
^^^^^^^^^^^^^^^^^^^^^^^^^^^^
زنة البور دي طبيعيه لما بيجي الدركسيون علي الاخر يمين او شمال..... ما تقلقش
طالاما علي الاخر بس بتزن يبقي مفيش حاجة ....المهم بدون مشاكل في المشوار العادي يمين و شمال
لأ الحمدلله هى زنة مع الباور بس قلقتنى انتم كده طمنتونى... الله يباركلكم فى عربياتكم و يحفظهالكم
لو حد من حضراتكم عنده نصايح بعد خبرتم بالعربية للفتلرو دى عشان أحافظ عليها ابقى شاكر جدا و خصوصا و أنا لسة فى الألف الأولى... و هل التسخين مفيد و لا مضر
:E_braces[1]: عفوا قصدى بعد خبرتكم بالعربية الفترة دى
من ناحية التكييف .... يريت تفتحة كل اسبوع حوالي ربع ساعه حتي ولو فى الشتا علشان تحافظ علي قوة التكييف فى الصيف
من ناحية الفلاتر ..... دي حاجه مش بايدك , لكن ياريت تضف فلتر الهوا دوريا مره كل شهر مثلا ... وفلتر الزيت لازم يتغير كل تغيرة زيت...وفلتر البنزين بيتغير كل20الف كيلو
شكرا لاهتمامك و نصايحك الغالية.... كلام تمام
الحمد لله انا عامل دلؤتى 650 كيلو و العربية تمام. بس فى زنة فى الموتور مع الغيار الأول و التانى .. مش مؤثرة على السحب.. حد عنده تفسير