الموضوع: سؤال بخصوص اعلان التصفيه بتاع متسوبيشى الى على المنتدى

بالظبط و خصوصا ان الرواس كان قال ان عنده 1700 و لا 1900 عربية لانسر متباعتش لما سحبوا منه التوكيل
الله اعلم باع كام منهمو فاضل عنده كام , لو عنده 10 عربيات و لا حاجة فالسعر كويس , لو عنده 100ل 1000 عربية يبقى يستاهل اللى هيحصله بسبب التسعير دا.
مش ممكن بيصفى عربية بقالها سنتين مركونة و عايز يبيعها بسعر مبالغ فيه ,يعنى مش محتاجة يكون دارس تسويق , فى سنة 2010 اولها كمان عندى عدد كبير من العربيات مش بيتباع و عندى 2008 يبقى العقل يقولى ان السعر مبالغ فى او العربية مش ماشية فى السوق دا يبقى الحل انى اخفض السعر لانه لو فى سنة 2010 باع بسعر 128 و مش هقول استثمر الفلوس حطها فى البنك كان يعادل انه يبيعها فى 2011 ب 140 الف (فرق سعر الفايدة) , طيب محصلش يجى فى 2011 و يبيع عربية مستعملة (مركونة سنتين و ممكن تكون مركونة فى الشمس )!!! بسعر 128 الف لو مباعش هيجيى السنة الجاية او اخر السنة و غصب عنه يضطر ينزل فى التمن و طب ليه ماكان من الاول و يوقف نزيف الخساير , زى واحد خسر شوية فلوس فى مشروع ميت يقوم يضخ فلوس اكتر فى نفس المشروع اللى محكوم عليه بالفشل و يخسر اكتر.

عموما هو حر فى فلوسه , بعدين اكيد بيديها لسمير ريان بسعر اقل فانا رايى يبطل يبيع عند الموزعين و يخليه يعمل اعلان فى الجرايد للبيع ب 120 الف و يخلص.

هو حر عامة بس انا فى رايى السعر بالنسبة لعربية قديمة بقالها سنتين مركونة و الله اعلم حصل فيها ايه بالسعر دا مبالغ فيه جدا جدااا