بخصوص الناس اللي جربو تيل ريمسا واشتكو منه يتفضل هنا !

**mangere90** · 28-02-2011 05:16 PM

السلام عليكم ورحمة الله وبركاته

انا اول واحد كتبت تجربه عن هذا التيل و كنت
بشكر فيه جدا وانا عمري ماركبت تيل داخل التوكيل
من اول ماشتريت العربيه وكنت اول مره اغير التيل
الأمامي الأصلي غيرته بتيل ريمسا وكان جميل جدا
وناعم و الفرامل 10 / 10 وبعد 20000 الف كيلو
روحت واشتريت تيل تاني بعد ماخلص الأول روحت
واشتريت واحد وركبته وكله تمام وبعد اول كيلو
ظهرلي صوت حشرجه في اخر الدوسه وكنت النهرده
عند الحاج مصطفي صاحب محل المدينه وقلتله علي
المشكله اللي حصلت معايا اللي ناتجه عن تيل
الريمساو قولتله دي اول مره تظهر معايا هل
ده عيب في التيل قاللي المشكله دي بتبقي في
الديسك نفسه قولتله ازاي قالي الديسكات بتبفي
عامله شفتين كده هي اللي بتعمل كده بصراحه انا
الراجل ده بثق فيه جدا المهم قاللي انا هوديك
عند مكانيكي جنبي اسمه محمد وهو هيحللك المشكله
دي روحتله وهو في نفس الشارع كل الشفتين بصنفره
وكل حواف التيل من اعلي ومن اسفل ومشيت وفعلا
الصوت راح وكله تمام والحمدلله .
ده بالنسبه للتيل علشان انا فعلا كنت ناوي
اغيره واجيب البوش اللي ركبه اسلام علي فكره
انا اشتريته انهارده لواحد صاحبي وشكله
تيل محترم اوي ...

عايز اوضح لحضراتكم شيئ صغير كده ماحدش
بياخد بالله منها وهي ان كل شويه التوكيل
يقولنا ان الديسكات باظت والكلام ده
بصراحه مابيخشش بذمتي بتعريفه ليه
هو عايز يستفيد يقولك اركبلك ديسكات
هو خارطها قبل كده الواحده ب 100
جنيه وياخد الأصليين بتوع العربيه
ويركبهم برده عند حد تاني ومكسب
داخل مش مكلفهم حاجه عايز اقول
لحضراتكم اذا كنت هتركب ديسكات مخروطه
فالأولي انك تخرط بتوع العربيه الأصلين
علي اقل انتا بتخرطهم لأول مره لاكن
اللي التوكيل هيركبم الله اعلم ماخروطين
كام مره معي اني مابرشحش الخرط..
لازم تعرفو ان الديسكات ليها عيبين
فقط اذا ظهرو يبقي فعلا الدسكات عايزه
تتغير وهي رعشه جامده عند الفرامل القويه
الديسكات ابدت تخف تقل في التخانه زي
التيل بالظبظ بيقل مع الأحتكاك
وطبعا الديسكات لما تخف ينتج عنها فرامل
ضعيفه غير كده ماتسمعش كلام حد يقولك
غير الدسكات كل المشاكل عندنا اللي
بتحصل من تصفير تيل او اي صوت بيصدر
من التيل في الواقع مابيبقاش العيب في
التيل بيبقي العيب في الديسكات وعندنا
كل المشاكل بتحل ان الديسكات بتكون شفف
عليك الذهاب لمكانيكي ويفكهم وتروح مخرطه
وياكلك الشفف فقط اوعي يجي ناحية المرايه
بتاعت الديسك وكل المشاكل ان شاء الله هتروح

يارب اكون افدت حضراتكم واسف علي الأطاله

**Raul_7** · 28-02-2011 05:35 PM

شكرا للمعلومات القيمة يا افندم.

**ALRAKHAWI** · 28-02-2011 11:37 PM

thx gedan ya man ....

**ramyar** · 01-03-2011 12:46 AM

توضيح صغير
اي اجزاء متحتكه بينتج عنها تاكل يعني الديسكات في اي عربيه بتتاكل بس بنسب متفاوته علي حسب صلابه وصلاده المعدن
يعني الموضوع ده بيحصل في اي عربيه مش عندنا بس

**mangere90** · 01-03-2011 01:14 AM

المشاركة الأصلية كتبت بواسطة ramyar

توضيح صغير
اي اجزاء متحتكه بينتج عنها تاكل يعني الديسكات في اي عربيه بتتاكل بس بنسب متفاوته علي حسب صلابه وصلاده المعدن
يعني الموضوع ده بيحصل في اي عربيه مش عندنا بس

**eslam_wega** · 01-03-2011 05:33 AM

على فكرة البوش الحمدلله لغايت النهردا ممتاز جدا معيا وفعلا يستهل سعرة ان شاء الله المرة الجاية هجرب الالمانى واقولكم رايى
هو سعرة تقريبا 180 ج لكن البوش بى 350 ج اشتريتة
شكرا لحضرتك على نقل التجربة جدا جدا

**mangere90** · 01-03-2011 05:48 AM

المشاركة الأصلية كتبت بواسطة eslam_wega

على فكرة البوش الحمدلله لغايت النهردا ممتاز جدا معيا وفعلا يستهل سعرة ان شاء الله المرة الجاية هجرب الالمانى واقولكم رايى
هو سعرة تقريبا 180 ج لكن البوش بى 350 ج اشتريتة
شكرا لحضرتك على نقل التجربة جدا جدا

ازي حضرتك يا اسلام باشا يارب يكون التيل محقق رضي حضرتك لأني انا عارف انك تعبت
كتير في حكاية التيل ديه وناس كتير برده كانت نفس المشكله علي فكره انا اشتريته امبارح
ب 325 جنيه .....

**a_samy** · 01-03-2011 01:13 PM

المشاركة الأصلية كتبت بواسطة eslam_wega

على فكرة البوش الحمدلله لغايت النهردا ممتاز جدا معيا وفعلا يستهل سعرة ان شاء الله المرة الجاية هجرب الالمانى واقولكم رايى
هو سعرة تقريبا 180 ج لكن البوش بى 350 ج اشتريتة
شكرا لحضرتك على نقل التجربة جدا جدا

هو التيل البوش اللى حضرتك أشتريته ب 350 جنيه مختلف عن اللى فى التوكيل؟ولو مش مختلف يبقى ليه فى التوكيل ب 1300 جنيه؟

**a_samy** · 01-03-2011 01:17 PM

أنا بقى التوكيل المحترم جدااااااااااااااا والأمين جدااااااااااااااا غيرلى التيل أمامى وخلفى وغيرلى كمان الديسكات....طبعا أنا مكنتش فاهم، وأقسم بالله لو كنت فاهم أن على الأقل الديسكات متتغيرش دلوقتى كنت بهدلتهم على قلة الضمير والأمانه المعدومه عندهم دى ومهم لله.

**eslam_wega** · 01-03-2011 01:48 PM

المشاركة الأصلية كتبت بواسطة mangere90

ازي حضرتك يا اسلام باشا يارب يكون التيل محقق رضي حضرتك لأني انا عارف انك تعبت
كتير في حكاية التيل ديه وناس كتير برده كانت نفس المشكله علي فكره انا اشتريته امبارح
ب 325 جنيه .....

الحمدلله انا تمام ازيك انت اولا شكرا لحضرتك لنقل السعر الجديد وكويس انه رخص شوية لاكن يعتبر غالى نسبيا

بالنسبة للتيل التيل ممتاز الحمدلله وكمان مفيش صفارة ولا اى حاجة من الكلام دة وبيحفظ على الطنابير يعنى مش متخربشة او اى حاجة الحمدلله

المشاركة الأصلية كتبت بواسطة a_samy

هو التيل البوش اللى حضرتك أشتريته ب 350 جنيه مختلف عن اللى فى التوكيل؟ولو مش مختلف يبقى ليه فى التوكيل ب 1300 جنيه؟

لا يا فندم الاتنين واحد بس الطبيعى ان الاسعار فى التوكيل مبالغ فيها خصوصا بروتون عشان كدا
احنا عملنا حملة ضد غلاء الاسعار وجشع توكيل عزب العرب
الحملة موجودة على الفيس بوك وفى موضوع هنا بيتكلم عنها

الموضوع: بخصوص الناس اللي جربو تيل ريمسا واشتكو منه يتفضل هنا !

LinkBack

أدوات الموضوع

عرض

بخصوص الناس اللي جربو تيل ريمسا واشتكو منه يتفضل هنا ! - انشر الموضوع فى :

-

-

-

-

-

-

-

-

المواضيع المتشابهه

اللي عنده أي سؤال في الإكسيل يتفضل

انا لقيت كنز..اللي عايز يشاركني يتفضل

اللي بيحب السرعة يتفضل هنا

اللي بيعرف كويس في عده الصوت يتفضل هنا

إستفتاء : بتاكل اللي يعجبك و بتركب اللي يعجب الناس ؟؟

الكلمات الدلالية لهذا الموضوع

المفضلات

المفضلات

ضوابط المشاركة