الموضوع: اللى هيحل اللغز يكسب العربية

و الله يا طنانى اللى اعرفة ان الحرارة بتكون فى الشويتشة الكهرباء ليها قرايات تانى
يعنى 90 : 95 و دى السرعة الاولى
95 : 100 و دى السرعة التانية
و الله اعلم
لان ممكن تجيب واحدة استيراد تلاقى الارقام دى مختلفة خالص

يا جماعة العيب فى مش فى الترموستات لأنى كنت مركب بتاع الفيات وبيشتغل 90/80 لكن عندى أشتغل 97 /94 ولما غيرت بواحد أصلى برده عمل نفس الموضوع بس بقى بيشتغل السرعه الأولى لكن بتاع الفيات كان على العاية بس

المشاركة الأصلية كتبت بواسطة meika

سيبك من الحرارة خليك انت الحساس بتاع العربية انا كان عندى نفس النظام قصدى مازال عندى والمراوح تشتغل على السرعة البطيى 94 تفصل90 ودة فى الصيف وبعد ساعة مثل من تشغيل العربية تفضل المراوح شغالة على 92 طول الطريق مش قدرة تنزل ل 90 ومش قدرة تعلة اقدر من كدة فسبت الموضوع ومبقتش اسال علية المهم انها متعلاش عن 95 فى الشتاء المراوح مش بتشتغل خالص

المروحة بتشتغل كتير وانا حاسس بحاجه غلط

أنا روحت لحسام أوبل تانى شغل العربية وسابها لما المروحة أشتغلت على 97 السرعة الأولى فصل الفيشة اللى ورا الستارة وقفت المروحة وقالى سيبها دايرة لما توصل ال100 عند 99 أشتغلت السرعة العالية ركب الفيشة وقالى كده العربية مظبوطة العداد هو اللى فيه فرق 6 درجات لأن العداد اللى إستيراد مش بيظبط مع العربية زى بتاعها وخلى الحرارة 95 وفتح غطاء القربة لقى الأمور عادية مفيش بخار والمية سخنة فقط مش بتغلى قالى ده دليل أن الحرارة كويسة بس عاوز أعرف لما الحرارة كويسه المروحة بتشتغل كتير ليه وعربية مفيهاش ترموستات كوع حرارتها تعلى عن 90 إزاى فى 10 دقايق ومتنزلش عن 94 طول ما أنا ماشى على الطريق وعلى فكرة كان فيه واحد هناك معاه أخت عربيتى وشايل الترموستات ومركب ريداتير صينى زيى بالظبط والمروحة بتشتغل عنده 91 تفصل 88

زى ما قلتلك من الأول خالص تخريف عداد
الحمد لله زى ماقلتلك يا طنانى باشا إنى جربت العداد القديم ولقيت الحرارة زى الفل عشان كده عرفت أنه تهييس عداد بس ياريت لو حد غير عداد إستيراد للفيكترا a يقولى القراءات صح معاه ولا لأ