سؤال عن رينو كليو

**ahmedangel55** · 28-02-2011 10:52 PM

السلام عليكم انا معروض عليا رينو كليو مو 2002 عل 37000
بس كنت عايز اعرف مميزات العربية دية لان واحد صحبى قالى انها عربية فيستك يعنى اى كلام قالى احسن زود شوية وهاتلك لانوس او اكسنت يا ريت يا جماعة تقولولى اية عيوبها وجزاكم الله خيرا

**limo** · 01-03-2011 12:11 PM

انا معايا كليو 2003 ومعانا من الزيرو الحمد لله وبرضو كان معايا لانوس 99 وبعتها من ثلاث سنوات
الكليو عربيه من وجه نظرى احلى من الانوس بكتير متور اهدى وسحب احسن تقفيل احسن
بس لازم علشان تنبسط بالعربيه لازم تكون ايدك فيها باسمرار بمعنى احنا لغايه دلوقتى بوديها التوكيل سواء للصيانه او الاصلاح ده غير ان التوكيل بتاعها ممتاز جدا وعمر ما العربيه بتخرج من عنده فيها غلطه
قطع الغيار غاليه شويه عن الانوس بس مش الفارق الجامد يعنى وكمان الانوس قطع غيارها متوفره عنها كتير جدا
عيب الكليو ان الكنبه بتاعتها ضيقه شويه عن الانوس بس شنطتها بحر
ممكن تكون الانوس عمليه شويه عن الكليو فى حاله لو استخدامك كتير جدا للعربيه
لو استخدامك معقول يبقى الكليو مناسبه ليك

**ahmedangel55** · 01-03-2011 05:27 PM

شكرا يا limo
بجد معلومات جميلة بس من الواضح ان اللانوس افضل من الكليو على العموم يا جماعة الى يعرف معلومات اكتر عن الكليو يقول وجزاكم الله خير

**misoalex** · 04-03-2011 05:12 AM

لانوس افضل من وجهه نظرى

انا سقت الكليو عجبتنيش بصراحه ضيقه جدا من جوه وغير ان قطع غيارها اغلى طبعا من اللانوس

**AMA** · 13-03-2011 04:09 AM

أنا بحب الكليو جدا لكن للأسف يوم ماكانت موجوده أدامى مجربتهاش
لكن فعلا صوت ماتورها هادى جدا

**misoalex** · 14-03-2011 09:36 PM

المشاركة الأصلية كتبت بواسطة AMA

أنا بحب الكليو جدا لكن للأسف يوم ماكانت موجوده أدامى مجربتهاش
لكن فعلا صوت ماتورها هادى جدا

لو كنت سقتها كنت عرفت الفرق بينها وبين اللانوس

انا سقتها ولوحدى من غير ميكون حد راكب معايا يعنى عملت تست درايف صح هههههههه

سحبها معقول ولكن مش زى اللانوس
الدواسات جنب بعض جدا فكرتنى بأيام السيات :) هههههههههههههه
موتورها هادى اه بس مش ميزه تخليك تشتريها
ضيقه جداااااااااا وخصوصا من ورا
ولو حبيت ترجع كرسى السائق يبقى انسى حد يقعد وراك
وغير ان الكنبه الى ورا مش تشيل 3 مستريح اللانوس تشيل

على فكره العربيه مش وحشه ولا انا بعيب فيها هى افضل من عربيات كتييييييييييييير جدا فى السوق بس لو دخلت فى مقارنه مع اللانوس اللانوس تكسب بتفوق كمان

**sherifbmw** · 28-03-2011 11:15 AM

مفيش وجه مقارنة بين العربيتين الانوس عربيه الشقاء و المعارك والخدمات الشاقة وتكيف تلاجه انما الكيلو بتاعت لف تحت البيت بعد المغرب ومهما تشتريها رخيصه لازم تبيعها ارخص