انا استغرب من المشككين
اللي يقولك هما يتكلموا باسم مين او انت بتتكلم باسم مين و و
الموضوع بسيط اللي بيتكلم باسم الثورة يبقى يتكلم باسم الشعب المصري لان الشعب المصري يريد التغيير وتغيير النظام بكل ما تعنيه الكلمة من معنى
واللي معترض هو شخص تخلف عن قطار الثورة يبقى يتكلم باسمه بس ومش من حقه انه يقول للي يتكلم باسم الثورة انت مين وكلك ؟ لان هذا المعترض فقد الشرعية الثورية الشعبية واصبح خارج حسابات التغيير التي تتم في البلد مثله مثل لاعب كرة معتزل يريد ان يوقف مسابقة الدوري لانه اعتزل اللعب
هو شخص مش عايز تغيير في البلد يبقى يخليه زي ما هو معتزل ويسيب الرجالة تتكلم وتتناقش وميشورش عليهم
واللي يقولك كل شوية ان لو تكون مجلس رئاسي باربعة مدنيين هيتخانقوا واللي يبشرنا بحرب اهلية......... اقول له انت لسه بتحلم
لان الموضوع جاهز خلاص وبالنسبة للقاعدة الجماهيرية مش هتختلف طالما الاربعة بيمثلوا الثورة لو اثنين مفيش اختلاف ولو واحد مفيش اختلاف لان الاختلاف وفرق تسد هو مجرد احلامكم واوهامكم انتم فقط
عارفين ليه مش هيحصل اختلاف لان كل القوى الوطنية قررت الاتحاد لغاية الوصول الى الهدف المتفقين عليه وبعدها كل واحد يشق طريقه مع نفسه يعني حتى زمن الاختلاف متفق عليه
ائتلاف الثورة ركب خلاص وهو المتحدث الرسمي باسم الشعب انتهت وحسمت القيادة
الائتلاف ده خطط واتحرك واجتهد وتلقى الرصاص بصدورة العارية وسالت دماءه على الرصيف وقاد الامه الى التغيير
خلاص تبلورت القيادات زي ما يقولوا
اي ثورة لابد ان تفرز قياده تكون عصارتها ولا توجد ثورة عامة الى الابد
اللي في الوجه الى الان هم شباب المنتمين الى قياداتهم
واللي في الخلفية الناس العتاول
واجتماع الائتلاف منعقد باستمرار
حتى الاحزاب انضمت الى الائتلاف واصبحت جزء منه . .. الوفد والكرامة والتجمع والغد والمستقلين
ممثلون :
شباب الإخوان المسلمين
شباب حركة العدالة والحرية
شباب 6 أبريل
شباب الحملة الشعبية لدعم البرادعى
شباب الجمعية الوطنية للتغيير
شباب حزب الكرامة
شباب حزب الوفد
شباب حزب الغد
شباب حزب التجمع
شباب مستقلين
مدونين وناشطين
Welcome to Facebook - Log In, Sign Up or Learn More