الموضوع: متظاهرو التحرير يحددون مطالبهم فى بيان اليوم لانهاء الاعتصام بالميدان

مش ممكن لازم الاعضاء تتعامل بحكمه
وكل واحد حر فى رايه

وليس لاحد سلطة تمنعه عن قمع راى اى مواطن

المشاركة الأصلية كتبت بواسطة dr-mohamed

دي حجة الضعيف ان يسفه من رايك او يهاجمك شخصيا لانه ليست لديه القدرة على ان يرد عليك الحجة بالحجة
ولو وقع في الفخ وقارعك الحجة بالحجة وبينت عدم صواب خطأه يصمت وبعد يومين يفتح موضوع جديد يناقش فيه نفس المسئلة وكأنها لم تبحث من قبل ويتبين خطأ ما يدعيه
واه فيه ناس بتتكلم دلوقت على اساس ان معاهم توكيل من الشعب المصري كله بالتحدث باسمهم
والغريب انهم بيقولوا اجلوا الانتخابات ليه لان لو تمت الانتخابات دلوقت اللى هايفوز الاخوان وبقايا الحزب الوطني
هم الاخوان وبقايا الحزب الوطني دول من اسرائيل ؟
ولو هما دول اللى هيفوزوا بالانتخابات يبقي هما فعلا اللى بيمثلوا الشعب المصري مش اللى بيتكلموا دلوقت باسمه
ويقولك طب اجل الانتخابات علشان نوعي الشعب المصري ونعطيه ثقافة الديمقراطية ؟
يا نهار اسود يعني هي الملايين اللى خرجت دي كانت ناقصة وعي وانتم في ال6 شهور هاتعلموهم الديمقراطية ؟
وطبعا عندهم الديمقراطية بالطريقة دي انهم هما اللى ينجحوا في الانتخابات
يعني في النهاية الهدف كرسي الحكم
لا يختلفوا عن النظام السابق في شئ

المشاركة الأصلية كتبت بواسطة wael17

حضرتك بتقول طلبتنا و مصلحتنا...طب ممكن اسال حضرتك بتتكلم باسم من؟
كلامك صح لما كانت الناس متفقة علي المطالب و في الحالة دي لو اي حد قال طلباتنا و مصلحتنا ماحدش هايتكلم
لكن نيجي دلوقتي تقول طلباتنا و مصلحتنا؟ حضرتك بتتكلم بالنيابة عني مثلا؟

لو جينا لشفيق هتلاقي تقريبا نص الناس مع انه يتشال و نص الناس عايزة يستنا في المرحلة الانتقالية
لو جينا لحكاية استبدال المجلس العسكري بمجلس مدني غير منتخب اعتقد 80% او 90% ضد الكلام ده

المشاركة الأصلية كتبت بواسطة abf-nassar

يا اساتذة لو هنتكلم عن طلبات الثورة يبقي نقطة نظام ونبدأ من اول السطر
المباديء الاساسية اللي قامت عليها الثورة في الاساس هي
عيش - حرية - عدالة اجتماعية
يعني دي المباديء الاساسية اللي المفروض ان الشعب اجمع عليها وقام علي اساسها سواء من بدايتها يوم 25 او انضمام الناس ليها يوم 28
اضيف عليها بعد كده الشعب يريد اسقاط النظام
ولكن المبادي الاساسية هي اللي المفروض تحكم تصرف الناس اللي اجمعت عليها
لو بصينا للمبدأ الاول - العيش -
الوضع الحالي انهيار اقتصادي بشكل مريع في كل المجالات يعني العيش اللي كنا بنطالب بيه لصالح الجميع اصبح بعيد المنال عن كثيرين من الشعب
المبدأ الثاني - الحرية -
اصبحت حرية البلطجية في الاعتداء علي الشعب
وحرية المخالفين للقانون بكافة مجالاته سواء مرور او بناء او اداب او اي فرع اخر
المبدأ الثالث العدالة الاجتماعية
لاحديث عنها الان في ظل انعدام الخيارات الاقتصادية لتحقيق تلك العدالة
عارف ان هيجي رد بأن هذه الخسائر تحدث في الثورات
ارد ماهو فكر المجموعات التي نصبت من نفسها متحدثين باسم الثورة لتحقيق مبادئها الاساسية
ماهي البرامج التي سوف تحقق تلك المباديء
ماهي الخطوات لتحقيق الامن التي خطاها المتحدثين باسم الثورة
الاجابة لايوجد
انحصرت كل المطالب في اسقاط النظام ورموزه 000وسقط النظام ورموزه
الجيش ميحكمش اكتر من سته شهور 00 خرج الجيش واكد علي انه لن يحكم
اجراء الانتخابات بسرعة لاستلام حكومة مدنية ووافق الجيش وجاري العمل
وتعديل الدستور لياتي رئيس جديد يعدل الدستور بالكامل بعد ذلك وجاري التعديل
اقالة جميع الوزراء القدامي في الحكومة الحالية 000 وتم
بدأت مطالب جديدة باسقاط كل من كان له علاقه بالنظام -- رغم ان الشعب المصري بكل وظائفه له علاقة بالنظام
ومطالب اخري بأن الجيش يشكل مجلس رئاسي مدني ( سوف يختلف الجميع علي اعضاء المجلس )
شيلو شفيق وكل الوزارة الحالية
حاكموا السابقين
شيلو رؤساء تحرير الصحف
مطالب 0000 مطالب
فين بقي المباديء الاساسية اللي خرج الشعب كله علي اساسها
لايوجد بدأت الشماعات 0000 علق علي شماعة الشرطة 0000 تبدأ الشرطة بالنزول 000 الناس تضربها في الشارع
الجيش يقبض علي بلطجية 0000 فضيحة علي النت ومطلوب توضيح
الناس عايزه تحقق استقرار لتحقيق الحد الادني من المبدأ الاول وهو العيش 000 لا الناس لازم تموت من الجوع وولادها ميلاقوش ياكلوا علشان يحسوا بطعم الحرية -- وده اقل تضحية ممكن يقدمها الناس للثورة انهم يجوعوا عيالهم
دا مجرد احساس الناس بالخطر علي اطفالهم من نزول المدارس عمل فزع وكل واحد عنده استعداد يقتل اي شخص يقرب من ابنه
يبقي الناس ممكن تضحي بتجويع عيالها من اجل الثورة
للاسف لو استمر الحال علي ما هو عليه يبقي عليه العوض في الثورة ومكاسبها لان الناس هتنقلب ضدها وهتبقي الثورة المضادة اللي الناس عاملها لبانة جايه من الثوار انفسهم مش من اتباع الوطني او من مؤيده مبارك زي مابيقولو

المشاركة الأصلية كتبت بواسطة wael17

انا كتبت ان هاطلب من الادارة تغيره عشان الناس تسيب العنوان و تهتم بالخبر
و فعلا الادارة غيرته بعد شوية
انا مش شايف العنوان غلط و اعتقد ناس كتير موافقة علي كلامي
حضرتك شايف العنوان غلط...حقك و رأيك يحترم..... بس المشكلة اني لما باحترم اراء الناس الاقي الناس دي مش محترمة راي و بتتكلم معايا زي ما اكون انا عدو الثورة الأول
رغم اني رأي الشخصي ان الناس اللي عايزة تشيل حكومة شفيق و تزيح المجلس العسكري و تجيب بداله مجلس مدني هم دول الي اعداء الثورة اللي هيدمروها و يخلوها تفقد الدعم الشعبي و تتحول علي صراع علي من يكون موجود في المجلس الرئاسي

بأي حق تحاول مجموعة لا تمثل الا نفسها فرض اربعة مدنيين لحكم الشعب بدون انتخابات و فتح الباب للتناحر علي السلطة و انقسام الناس و ازاحة المجلس العسكري الذي يحظي بثقة و احترام غالبية الشعب

و علي فكرة الردود الانفعالية العصبية من ناس كثير علي كلام المعارضين لاستمرار الاعتصامات بتأكد ان في اهداف ورا اللي بيحصل و في محاولة لاسكات المعارضين....شوية يقولك دول اعداء الثورة (زي ما تكون الثورة مكتوبة باسمهم) و شوية يقولك تجاهلوهم وما تردوش عليهم

المشاركة الأصلية كتبت بواسطة wael17

استاذ هشام حضرتك وضحت نقطة مهمة جدا ناس كتير مش بتاخد بالها منها

في انقسام كبير في رأي الشعب حسب الفئات العمرية...زي ما حضرتك قلت الفئات الاصغر سنا بصورة عامة مع الثورة حتي لو بدون هدف واضح و مع زيادة المطالب حتي لو غير ممكنة و هتؤدي لعدم الاستقرار بينما الفئات الاكبر سنا تميل الي الاعتدال و الاستقرار و الحفاظ علي مكتسبات الثورة و عدم السماح لاي مجموعة او فصيل بركوب الموجة و احتكار الثورة و التحدث باسم الشعب و طبعا في اسثناءات كتير بس انا باقول بصورة عامة عشان ما يجيش حد يقولي انا عندي 80 سنة و عايز اشيل حكومة شفيق و المجلس العسكري

المشكلة التانية ان الفئة الاصغر صوتها اعلي بكتير و ده ناتح عن انها بتستخدم الانترنت بصورة اكبر بكتير من الفئات الاكبر سنا

يعني ممكن واحد عنده 16 سنة يعمل جروب و يجمع ناس و تلاقي مصراوي بيتكلم عليه و يطلعلك بيان يقولك انا هاعتصم لحد ما فلان يتشال او دخل قناة السويس يبقي بالدولار و صوته يوصل و الناس تحس انه بيتكلم باسم الثورة رغم انه فرد واحد

و ممكن 100 واحد معارضين لاستمرار الاعتصام و كرهوا حاجة اسمها مظاهرات يفضلوا يتكلموا بينهم و بيين بعد في البيوت و في الشغل و ماحدش يسمع صوتهم

التحالف المصري يستنكر استبعاد المرأة من الترشُح لرئاسة الجمهورية

ط§ظ„طھط.ط§ظ„ظپ ط§ظ„ظ…طµط±ظٹ ظٹط³طھظ†ظƒط± ط§ط³طھط¨ط¹ط§ط¯ ط§ظ„ظ…ط±ط£ط© ظ…ظ† ط§ظ„طھط±ط´ظڈط. ظ„ط±ط¦ط§ط³ط© ط§ظ„ط¬ظ…ظ‡ظˆط±ظٹط©

لا تعليق!

المشاركة الأصلية كتبت بواسطة wael17

التحالف المصري يستنكر استبعاد المرأة من الترشُح لرئاسة الجمهورية

ط§ظ„طھط.ط§ظ„ظپ ط§ظ„ظ…طµط±ظٹ ظٹط³طھظ†ظƒط± ط§ط³طھط¨ط¹ط§ط¯ ط§ظ„ظ…ط±ط£ط© ظ…ظ† ط§ظ„طھط±ط´ظڈط. ظ„ط±ط¦ط§ط³ط© ط§ظ„ط¬ظ…ظ‡ظˆط±ظٹط©

لا تعليق!

فاهمين غلط
التعديل يقول "وألا يكون متزوجا من غير مصري"
يبدو أنهم أخذوا معلوماتهم من الجرائد