الموضوع: أحمد شفيق...وبالعقل كده ............. ما له وما عليه

المشاركة الأصلية كتبت بواسطة a.saad

على فكرة
هتقرا كتير من الكلام ده
ولو جبت مرجع اجنبى
ممكن تلاقى ان مصر اتهزمت فى حرب 73
ومش تريقة
الكلام ده انا قريته
موضوع الضربة الجوية
اعرف حاجة
ان لو مفيش طيران لينا
ولو مفيش دفاع جوى
يبقى قواتك تباد من اول يوم
لانها 67 تانية
9-
الجنزورى مكنش نضيف
الفرق ان الفساد فى عهده كان مستتر

يا حاج احمد
محمد حسنين هيكل بنفسه كان حاضر وموجود في السطلة وقال نفس الكلام ده
ومع كامل احترامي مش معقولة هنكدب الناس اللي شهدت الموضوع بنفسها ونصدق كلام حد تاني
يعني مش منطق بجد
ثانيا انا فيه حرب دلووقتي
هتكلم مع سامي عنان رئيس الأركان ولا هتكلم مع رئيس القوات الجوية فقط
المقصد ان كان فيه رئيس اركان اسمه الشاذلي وبشهادة الكثير حتى ممكن حضروا ايامها ان الشاذلي كان كل حاجه
مسألة ان يطلع في الحرب 8 طائرات فقط في العبور وتقولي جوات جوية
محمد حسين هيكل قالك ان السادات اصر يطلعوا ويعمل دور للقوات الجوية علشان روحهم المعنوية ترتفع من بعد النكسة
اخو السادات اللي طلع في الطائرة ومات معملناش له مقارنة بما عملناه للحسني مبارك اي حاجه تقارن اساسا

اما موضوع الجنزوري
فمحمود صبرة امبارح في الحياة اليوم وده كان في مكتب الرئيس ادى مثال لكيفية اختيار الرئيس للوزراء ولما سأل ايه اللي مكنش بيعجبه في الوزراء قالك انه يبقى معتز بنفسه واعطى مثال للجنزوري بانه اتشال لنه كان معتز بنفسه وكان عاوز يشيل صفوت الشريف وبطرس غالي من الوزراة

المشاركة الأصلية كتبت بواسطة أبو عبدالله

[center][b]
1-نظافة يده حيث الى الان لم تثر اى شبهات حوله

2-خبرته العسكرية فأصبح يحمل بين احترام العسكر والمدنيين والخبرة العسكرية والمدنية

3-تجربته الرائدة فى شركة مصر للطيران حيث حولها من شركة خاسرة الى شركة رابحة

4-أسلوبه الهادئ فى معالجة الأمور

5-لا نريد أن نعترض للاعتراض ولكن يجب اعطائه فرصة ثم تقييم ادائه لاحقا
-------------------------------------------------------------------------------------------------------------------------------------------------
>>>>>>>>-عيوب أحمد شفيق كرئيس وزراء لمصر والتى تجعل الأطاحة بحكومته ضرورة ملحة كما سمعتها من معارضيه:

1- الثورة قامت لإسقاط نظام بأكمله وأى ثورة ناجحة فى العالم تقوم على تغيير النظام القديم بأكمله وإحضار نظام جديد تماما بغض النظر عن ماهية هذا النظام

دا فى اى ثورة طبيعية لكن الثورة المصرية قامت بدون قائد بدون فكر محدد بالعكس كان فيه ناس كتير مكنتش متوقعة ان فيه حاجة حتحصل والمطالب الاولى مكنش فيها اسقاط النظام واحنا مش حنستفاد حاجة لو شيلنا كل النظام القديم من غير ميكون فيه بديل
اذا كان مرشح الرئاسة مش مجمعين على حد معين يبقى متوقع ان احنا حنجمع على وزارة بحالها
ومش لازم احصل على كل مكاسب الثورة مرة واحدة واشيل نظام واحط نظام لكن اشيل بالتدريج واضيف بالتدريج علشان ميضعش استقرار البلد


2-تعيين أحمد شفيق أتى فى وقت كان الرئيس المخلوع محمد حسنى مبارك فقد فيه شرعيته وقامت شرعية جديدة هى الشرعية الثورية شرعية الشعب
خاصة بعد الجرائم اللى ارتكبها ضد شعبه فاصبح حكمه باطل فبالتالى أى قرار خده من تاريخ 25 هو قرار باطل ومنها تعيين أحمد شفيق

الجيش كله متعين فى عهد حسنى مبارك وموالى له لكن مبنقلش عنه حاجة يبقى المفروض الجيش يسقط شرعيته
بس اللى خلانا نحب الجيش انه التزم الحياد وساب الثوار من غير ميتعرض ليهم
احمد شفيق دا واحد بين يوم وليلة لقى نفسه رئيس وزراء بدون اى استعداد نهائى ازاى نطلب منه انه يعدل ويصلح فساد 30 سنة فى اسبوعين

3-انتماؤه للحزب الوطنى الذى ضم خلال الثلاثون عاما السابقة والذى ضم وجوها أمعنت فى إذلال الشعب المصرى ومارست جميع أنواع السرقة والاحتيال

حضرتك رضيت عليها بنفسك فى مميزاته انه عرف بنزاهة اليد يبقى مفيش داعى اخد اشيل واحد كويس عشان كان فى حكومة فاسدة
وبعدين حتى لو كان يقدر يتكلم ايه اللى كان ممكن يعمله فرد واحد قصاد منظومة فساد متكاملة بلاش نحمل الناس فوق ما تستطيع
اللى كان بيقول اى حاجة كان بيروح ورا الشمش وبعدين الراجل فضل انه ينهض بالطيران بعد ماكانت بتخسر بدل ماكان يقعد يتكلم عن الفساد يعنى هو طلع عملى قدر يصلح اللى يقدر عليه


والتزوير خلال عقود أمثال صفوت الشريف ومفيد شهاب و أحمد عز وأحمد أبو الغيط ولم يتحدث أو يمانع ولم يكشف الفساد المستشرى داخل الحزب رغم أنه

نفس الرد السابق


يزعم أن أولويات حكومته محاربة الفساد ولم يكن يتكلم أصلا عن الفساد بل كان عضوا مستأنسا

نفس الرد السابق


4-علاقته المشبوهة بالرئيس حسنى مبارك فلم يكن رجلا عاديا فى نظامه بل كان دائما يقول أنه تلميذ مبارك وهذا بغض النظر عن علاقة القرابة بينهما وكلنا نعرف من هو مبارك الذى مات فى عهده الاف
نتيجة الاهمال فى القطارات والعبارات وعلى السواحل الاوروبية وانتشرت الامراض كالسرطانات والكبد وانتشلا الفساد وسرقت المليارات وتحوم الشبهات حول
مبارك نفسه وانتقصت الحريات وسحل المواطنون وعذبوا واطلق عليهم الرصاص الحى فما بالكم بتلميذه وقريبه

وايه اللى كان يقدر يعمله مثلا؟؟؟؟؟؟


5-أنه رجل عسكرى والحكم العسكرى هو السبب فى الديكتاتورية التى نغرق فيها منذ ستون عاما والثورة قامت لتطالب بحكم مدنى بالأساس فكيف يحكمنا مجلس

الراجل محطوط عشان يسير الاعمال يعنى فترة مؤقتة وماشى والراجل حتى الان لم يحكمنا باى طريقة عسكرية


عسكرى ومعه رئيس حكومة عسكرية ومحافظين عسكريين ورؤساء مجالس المدن للصدفة البحتة عسكريين برضه وبيقوللنا ان الحكم هيبقى مدنى

مؤقتة


6-الكذب المستمر فى تصريحاته المتناقضة والتى سنتناولها بالتفصيل لاحقا ولكن الان سنذكر تصريحاته الخاصة بتشكيل الحكومة وله تصريحان فى ذلك
الأول:فى اول ايامه ساله مذيع قناة الحياة عن النسبة المئوية لعدد الوزراء الذين اختارهم فى الحكومة قال 95% وقال ان منهم محمود وجدى وزير الداخلية!!!

ممكن نطالب بتغيير محمود وجدى بالرغم من انه مؤقت برضه يعنى الاولى دلوقتى انه ينزل الشرطة ونطالبه بكده لان لما يكون فيه استقرار شوية حيسهل البحث عن من قاموا بقتل الشباب


الثانى:مؤخرا اعترف انه قيل له ان الحكومة تنقسم الى ثلاث انواع الاول معين من اعلى وليس له علاقة به الثانى عين بالواسطة والثالث له حق اختياره!!!

بس لاحظنا دلوقتى ان حسنى مبارك وعيلته كل اموالهم ممنوع التصرف فيها وحبيب ابتدوا يبحثوا معاه عن الثورة بالاضافة الى غسيل الاموال
يعنى خط الايجابيات بيمشى وبيتحرك حلو برضهفى وسط ظروف الفوضى اللى احنا فيها دى

• >>-فى حالة اذا كان تصريحه الاول صادقا فالشعب المصرى لا يقبل رئيس وزراء يختار وزراء من نوعية أحمد أبو الغيط الذى قال عن الثوار أنهم مغامرون

ومفيد شهاب ترزى القوانين وممدوح مرعى الذى صرح بأنه سيحول نوادى القضاة الى مقاهى وسامح فهمى الذى عاث فى قطاع البترول فسادا وعائشة عبد الهادى
الحاصلة على الاعدادية فقط والتى لم تنجح سوى فى تقبيل يد سوزان مبارك وتصدير الخدامات وأنس الفقى أبى ابن سلول العصر الحديث وراس النفاق فى النظام
السابق وقائد أكبر حملة لتشويه الثوار من القلة المندسة الى العملاء الى الاجندات الى كنتاكى والقائمة تطول ...واخيرا محمود وجدى الذى خرج ليبرر لنا انهيار

اغلبهم دلوقتى مستجوبين امام النائب العام وبعدين اغلب النظام دلوقتى مش حيقدر يعمل زى اللى كان بيعمله زمان بعد ماكتير منهم دخل السجن


الشرطة وفشلها فى قمع المتظاهرين ولم يكلف نفسه باعتذار واحد عن مئات القتلى ....لذلك خروجه من دائرة الحكم أصبح حتميا لأنه بهذه الاختيارات سيدمر
مستقبل مصر

انا يهمنى اكتر انه يجيب مين المتسبب فى الفوضى دى عن انه يعتذر دلوقتى
اقوى اعتذار انه يحاكم المسؤلين

• >>-فى حالة التصريح الثانى ففى بلد فى حجم مصر ووزنها الاقليمى عندما يكون لها ريس وزراء لا يملك من أمره شيئا ويكون مسخر ويملى عليه ما يفعله

فإن خروجه من دائرة الحكم أصبح ضروريا كذلك لاتاحة الفرصة لرجل حقيقي يستطيع ادارة البلد فى هذه المرحلة الحرجة.

؟؟؟؟؟؟؟
7-معاداته المستمرة للثورة من اول ايامه وقد وضحت فى تصريحاته المختلفة مثل:
-دى فورة
-اسطوانةالأجندات
-هجيبلهم بنبونى وعصير ونعملها هايد بارك >>>واللى رجع بمنتهى البرود فسره انه قصده بعد نجاح الثورة وهو ما يتعارض مع تصريحه التالى
-مبارك لن يتنحى!!>>ممكن كان قصده هيتخلى مثلا؟!!

معاك فى دى فعلا بس مش دى اللى حتكون السبب انى اقول شيلوه من غير منعرف حنجيب مين بداله

8-الرجل لا يتوقف عن الكذب المستمر فى تصريحاته وعلى سبيل المثال ما أوردناه فى النقطتين السابقتين وما نورده الان:

• -تصريحه بأن حماية أمن المتظاهرين شئ أساسى وأن محدش هيمسهم بسوء وده على رقبته>>>>بعدها هجموا بالحمير على التحرير:dأصلا لو هو بيحترم نفسه دى فضيحة المفروض يستقيل بعدها
• -تصريحه بعدها انه مكنش يعرف(ولو كان صادق فدى مصيبة)>>>>فى نفس المؤتمر الصحفى قال انه كان متابع مع الشباب اللى هناك ومن بالليل^_^
  
  طب ماحنا عرفنا ان النظام السابق واعوانه هما اللى عملوا كده اى حد يطلع تصريح بانه الثوار فى مامن من اى اعتداء اكيد مش حيكون بنسبة 100% فى وسط انفلات السيطرة والامن
  
  
• -تصريحه انه هينزل التحرير بنفسه>>>حد شاف طلته البهية هناك؟
  
  وايه اللى يفيدنا لو نزل
  
  
• -تصريحه بأن المواطن لا يستطيع العيش معيشة كريمة بأقل من ثلاثة الاف جنيه ولكن لا توجد موارد لتدبير هذا المبلغ>>>طبعا كلنا عرفنا مليارات الدولارات اللى اتسرقت
  
  ايه علاقة دا بان شفيق مينفعش
  
  ابقى اكمل الرد على بقية النقط بعدين عشان انا تعبت
  
  
• واللى تخلى مرتب افقر واحد خمستلاف جنيه لكن نقول ايه بقى فى الفساد اللى سيادة الوزير صرح ان محاربته من اولويات حكومته..أظن النغمة دى بقت مفضوحة أوى.
• -تصريحه بأن مصر فى عنق الزجاجة وذلك بسبب التعداد السكانى>>>راجع السطر السابق ..والله لولا التعداد ده لكان الامن هرسنا.
• -فى كل تصريحاته يقول السيد الرئيس ولا يقول حتى السابق>>>وهذا استهزاء خطير بالثورة ونتائجها
• تصريحاته الأشهر على الإطلاق لم أكن أعرف..ليس عندى علم بهذا ودى سياسة دفن الرؤوس فى الرمال عشان ميوقعش نفسه فى غلط يتمسك عليه وده يدل على عدم تحمل مسئوليته واكبر دليل على ده تصرفه مع مذيعة السى ان ان لما احرجته على الرابط ده youtube - ‫ط´ط§ظ‡ط¯ ظ…ط§ط°ط§ ظپط¹ظ„ ط£ط.ظ…ط¯ ط´ظپظٹظ‚ ط¹ظ†ط¯ظ…ط§ ط£ط.ط±ط¬طھظ‡ ظ…ط°ظٹط¹ط© ط³ظٹ.ط§ظ†.ط§ظ†طں‬‎

8-البطأ الشديد فى إدارة الأزمة وعدم التعايش مع الواقع وفهمه بدليل الفاسدين لسه فى أماكنهم اللى بياخدوا مرتبات فلكية لسه بياخدوها فشل فى احتواء الثورة
فشل فى تلطيف حدة المظاهرات الفئوية وعدم تواصل معها ومؤخرا فشله الذريع فى حل أزمة المصريين العالقين فى ليبيا وكل ما فعله أن صرح بصعوبة إنقاذهم وأغلق السفارات فى وجههم.

9- كلنا رأينا ما حدث للشرفاء من إقصاء أمثال كمال الجنزورى وحسب الله الكفراوى فعندما يأتى رجل من نظام فاسد ويبقى فبالتأكيد ده مش دلالة على شرفه يعنى.

10-النجاح الذى نسمع عنه فى ادارة مصر للطيران وهو نجاح نظرى فلا هى وصلت لمستوى قطر او الامارات فى الطيران ولا ندرى ما مقياس هذا النجاح والذى لا يعنى باى حال من الاحوال نجاحه فى ادارة مصر فبكل تاكيد مصر تختلف عن مصر للطيران
ومؤخرا اصدرت مجلة امريكية تقريرا عن اسوا عشر شركاات طيران على مستوى العالم وكان هذا ترتيب مصر
http://www.shorouknews.com/.......data.aspx?id=398414

11-الرجل تحوم حوله من الشكوك ما تجعلنا نستغنى عنه فى هذه المرحلة التى لا تحتمل أنصاف الرجال
--------------------------------------------------------------------------------------------------------------------------------------------------
رأى خاص حول أحمد شفيق:
من الممكن أن يكون أحمد شفيق أعظم رجال عصره ومن الممكن أن يكون أكثرهم شرا

• فى الحالتين هل عجزت مصر عن إنجاب رجل يصلح لأن يكون رئيسا لوزراء مصر ولا تحوم حوله هذه الشكوك
• هل لا يوجد فى مصر من يصلح لهذا المنصب من المدنيين أم نحن فى حكم عسكرى فعلا؟
• هل كل الرجال الصالحين فى مصر من هم فوق الستين فقط>>>عمر أحمد شفيق 69عاما ..هل يحرم على مصر ان يتولى أمرها شباب يجددون دمائها
• هل كل من يصلح للحكم لابد أن يكونوا من الحزب الوطنى؟
• هل انتهى الرجال فى مصر فاتزنقنا فى راجل يكذب طول الوقت ويحكم مصر بعقلية عسكرية وبعقلية من النظام السابق تتعامل معنا بأسلوب أبوى وأسلوب نسيبهم عشان هما عارفين هما بيعملوا ايه
• ويتحدث الينا من برج عاجى ولا يحس بئالامنا ويتحرك ببطا شديد فى تغيير احوال الوطن والاستجابة لأبنائه وكلنا نرى المصريين مرمين فى ليبيا لا حول لهم ولا قوة ؟
• لو انتهى الرجال فعلا فى مصر ساعتها تحدثوا كما شئتم عن اعطائه فرصة!!!

المحاولة البائسة لترقيع الوزارة تذكرنى بشدة بالمثل القائل اللى على راسه بطحة>>خصوصا مع استخدام 14 وزير من الحزب الوطنى وأربعة فقط من باقى الفئات منهم من لا يمثل رأى الشعب من الاحزاب الصورية
مش عارف حكايتنا ايه مع الحزب الوطنى ده؟!!

أخيرا الى الاخوة القائلين كفاية لحد كده وانتوا عاوزين ايه اكتر من كده وبلاش طمع والمجلس العسكرى حلو اهو>>>
انا متاكد انكوا كنتوا بتطلعوا تتحفونا بالبقين دول بعد كل خطاب لمبارك عشان كده مش هوجهلكوا كلام اساسا لكن كلامى للناس اللى تعبت فعلا
الشعب اللى ضحى بمئات الشهداء والاف الجرحى وبات تمنتاشر يوم فى الشارع يستحق اكتر من كده بكتير وعلى قد التضحية بتكون النتيجة
مش بعد التضحية دى كلها يكون نتيجتنا حكومة حزب وطنى وفرعون جديد!!




منقووووووووووووووووووول

ايه التناقض العجيب دا
يعنى اللى كتب المقالة دى قال نديله فرصة وبعدين قال لازم نشيله
والرد داخل الاقتباس
[overline][/overline]

أولا نحن لسنا بصدد تقييم حرب أكتوبر لأن ممكن فى الأخر نطلع بإننا انهزمنا فى حرب 73. لكن ألا يعنى شيئا اختيار السادات لمبارك من بين قادة الحرب كنائب له؟ ألا يعنى شيئا أن سعد الدين الشاذلى طلب الإنسحاب من الحرب بعد الثغرة وطلب مبارك تطوير الهجوم؟ ألا يعنى لوأجيب طلب الشاذلى بالانسحاب وقيام اسرائيل وامريكا بهجوم مضاد علينا أن اليهود كان زمنهم قاعدين فى الدلتا دلوقت؟
وياريت اللى بيسمع لهيكل يجيبه كده من أول عبد الناصر لغاية مبارك وهوا يفكر ألف مرة فى كلامه قبل مايصدقه!

---------------------------------------

كل اللى فات ده ليس له أى علاقة بالفساد والإجرام اللى كان فى عهد مبارك وسواء كان مسك رشاش وحارب بيه أو قعد فى بيته يسمع أخبار الحرب من الراديو ده لا يؤثر نهائيا فى الفساد والسرقة اللى عشناها وعاصرناها بنفسنا خصوصا فى أخر 15 سنة فى حكمه فترديد كلام هيكل ملوش لازمة وفيه تشويه لإنجازنا العسكرى مش لمبارك.
---------------------------

أما بالنسبة لشفيق فعلى الرغم من رغبتى الشخصية فى بقائه لكن والله أنا نفسى انه هوا من نفسه يقدم استقالته ويمشى علشان نخلص من مسمار جحا ده ونشوف أخرتها إيه لأن الواحد والله تعب وزهق من اللى بيحصل دلوقتى