أنا جبت لانسر جديدة بس عندي مشكلة

**affosah** · 06-04-2008 06:17 PM

أولا أحب أشكر المنتدى الجميل ده وكل الناس اللي فيه
والحمدلله جبت عربية لانسر 2008 1600 خليجي سبور الشكل القديم من الكويت إستلمتها يوم 27-3-2008
وأول ما إستلمتها رحت ضبطتها من فرش جديد وجهاز إنذار وخلافه

بس في مشكلة لاحظتها وأتمنى حد ينصحني

أنا ملاحظ في التابلوة في لمبة منورة عندي على طول وهي لمبة SRS
ولما قريت الكتالوج إكتشفت إنها لمبة تحذير علشان الايرباجز والمفروض ما تنورش خالص

انا مش عارف هل كده خطر أمشي بيها ؟
وأعمل ايه علشان تتزبط؟
في واحد قللي أكيد لما ركبت جهاز الانذار في حاجة حصلت للكود بتاع الايرباج وقللي جرب افصل سلك البطارية ورجعة تاني
بس بصراحة خايف اعمل الموضوع ده

مستني ردركم

**hfekry** · 06-04-2008 06:27 PM

بص مبدئيا كده مافيش مشكلة لو شلت كابل البطارية وركبته تانى . انما تاخد بالك لو الكاسيت ليه كود سرى لازم تكون عارف الكود ده

رأى تسأل فى التوكيل أحسن . أو تستنى لما المهندس طارق (مصرواى جدا) يرد عليك .
ربنا يديك خيرها ويكفيك شرها .
معلش سؤال : كماليتها ايه؟ وسعرها كام ؟
ومستنيين تقييمك بقى

**affosah** · 06-04-2008 10:58 PM

شكرا على الرد وانا حجرب أفصل البطارية

وأنا منتظر رد الباشمهندس طارق!!!!

بالنسبة لكماليات العربية هي أوتوماتيك
2 ايرباجز
abs
الاكر نيكل
عتبات واكصدامات سبور كامل
5 جنوط سبور
سبويلير
فتحة سقف
فوجلايت
فوانيس شفافة
فتيس وطارة جلد
6 سي دي تشينجر الاصلي
كاسيت ميتسوبيشي مع ايريال سقف

ياريت حد ينصحني أعمل ايه بموضوع SRS ده؟

تحياتي للجميع

**د-احمد عبد اللطيف** · 06-04-2008 11:26 PM

SRS يعني ان دائرة الوسائد الهوائيه فيها مشكله

ممكن يكون اثناء تركيب الفرش تم فصل فيشه لحزام الامان الامامي او فيشه من Crash sensor يجب فحصها في التوكيل لانها تحتاج كمبيوتر خاص
رجاء لا تلعب في التوصيلات لان ذلك ممكن يؤدي الى فتح الايرباج

**ramyso4** · 06-04-2008 11:44 PM

أنا معرفش فل لانسر قوي بس حقلك الأعرفو إن فيه عربيات إنت بتتحكم ف انك عايز تسيب ال-airbag بتاعة الراكب جنبك جاهزة للفتح ولا لأ ود بيبقى بمفتاح العربية تفتح به فل مكان البين جنب التبلوه وال باب ذي الفل صورة دي عل يمين خالصص معلش مش واضح أوي

**mohamed ibiza** · 06-04-2008 11:52 PM

افضل حل الرجوع للتوكيل بلاش لعب مع الايرباجز عشان فيها خطورة..................

Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zaaaaaaaaaaaaaaaaaaaaaaaa For Ever

**bemocarlo** · 07-04-2008 03:15 AM

?You did nt tell us how much is the car

**mahamedaraby** · 07-04-2008 03:28 AM

هو التوكيل شغال فى الخليجى عادى ؟

**أبو_حمزة** · 07-04-2008 09:57 AM

التوكيل بيعمل كل الصيانات للخليجى عادى بص بتدفع لأن الضمان مش تبعه
كده كده ها تدفع لأن لعطل مش عيب صناعة و ناتج عن شغل اتعمل
و ان شاء الله بسيطة

**مصراوي جدا** · 07-04-2008 11:53 AM

أولا مبروك العربية الجديدة ..

بالرجوع للمختصين في التوكيل الحمد لله المشكلة بسيطة وسببها تركيب الانذار عمل شورت في لمبة الايرباج ، وحلها توصيل العربية على وحدة الكمبيوتر (تحليل الأعطال بالسيارة) الموجودة بمراكز خدمة التوكيل

حضرتك شرفنا في قليوب أو لو تحب تروح فرع جسر السويس أقرب لك وتتعمل علطول باذن الله

وسألت لك على التكلفة حوالي 120 جنيه