إستفسار عن سعر ماتريكس بحالة شاذة فعلا.....

السادة أعضاء هيونداى المحترمين
أرجو المساعدة فى تقييم سعر سيارتى الماتريكس لأنى أرغب فى عرضها للبيع قريبا و لكم جزيل الشكر مقدماّ

مواصفات السيارة
-موديل 2008 لون فضى ميتاليك أول يد من الزيرو.
-13000 كم فقط لعدم الإستعمال نهائيا.
-أتوماتيك.
-الصاج الخارجى حالة الزيرو.
-صيانة توكيل.
-السيارة لسه تحت الضمان.
-رخصة 3 سنوات مجددة من شهر فقط.
-كاسيت سى دى و سنتر و إنذار.
-بطارية فارتا ألمانى جافة جديدة.
-كاوتش بريللى أصلى.

لو الأعضاء المحترمين يساعدونى و يقولولى المفروض أطلب فيها كام؟
ألف شكر مرة أخرى.....

اعتقد بالمواصفات دى تقدر تطلب 75000

اقتباس:

---

المشاركة الأصلية كتبت بواسطة victornabil

اعتقد بالمواصفات دى تقدر تطلب 75000

---

أشكر حضرتك جدا من أجل ردك....

معلش توضيح أخر لو تسمح...فيه حد كان عامل إعلان فى وسيط إسكندرية عن واحدة 2008 عاملة 42000 كم رخصة سنة و طالب 78000 جنيه....مش عارف هل ده واقعى و لا أوفر شوية؟؟

اعتقد ان 2008 فقط تركى و طبعا سعرها 75000 مناسب

لا تصدق كل الإعلانات
هناك من يطلب في الإعلان 60 وعند التنفيذ تصل الى 55 وممكن 54 في سيارة أخري بالطبع وليس في سيارتك

انا شايف ان 75 الف مناسب جدا بس انت لازم تزود الفين عشان الفصال
يعني ممكن تعرضها على 77 بس خلى بالك لو عايز تبيع بيعها بسرعة لان الايام الجاية محدش عارف وطبعا معظم الناس دلوقتي ماجلين الشراء عشان الظروف الحالية ...كمان انت لما تعرضها هتلاقى ناس بتتكلم فى 65 وفي 70 الف فلازم تحط سعر معقول

أشكر حضراتكم جميعا من أجل أرائكم القيمة.....

انا بايع عربيتى 2007 مانيوال لون ذهبى كورى

فى اول يناير ب 67,000 جنيه

بس عدادها كان عامل فوق ال 100,000 كم بحاجه بسيطه و الصاج فابريكه بس فى شوية خدوش بسيطه و نقره فى الشنطة

و اللى اشتراها كان تاجر فضل يفاصل من 70 لحد 67 و هو اول واحد قابلنى بعتهاله

(بسم الله الذى لا يضر مع أسمه شئ فى الأرض ولا فى السماء وهو السميع العليم)

من قالها فى الصباح لا يمسه شئ حتى يمسى . ومن قالها فى المساء لا يمسه شئ حتى يصبح

انت ناوى تبيع العربية؟!

انت كنت شاريها كاملة ( فول ابوشن) ؟!!

معلش يا جماعة استفسار بس انا معروض عليا وحدة 2008 عاملة 45 الف كيلو متر فابريكة برة وجوة بس مانيوال تعمل كام على اساس انى اركبها شوية ولما افكر ابيعها ماخسرش كتير وكنت عايز اعرف هيا الزيرو بتاعها بكام

اخرها 70000 و الزيرو بتاعها النهارده ب 96000

اقتباس:

---

المشاركة الأصلية كتبت بواسطة victornabil

اخرها 70000 و الزيرو بتاعها النهارده ب 96000

---

شكرا يا باشا

معلش يا جماعة استفسار بس انا معروض عليا وحدة 2006 عاملة 70 الف كيلو متر فابريكة برة وجوة بس مانيوال تعمل كام على اساس انى اركبها شوية ولما افكر ابيعها ماخسرش كتير .ارجو المساعدة بجد لانى محتاجة العربية ضرورى بس هى حالتها معقولة قصدى مش حالة شاذة يعنى.