إستفسار عن سعر ماتريكس بحالة شاذة فعلا.....

**Hany Saad** · 01-03-2011 01:32 PM

السادة أعضاء هيونداى المحترمين
أرجو المساعدة فى تقييم سعر سيارتى الماتريكس لأنى أرغب فى عرضها للبيع قريبا و لكم جزيل الشكر مقدماّ

مواصفات السيارة
-موديل 2008 لون فضى ميتاليك أول يد من الزيرو.
-13000 كم فقط لعدم الإستعمال نهائيا.
-أتوماتيك.
-الصاج الخارجى حالة الزيرو.
-صيانة توكيل.
-السيارة لسه تحت الضمان.
-رخصة 3 سنوات مجددة من شهر فقط.
-كاسيت سى دى و سنتر و إنذار.
-بطارية فارتا ألمانى جافة جديدة.
-كاوتش بريللى أصلى.

لو الأعضاء المحترمين يساعدونى و يقولولى المفروض أطلب فيها كام؟
ألف شكر مرة أخرى.....

**Hany Saad** · 03-03-2011 07:54 PM

المشاركة الأصلية كتبت بواسطة victornabil

اعتقد بالمواصفات دى تقدر تطلب 75000

أشكر حضرتك جدا من أجل ردك....

معلش توضيح أخر لو تسمح...فيه حد كان عامل إعلان فى وسيط إسكندرية عن واحدة 2008 عاملة 42000 كم رخصة سنة و طالب 78000 جنيه....مش عارف هل ده واقعى و لا أوفر شوية؟؟

**egyptionman** · 03-03-2011 11:48 PM

لا تصدق كل الإعلانات
هناك من يطلب في الإعلان 60 وعند التنفيذ تصل الى 55 وممكن 54 في سيارة أخري بالطبع وليس في سيارتك

**walidzakzok** · 03-03-2011 11:58 PM

انا شايف ان 75 الف مناسب جدا بس انت لازم تزود الفين عشان الفصال
يعني ممكن تعرضها على 77 بس خلى بالك لو عايز تبيع بيعها بسرعة لان الايام الجاية محدش عارف وطبعا معظم الناس دلوقتي ماجلين الشراء عشان الظروف الحالية ...كمان انت لما تعرضها هتلاقى ناس بتتكلم فى 65 وفي 70 الف فلازم تحط سعر معقول

**Hany Saad** · 04-03-2011 01:03 PM

أشكر حضراتكم جميعا من أجل أرائكم القيمة.....

**hema1975** · 04-03-2011 08:33 PM

انا بايع عربيتى 2007 مانيوال لون ذهبى كورى

فى اول يناير ب 67,000 جنيه

بس عدادها كان عامل فوق ال 100,000 كم بحاجه بسيطه و الصاج فابريكه بس فى شوية خدوش بسيطه و نقره فى الشنطة

و اللى اشتراها كان تاجر فضل يفاصل من 70 لحد 67 و هو اول واحد قابلنى بعتهاله