خيري رمضان يروج للثورة المضاده

**mahfouz1983** · 01-03-2011 01:57 PM

بصراحه انا مش بطيق خيري رمضان انسان اتضح انه مش كويس نهائي

واصل خيري رمضان أحد بقايا رجال التوريث في التلفيزيون الرسمي ، واصل حملة الخديم على رجال العهد البائد ومؤسساته ، في برنامج مصر النهاردة من خلال القيام بحملة ترويع الناس وتخويفهم وإرهابهم لكي يثبت أن الأمن ضاع من بعد مبارك ولكي يضعف من الحملة المطالبة بإصلاح جهاز الشرطة ، واختلق خيري قصصا وهمية مجهلة الأشخاص عن البلطجية الذين اتسوقفوا باص مدرسة في عرض الطريق وطلبوا فدية بينما رجال الشرطة خائفين من التدخل ، وحدوتة عن ضابط شرطة تعرض لبلطجية فاعتدى عليه المواطنون وتركوا البلطجية ، وقصص أخرى من عالم ألف ليلة وليلة .
مراقبون اعتبروا أن بقاء خيري رمضان ، واستخدامه هذه الأساليب المفضوحة يكشف عن وجود لوبي قوي في الإعلام الرسمي ومجلس الوزراء مضاد للثورة ومطالبها ويحاول إجهاض أي إصلاح يطالب به الناس .

**تامر.محمد** · 01-03-2011 01:59 PM

بغض النظر عن القصص و الوقعة
مفروض الكل يكونوا عارفين كده , سواء هو او تامر امين او مشكاح و ريما

**Dojuar** · 01-03-2011 02:04 PM

مش هوا لوحده

منى الشاذلي ادلت بدلوها برضو.. سردت حادثة الباص في الجيزة بشكل تراجيدي ارعبني

**shooter123** · 01-03-2011 02:08 PM

والمصيبة بقي اني كنت لسه داخل البيت ومراتي بتتفرج عليه لانه بيكتب بابها الاسبوعي المفضل بالاهرام ومقتنعه تماما بكلامه

ولما سمعته بيقول ايه قلتلها مفيش الكلام اللي هو بيقوله ده انا لسه جاي من الشارع اهو ماشي بالعربية الناس عادي جدا جدا
وكمان في متطوعيين مدنيين لتنظيم المرور

وبعد ساعتين لقيت انتقادات لاذعه له علي النت

حاولت اقتعها لقيت نفسي بحفر في بحر فدخلت حجرة المكتب ارحم لاعصابي وللقولون العصبي

**تامر.محمد** · 01-03-2011 02:10 PM

انا من كام حاجة كده عملتهم مؤخرا فقدت ثقتي فيها , بقيت حاسس انها بتدس السم في العسل

**Egyzizo** · 01-03-2011 02:11 PM

طالما وقائع ، يبقى لا يلاموا ..

**mahfouz1983** · 01-03-2011 02:14 PM

انا اعتقد ان كل الحوادث دي كدب الكل بيقول انه سمع محدش شاف دي الثورة المضاده دا ترهيب للناس دا خوفي من الثوره المضاده عاوزين يفرضو علينا الشرطه بنفس فكرها الي مش هيتغير لازم حكومه شفيق تمشي وكل البواقي من النظام السابق وحل الحزب الواطي نهائي