-
كلمت مقار فرع المعادى و رد عليا واحد قمه فى الاخلاق بصراحه ذوق جدا
المهم قال ان كل موديل له نوع مخصوص ليه لان فى فرق فى حجم القاعده
و ده الاسعار الخاصه ب كورسا 1600 :
ال Gm الاصلى 3800
و الساندن اليابانى 1450
و الساندن السنغافورى 1000
الاسعار ده شامله خرطومين... سعر القاعده 175 .
ده بالاضافه للمصنعيه و الشحن .
-
طيب كويس انك لقيت الجي ام الاصلي اصلا..
الموديل بتاعي ملقيتش غير ساندن بس..
-
على فكرة يا بشمهندس أحمد الكباس لل 1200
موجود بوفرة فى بورسعيد... لما سألت على 1600 كلو كان بيقول لا معنديش عندى 1000 و 1200 و اعتقد الفرق بيبفى فى حجم القاعدة.
بصراحه مش فاكر السعر اللى قالوهولى بس انتظر منى رد اخر اكون عرفت الاسعار.
-
الف شكر يا باشا علي المعلومة..
طيب هاتقل عليك بقي في حاجة كمان..
ممكن تعرفلي اللي موجود هناك تمنه كام و نوعه جي ام ولا ايه..؟؟
واكون شاكر جدا لسعاتك..
وحاجة تانية مهمة للتكييف..
هل الكويل الداخلي الاصلي الجي ام بتاعها موجود و تمنه كام..
الف شكر تاني ليك يا باشا علي المساعدة..
-
معلش يا بشمهندس أحمد أسف جدا على التأخير
بص حضرتك الكباس منه هنك 1000 جنيه و ده للكورسا ال 1200 غير شامل التركيب و الشحن و نوعه جى ام هو استيراد فى مكان هناك اسمه الشونه (على ما اعتقد)
بالنسبه للكويل فبصراحه مش عارف هو ايه ده بالظبط.
عايز برده اطمن حضرتك ان تركيبه و تشغيله فى نفس اليوم يعنى مش هياخد وقت.
-
يا سلااااااااااااااااااااااا ااااااااااام..
والله فعلا جزاك الله خيرا..
افدتني افادة كبيرة جدا..
بالنسبة للكويل هو غالبا حاجة زي السربنتينة كده
غالبا يعني..
وفي برضه كويل داخلي وده انا مش عارف عنه اي حاجة..
قول يا رب كده ان شاء الله لما اركبه هافهم كل حاجة بالتفصيل..
وان شاء الله هابقي اعمل وصف شامل و موضوع وافي بعون الله..
بس انا اصلا مش هاركب التكييف دلوقتي.. ممكن اأجله شهرين مثلا ولا حاجة..
يعني هاحاول ان شاء الله اركبه قبل الصيف..
الف شكر تاني عاشور باشا..
-
فى انتظار شرحك لأنى برده مقبل على التجربه ده
بس عايز اقوم بيها بدرى علشان الصيف بقى غدار بيجى فى اى لحظه.
للأسف ملقيتش الكباس فى بورسيعيد ل 1600
فهروح مقار غالبا المعادى... بس اللى قلقنى منو موضوع الضمان ده
هل بيبقى على الكباس بس ولا دورة التكيف كلها؟
-
بيتهيألي علي الكباس لوحده..
وهما بيتمموا علي كل حاجة..
اصل دورة التكييف فيها ايه تاني..؟؟
طالما المواسير مفيهاش تسريب يبقي خلاص.. عادة مش بيبقي فيها مشاكل كتير..
Content Relevant URLs by
vBSEO 3.6.0 PL2