السلام عليكم و رحمة الله و بركاتة
انا عندى تكييف فى اوبل كورسا 94 1200cc
و الكباس بتاعه باظ و عاوز اشترى كباس تانى لو فى حد يعرف اجيبة منين
و شكرا
عرض للطباعة
السلام عليكم و رحمة الله و بركاتة
انا عندى تكييف فى اوبل كورسا 94 1200cc
و الكباس بتاعه باظ و عاوز اشترى كباس تانى لو فى حد يعرف اجيبة منين
و شكرا
باشمهندس عمرو..
انا بصراحة ماعرفش حد حاليا.بس هاسأل الراجل اللي باتعامل معاه..
وكمان اعرف واحد بس بصراحة معرفتي بيه مش جامدة قوي..
في المنيل بيبيع الحاجات دي مستعمله.. و الحاجة بتاخدها بضمان تشغيل شوية كده ولو مش مظبوطة بترجعها..
والراجل ده معرفة المهندس اللي باصلح عنده عربيتي..
لو حبيت اسأل مكان المحل بتاعه فين بالظبط.. و نروحله مع بعض..
بس انا عندي سؤال..
هو التكييف اللي راكب عندك جي ام الاصلي ولاا ساندن الياباني..؟؟
صحيح..
الراجل ده بيبيع الحاجات دي استيراد..
ولو حبيت تشتريه جديد في مقار في مدينة نصر عمارات الجيش اللي قدام باب ارض المعارض..
وده كويس جدا و شغله في منتهي النضافة..واحد صاحبي مركب عنده من اكتر من سنة وزي الفل مفيش اي مشاكل.. بس بصراحة انا ماعرفش تمنه جديد في حدود كام.
بس التكييف كله جديد ساندن تمنه بالتركيب 3300 تقريبا..
يعني لو جيبته جديد مش هيقل عن 1000 جنيه.. وومكن يزيد كمان..
احمد باشا هوا في مقار في مدنية نصر !!!!
فين بلضبط ممكن تشرحلي ؟
في من كوبري الفنجري
محمد بك..
عامل ايه يا باشا..
انا مش عارف المكان بالظبط فين.. بس انا عارف انه في عمارات القوات المسلحة اللي قدام باب الاستاد و ارض المعغارض..و ليهم فرع تاني في المعادي عند اللاسلكي..
ودول مش مقار بتاع الصيانة.. لأ دول متخصصين في التكييفات و غفاليا الجي ام اكتر شغلهم..
ودول معاهم توكيل ساندون ياباني.. و سألت عندهم علي الجي ام الاصلي بتاع الاوبل مش موجود خالص في مصر جديد..و قاللي ممكن تجيبه استيراد لو حبيت.,.,
المهم انا عشان مش عارف المكان بالظبط.. مس هاقدر اسيبك كده..
انا معايا نمر التليفونات.. بس مش عارف انهي فيهم المعادي وانهي مدينة نصر..
ممكن تكلمهم و تسأل المكان فين بالظبط,,
25198167
24011349
احمد باشا ازيك يا باشا
التكييف عندى ساندن يابانى
و يا ريت تاسالى تمنة كام عشان انا نازل مصر يوم التلات
و الف شكر يا باشا
يا رب افتكر بس اتصل بيهم بكرة ان شاء الله و اسألهم..
انت تأمر يا كبير.. بس يا رب افتكر..
و لو انا مقولتلكش لما تنزل اتصل بيهم شغالين من 10 الصبح تقريبا
وبالتوفيق ان شاء الله..
لا شكر علي واجب يا باشا.. احنا اخوات يا محمد بك..
احمد باشا
ربنا يخليك بس انا كنت مفكرو فرع صيانة
بس خير هنيقي نبص عليه
و ربنا يخليك ليااااا
محمد بك..
احب اعرف سعاتك ان التوكيل اللي هو مقار او منصور مش بيعملوا اي حاجة في التكييف..
يعني مقار مش بيصلحوا تكييفات..
لو في حاجة في العربية في التكييف غالبا بيعملوها برة..
واللي انا عارفه ان منصور بيعملوا شغل التكيفات بتاعتهم في ديافيا..
لو حبيت اجيبلك نمر تليفوناتهم
لا انا كنت عايز اتعامل معاهم علي اسا س انهم مركز صيانة اروح ابص علي حالة العربية
بدل ما بنزل كل مرة الحرفيين و انتا عارف بقي اعلان " الحساب 573 قووووول 700 بس ابقي راضي الرجالة "
ههههههههههههههه
اروح اكشف كشف نضيف علي نور حبيبه قلبي