الموضوع: مطلوب فورا بديل للشرطة لتأمين الشوارع

الشرطة ظالمة .....
الشرطة مظلومة ...
الشرطة كويسة .....
الشرطة فاسدة
...
مش دي القضية دلوقت
الأهم دلوقت ان الشرطة مش موجودة في الشارع
والمجرمين والبلطجية بدأوا يتمادوا نظرا لتأكدهم من عدم وجود الشرطة .... ولو حد من الشرطة موجود في الشارع بيخاف يتخذ اي اجراء سواء لأنه خايف من المجرمين .... او خايف من الجمهور الذي سينحاز ضده حتى لو كان الطرف الآخر هو المجرم والبلطجي ... وده طبعا نتيجة مباشرة للمخزون الرهيب من الكراهية المتراكم على مدى عشرات السنين
وانا رأيي ان الموضوع ده مش ح يتحل في المدى المنظور .... ومش معقول الدنيا ح تفضل كدة شهور وسنين
لازم حل سرع
......
انا بأقترح انشاء جهاز بديل للشرطة
بأسم مختلف
وزي مختلف
واسلوب مختلف
وقترح ان يشكل بشكل مشترك بين وزارة الدفاع ووزارة الداخلية .... وذلك لكسب ثقة الناس
يعني مثلا يبقى اسمه....... الحماية المدنية .... أو أمن الوطن ..... او الجيش المدني
ويبقى تابع للقوات المسلحة ووزارة الداخلية معا بالتنسيق بينهما
ويبقى له زي مختلف عن الشرطة تماما ...... يبقى مثلا ازرق
المهمة المكلف بها ليس جميع مهام الشرطة ..... فقط دوريات راجلة وراكبة لتأمين الشوارع ....... وكذلك خدمات المرور
اما باقي ادارات الشرطة اعتقد انها مافيهاش مشاكل خطيرة حاليا .... مثل الجوازات والاحوال المدنية والمطافيء والسجون وتراخيص المرور
بكدة ثقة الناس ح ترجع تاني في امن الشارع
لكن عدم وجود الشرطة في ظل انتشار حمل الاسلحة نتيجة الفوضى اللي حصلت ده شيء خطير .... والموضوع خطورته بتزداد كل يوم ....
لازم بديل ....... الشرطة لايمكن تتواجد بشكل مؤثر في المدى القريب