من أنتم؟ أين كنتم عندما كان يطلق علينا الرصاص في ميدان التحرير؟ إلى الأمام ثورة ثورة

**itsonlyme** · 02-03-2011 04:59 PM

أنا حاسس اني في ميدان تحرير نايل موتوز.

جميل قوي لما تلاقي عقليات متوافقة مع آراءك.

أتمنى ان كتير يقتنعوا بكلامنا وينضموا لينا.

بلاش تنزل مظاهرات ... بس تفهم رأينا ... بلاش تكرهنا وتعتبرنا بنخرب البلد ... صدقنا لما بنقول اننا عايزين نقضي على الفساد واننا لو معملناش كده واديناله فرصة هيوفق أوضاعه.

**wael17** · 02-03-2011 08:22 PM

المشاركة الأصلية كتبت بواسطة adelseliem

متظاهرين التحرير العاقلين ( ودول الغالبيه ) مش بينزلوا فى وسط الأسبوع علشان فاهمين عواقبها على البلد

في ناس معتصمة من كذا يوم و متوقع يزيد عددهم يوم الجمعة...يعني طول الاسبوع مش الجمعة بس

المشاركة الأصلية كتبت بواسطة adelseliem

الضغط على الجيش مش صح لأنه بيعيد ترتيب البلد من أول وجديد وفيه أولويات عنده هو عارفها أكتر من أى حد لأنه شايف البلد من فوق

أنا شايف أستمرار المظاهرات فيه ضرر على البلد ( ودى وجهة نظرى )
بس اللى بينزلوا المظاهرات مش مخربين للبلد

كل واحد شايف الأمور من وجهة نظره

ياريت يكون وضح وجهة نظرى وأن أنا ( عن نفسى ) رافض للمظاهرات بمعنى مش موافق

انا و ناس كتير قوي متفقين معاك في الرأي بس المشكلة ناس كتير بتخاف تتكلم عشان بتتهاجم و التهمة الجاهزة (عدو الثورة) و الدليل ان حجم المظاهرات اقل بكثير من حجم المظاهرات اللي كانت قبل التنحي و ده أكبر دليل علي ان مش كل الناس موافقة عليها. و مع مرور الوقت الوقت سيقل الدعم الشعبي لمواصلة الاعتصام و المظاهرات و بكرة افكرك

**itsonlyme** · 02-03-2011 08:29 PM

المشاركة الأصلية كتبت بواسطة wael17

في ناس معتصمة من كذا يوم و متوقع يزيد عددهم يوم الجمعة...يعني طول الاسبوع مش الجمعة بس

انا و ناس كتير قوي متفقين معاك في الرأي بس المشكلة ناس كتير بتخاف تتكلم عشان بتتهاجم و التهمة الجاهزة (عدو الثورة) و الدليل ان حجم المظاهرات اقل بكثير من حجم المظاهرات اللي كانت قبل التنحي و ده أكبر دليل علي ان مش كل الناس موافقة عليها. و مع مرور الوقت الوقت سيقل الدعم الشعبي لمواصلة الاعتصام و المظاهرات و بكرة افكرك

تفتكر كل الناس اللي اتظاهرت قبل التنحي كان كل همهم مبارك وبس؟

النااس كانت عايزة تقضي على الفساد ... مبارك كان الرمز الكبير للفساد ... في ناس كتير لما شافت الرمز اتشال روحت.

بس مش معناها انهم مش عايزين يشوفوا الفساد كله متشال.

**swimmer25** · 02-03-2011 09:10 PM

المشاركة الأصلية كتبت بواسطة wael17

في ناس معتصمة من كذا يوم و متوقع يزيد عددهم يوم الجمعة...يعني طول الاسبوع مش الجمعة بس

انا و ناس كتير قوي متفقين معاك في الرأي بس المشكلة ناس كتير بتخاف تتكلم عشان بتتهاجم و التهمة الجاهزة (عدو الثورة) و الدليل ان حجم المظاهرات اقل بكثير من حجم المظاهرات اللي كانت قبل التنحي و ده أكبر دليل علي ان مش كل الناس موافقة عليها. و مع مرور الوقت الوقت سيقل الدعم الشعبي لمواصلة الاعتصام و المظاهرات و بكرة افكرك

مش كل الناس موافقة عليه عشان عمليات إخواننا البعداء بتوع الثورة المضادة...بيستخدموا كل ما أوتوا من قوة عشان يجهضوا أكبر كم ممكن من الشعب...

وواضح إنهم ناجحين بس مش بشكل كبير أوي لان اللي أنا شايفه إن أعداد الناس بتوع الثورة الحقيقية بيزيد مش بيقل زي ما حضرتك قلت وده من أداء الجيش البطئ والمتخازل ومن أداء الوزارة المفضوح جدا اللي مش عارف حضرتك مش شايفه إزاي

المهم حضرتك أو غيرك مش أعداء الثورة...إنتوا بس متغميين عن الحقيقة...
ربنا يرزقكم البصيرة ويرزقنا وإياكم الحكمة

**wael17** · 02-03-2011 09:18 PM

المشاركة الأصلية كتبت بواسطة itsonlyme

تفتكر كل الناس اللي اتظاهرت قبل التنحي كان كل همهم مبارك وبس؟

النااس كانت عايزة تقضي على الفساد ... مبارك كان الرمز الكبير للفساد ... في ناس كتير لما شافت الرمز اتشال روحت.

بس مش معناها انهم مش عايزين يشوفوا الفساد كله متشال.

مش عايز أحبطك بس مش ممكن تشيل الفساد كله بالمظاهرات...الموظف اللي بياخد رشوة فاسد...هتفضل تعمل مظاهرات لحد ما كل الموظفين يبطلوا ياخدوا رشوة؟ استحالة

انت يتعتير اي وزير حكم في عهد مبارك فاسد لانه شاف فساد و ماتكلمش طب وكلاء الوزارة الي تحت الوزير الفاسد؟ طب و اللي تحتيهم؟ و اللي تحتيتهم؟ هتشيل كل دول؟
...يبقي ما ينفعش تشيل الفساد كله
الثورة نجحت في الاطاحة برأس الفساد و هو علي وشك المحاسبة و ده معناه ان مفيش حد فوق العقاب....اللي فاكرين ان صفوت و سرور مش هايتحاسبوا غير بالمظاهرات...هو اللي بيحاسب مبارك هايخاف يحاسبهم؟ بس كل حاجة لازم يكون لها وقت مناسب و احسن ناس تختار الوقت المناسب هم الجيش...مش بيتحركوا بعواطفهم و انفعالتهم زينا

يعني مثلا بعد التنحي مباشرة كان في ناس بتقول الجيش مش هايحاكم مبارك و سايبه في شرم و بيحكم مصر من شرم و امبارح تم منع مبارك و عائلته من السفر....لو كان تم قرار المنع من السفر بعد التنحي مباشرة كان جمال و أمه هايفلتوا لانهم كانوا بره مصر لكن لما القرار صدر امبارح كانت مبارك و سوزان و جمال و علاء و زوجتيهما في مصر...يعني القرار الصح في الوقت الصح...ادوا فرصة للجيش يعيد ترتيب الاوراق بدون ضغوط ممكن تلخبط حساباتهم

**wael17** · 02-03-2011 09:20 PM

المشاركة الأصلية كتبت بواسطة swimmer25

المهم حضرتك أو غيرك مش أعداء الثورة...إنتوا بس متغميين عن الحقيقة...
ربنا يرزقكم البصيرة ويرزقنا وإياكم الحكمة

نفس الكلام اوجهه لحضرتك برده

و الحمد لله ان في ناس بدات تقتنع اني مش عدو الثورة و المدافع الرسمي عن النظام

**ashouhdy** · 02-03-2011 09:26 PM

مينفعش نقف فى وسط الطريق

يانرجع للاول يانكمل لأخرة

ولذلك

الى الامام وربنا يستر .....

**M7amD_7amDy** · 02-03-2011 10:18 PM

المشاركة الأصلية كتبت بواسطة aif

التواجد في التحرير هو وسيلة الضغط الوحيدة الفعالة لتحقيق باقي المطالب
انا شايف كلام الشباب منطقي ومطالبهم تجسد آمال الشعب
احنا بالفعل دفعنا الثمن من اول الثورة
شهداء
جرحي
خسائر
رعب وعدم امن
وقف حال
واللي فاكر ان عدم التظاهر والرضا بالقليل( نسبيا ) اللي اتحقق ح يخلي الدنيا ترجع زي الاول والحالة الاقتصادية تتحسن يبقى غلطان
....
يبقى طالما الثمن انفع مقدما ...... لازم نحقق المطالب اللي دفعنا ثمنها
والثورة دي مش بتحصل كل يوم
...
الجرح انفتح ولازم يتنظف ويتطهر قبل ما يتضمد ...... مش عاوزين الجرج يلم على تلوث وفساد
التطهير قد يكون مؤلما ...... لكنه السبيل الوحيد للشفاء
..
..
..
اللهم أقدر لنا الخير حيث كان فإنك تعلم ولا نعلم وتقدر ولا نقدر وانت على كل شيء قدير

ياااااااه أخيرا شفت حد كبير فى السن نسبيا مؤيد الإستمرار

أبوس دماغك ياحاج أحمد

**wael17** · 02-03-2011 11:39 PM

المشاركة الأصلية كتبت بواسطة ashouhdy

مينفعش نقف فى وسط الطريق

يانرجع للاول يانكمل لأخرة

ولذلك

الى الامام وربنا يستر .....

لو الناس مصرة علي النزول يوم الجمعة فالرجاء تجنب الاحتكاك بالجيش و الحذر من المندسين و مثيري الشغب و يجب الالتزام بفض المظاهرة قبل ميعاد الحظر....و ربنا يستر في جميع الأحوال