عمر عفيفى وزير للداخليه....

**gebreel** · 02-03-2011 09:50 AM

المشاركة الأصلية كتبت بواسطة a.saad

هو اتفصل ولا طلع معاش ليه
ده المهم

+1111111111111

**mailo** · 02-03-2011 09:57 AM

الراجل ده مش جدع قوي يعني
هو شكله خد على قفاه عشان كده كان محروق قوي

بس ممكن اللي إنت بتقوله ده يبقى صح ده لو مسك وزير هيصفي كل قيادات الداخلية ويخلص حسابتوا معاهم وبعد مايظبطهم نشيله بقى عشان أنا شايف إنه ماينفعش بصراحة

**Everlasting** · 02-03-2011 10:19 AM

أتمنى أن يكون وزير الداخلية مدني ... زي الكثير من الدول المتقدمة .. يكون أستاذ في القانون أو علم الإجتماع.
وياريت كلنا نتفق على كده.

**elfashn** · 02-03-2011 01:37 PM

المشاركة الأصلية كتبت بواسطة everlasting

أتمنى أن يكون وزير الداخلية مدني ... زي الكثير من الدول المتقدمة .. يكون أستاذ في القانون أو علم الإجتماع.
وياريت كلنا نتفق على كده.

فكره ان الوزير يبقى مدنى فكره محترمه اوى وياريت تتحق عندنا هنا فى مصر بس متهيألى صعب .

**SkyBird** · 02-03-2011 08:49 PM

المشاركة الأصلية كتبت بواسطة swimmer25

معلش سؤال...هو إيه علاقته بالمظاهرات؟ هو بيقول المظاهرات اللي بندعوا ليها...هو دعا لمظاهرات ؟ هل كانت المظاهرات منظمة ؟ لو منظمة مين منظمها؟

معلش بس انت شتتني أوي بالفيديو ده..أنا لسه بكمله بس ياريت إجابة

القوى الوطنية كلها اجتمعت على الخروج في مظاهرات يوم 25 يناير وتم الاعلان قبل الموعد بايام وهو ليه دور في الدعوة زي دور جروب الشهيد كلنا خالد سعيد
ودور ابو عز الحريري في الاسكندرية
كان الكل متفق على الخروج يوم 25 يناير وهذا معلن في الانترنت قبلها وليس سرا واهم الداعيين شباب الجبهة الوطنية للتغير وشباب الاخوان وشباب 6 ابريل وشباب حملة البرادعي وشباب حزب الجبهه وشباب المدونيين
كانوا هم الطليعة اللي انضم ليهم الشعب بعد كده
وكنا كلنا هنا في المنتدى منتظرين اليوم ده وفي موضوع عن يوميات المظاهرات قبل ما تبدأ

دور عمر عفيفي كان وضع خطة لهزيمة قوى الامن المركزي واجهادها وتشتيتها بالطريقة اللي خلتهم يفروا من الميدان ولسه في بيوتهم الى الان

**swimmer25** · 02-03-2011 09:03 PM

المشاركة الأصلية كتبت بواسطة skybird

القوى الوطنية كلها اجتمعت على الخروج في مظاهرات يوم 25 يناير وتم الاعلان قبل الموعد بايام وهو ليه دور في الدعوة زي دور جروب الشهيد كلنا خالد سعيد
ودور ابو عز الحريري في الاسكندرية
كان الكل متفق على الخروج يوم 25 يناير وهذا معلن في الانترنت قبلها وليس سرا واهم الداعيين شباب الجبهة الوطنية للتغير وشباب الاخوان وشباب 6 ابريل وشباب حملة البرادعي وشباب حزب الجبهه وشباب المدونيين
كانوا هم الطليعة اللي انضم ليهم الشعب بعد كده
وكنا كلنا هنا في المنتدى منتظرين اليوم ده وفي موضوع عن يوميات المظاهرات قبل ما تبدأ

دور عمر عفيفي كان وضع خطة لهزيمة قوى الامن المركزي واجهادها وتشتيتها بالطريقة اللي خلتهم يفروا من الميدان ولسه في بيوتهم الى الان

الله ينور عليك

طيب هل تمت بالطريقة اللي هو قالها كده؟
يعني بدات في الحواري وطلعت من الحواري علي التحرير..وده كان مكان تقابل المجموعات اللي كان بيتكلم عليه؟

**SkyBird** · 03-03-2011 05:01 AM

المشاركة الأصلية كتبت بواسطة swimmer25

الله ينور عليك

طيب هل تمت بالطريقة اللي هو قالها كده؟
يعني بدات في الحواري وطلعت من الحواري علي التحرير..وده كان مكان تقابل المجموعات اللي كان بيتكلم عليه؟

بالفعل ده اللي حصل
وتابع في اللينك ده سير الاحداث وخد بالك ان في حوالى الساعة 2 ونص فجاة طلعت مظاهرة ضخمة للشوارع الكبيرة متجه ناحية التحرير
يعني المظاهرات الناس شافتها في الشوارع الكبيرة وقت العصر لدرجة ان الناس قالت مفيش مظاهرات النهارده وفي ساعة العصر اذا بهم من كل حدب ينسلون
وتابع تعليق الاعضاء على كيفية تشتيت الامن بالاشتباك ثم الاختفاء بسرعة البرق في مجموعات ثم فجاه يتجمعون ويشتبكون مرة اخرى وهكذا لغاية ما بهدلوهم وخلوهم يخلصوا القنابل المسيلة للدموع كلها ويضطروا يستخموا اللي في المخازن ومنتهي الصلاحية لغاية ما انهزموا وهربوا
http://www.nilemotors.net/Nile/198655-a.html

**M.Elwan** · 03-03-2011 11:27 PM

المشاركة الأصلية كتبت بواسطة aly_hosny

لا بصراحة كنت همشي
بس همشي و انا مكسوف اني هرب

بس مش دا سبب اساسي في رفضه
خطاباته بحس ان هي تصفية حسابات و كره في حبيب العادلي بالذات "كلنا بنكره "
استفزازية اوي
كان بيقول ان حبيب العادلي هو فجر كنيسة القديسين "طب دلوقتي مش المفروض يطلع يورينا الادلة بتاعته و ليه اتهمه و دي فرصته لان النيابة بتحقق فيها "
ليه مرجعش مصر لغاية دلوقتي
ازاي خرج عقيد من الشرطة و انا اعرف ان الجيش هو ال بيخرج عقيد انما الشرطة اقل حاجة عميد

اليوم السابع | بالمستندات.. تفاصيل خطة حبيب العادلى لتفجير كنيسة القديسين بالإسكندرية.. وزير الداخلية السابق كلف القيادة 77 لتنفيذ المهمة وإخماد نبرة احتجاج البابا شنودة ضد النظام

بالمستندات.. تفاصيل خطة حبيب العادلى لتفجير كنيسة القديسين بالإسكندرية.. وزير الداخلية السابق كلف القيادة 77 لتنفيذ المهمة وإخماد نبرة احتجاج البابا شنودة ضد النظام