سؤالى لاصحاب البيتلز ايه انسب زيت موتور للبيتلز والمفروض الزيت عند التغيير يكون سعته قد ايه بالظبط
عرض للطباعة
سؤالى لاصحاب البيتلز ايه انسب زيت موتور للبيتلز والمفروض الزيت عند التغيير يكون سعته قد ايه بالظبط
انا بستعمل تام اويل او امارات مصر جميل بس بغيره علي العداد 1500 لان الزيت مهم جدا للعربية دي
انا حاليا بستخدم زيت شل X100 ... و ده بعتبره احسن زيت فعلا للعربية البيتل
ايام ما كان معايا بيتلز كنت بحط زيت موبيل دلفاك بتاع الديزل... بيشتغل حلو اوى فى الصيف
MMamdouh
طبعا شل اكس 100 افضل زيت زى ماقال اخونا الحسينى
وموبيل برده فى نفس المستوىاقتباس:
ايام ما كان معايا بيتلز كنت بحط زيت موبيل دلفاك بتاع الديزل... بيشتغل حلو اوى فى الصيف
هل يوجد زيت للمواتير الديزل فى إمارات مصر؟
هسألكو على الموضوع ده أن شاء الله انا مسافر بكره وهعدى ىعليها عشان أظبط هوا وامون بنزين
انا دلوقتى بستعمل موبيل دلفاك 1340 وبرضه ممتاز جدا
الجركل 5ك ب63 جنيه
ممكن يا جماعة تعرفونى ايه المقياس للحكم على الزيت الكويس لانى لسه جديد فى العمليه دى مع العلم انى سالت فى المنتدى واخبرونى ان شل اكس 100 افضل زيت وبالتالى انا استخدمتة وهو جركن 4 ك ب62 جنية
و جزاكم الله خيرا
السلام عليكم
الزيت الكويس للبيتلز بيخلى صوت الماتور هادى و ناعم و خاصة مع إرتفاع درجة حرارة الماتور فى الصيف و المهم مايكونش درجة البخر بتاعته عاليه و تكون لزوجته عالية و مايفوكش بسرعة.
و فيه ناس بتستريح لشيل X100 و أنا بصراحة مجربه و بستخدمة و هو ممتاز
و فيه ناس بتستخدم الأنواع العادية زى مصر للبترول و التعاون و ده بينصح بيه غالبية الميكانيكية
و فيه ناس بتستخدم زيت المواتير الديزل و بتشكر فيه زى موبيل ديلفاك و إمارات مصر
ياريت اذا كان حد من اصحاب البيتلز استخدم امارات مصر يحكيلنا عن تجربته معاه
ان شاء االه المرة الجاية اجرب زيت شل
وعلى فكره موبيل دلفاك1340 كويس جدا انا جربته مرتين دلوقتى وزى الفل
شيل صورة توقيعك لو سمحت لانك شبة الريس... مش عايزين قلق فى القعدة
:36_1_1[1]::36_1_1[1]::36_1_1[1]:
MMamdouh
ههههههههههههههههههههههههه ههههههههه
ياعم داانا غلبان
انا روحت امارات مصر اللى قبل كارفور وسالت على الزيوت
فى زيت درجته 40/15 وده ب65 جنيه
وفى نوع تانى درجته 40 ثابته ب39 جنيه
ومش عارف ليه حسيت بعدم الارتياح للاثنين
وماشتريتش منهم ولا واحد وجارى البحث عن انواع اخرى
وشكلى كده هرجع للتعاون الاسود كوب فاكت علشان ده اتقل زيت
جربته واحنا داخلين على الصيف
ماحدش يعرف هو عامل كام دلوقتى
اول مرة اسمع عن زيت التعاون الاسود ده ( كوب فاكت ) يا ترى ده ايه مميزاته
هاشم باشا ...انت ليه تاعب نفسك و لسة بتدور ... استخدم (عن تجربة في السفر و الجو شديدة الحرارة ) زيت شل X100 هاااااايــــــــــل جدا .... و علي فكرة انا لسة مغيرة من 10 ايام تقريبا من بنزينة شل اللي في شارع دمشق ب 55 جنيه و مصنعية تغيير 3 جنيه !!!!
يعني اجمالي 58 جنيه ..اعتقد يا بلااااااااااش بالنسبة لعربياتنا في الصيف طالما هيحميها من السخونة
و كان الله في العون:S_thum1[1]:
هوه زيت شل X100 لزوجته كام ؟؟
و هل ينفع للعربيات الحديثة التسعينات مثلا
وهوه بيتغير كل كام كيلو
المشكلة إن موضوع زيت البيتلز بيعتمد على مدى راحة الماتور للزيت و رضا صاحب العربية عن صوت الماتور و الآداء.
بمعنى آخر فيه مواتير ممكن تستريح لزيت التعاون أو الوطنية العادى و مواتير تانية لأ , و لكن الأفضل إننا ندور على الزيت صاحب المواصفات الجيدة و المفيدة للماتور و ليس السعر فقط.
و نظراً لأنى كنت بسافر كتير جداً بالعربية سنة 2008 لطبيعة عملى و اللى كانت بتخلينى أغير زيت كتير , عشان كده هاقولكم تجربتى المتواضعة مع غالبية أنواع الزيوت : ( المسألة نسبية من ماتور لآخر و من شخص لآخر حسب طبيعة سواقته و حسب درجة حرارة الجو )
- التعاون و الوطنية العادى الأحمر و البرتقالى : كويس فى الشتاء و لكنه سريع البخر و لزوجته بتفك بسرعة و أوقات قبل 1000 كيلو ( جودة ضعيفة ).
- التعاون الإسود كوب فاكت : مش كويس خالص للبيتلز و خاصة فى الصيف.
- كالتكس ديلو الفضى الجركن الأزرق : نفس جوده التعاون الإسود كوب فاكت .
- شيل X100 ممتاز و خاصة فى الصيف و ده أكتر زيت إستريحتله فى جميع الظروف و تقدر تعتمد عليه و ميزته كمان إنك ممكن تغيره على 1500 فى الصيف و 2000 فى الشتاء و كمان بيعمل على تنظيف الماتور من الرواسب و الشوائب الضارة لكن بالنسبة للمواتير القديمة زى البيتلز يفضل تغيير الزيت على 1500 بالكتير فى الشتاء و 1200 بالكتير فى الصيف.
- الزيت السايب اللى بيتباع فى البنزينة أو بتوع الزيت و الكيلو ب 6 جنية ممتاز فى الشتاء جداً لو هاتغيره على 1000 كيلو بالكتير أما فى الصيف مانصحش بيه خالص لأنه هايفك بعد 800 كيلو بالكتير و هايخلى صوت الماتور عالى جداً.
- و إن شاء الله بفكر أجرب إمارات مصر اللى درجة لزوجته 50 لأنى سمعت إنه ممتاز و جودته عالية .
انت متأكد يااحمد ان فى زيت امارات مصر درجته 50 وسعره كام
انا روحت سألت هناك فى امارات مصر اللى عند كار فور
قاللى فى زيت 40/15 ده 5ك ب65 جنيه
والتانى درجته 40 ثابته 4ك ب39 جنيه
يمكنكم زيارة هذه اللينكات لمعرفة المزيد عن الزيوت
http://www.reluctantmechanic.com/ste...oil_change.php
http://www.thesamba.com/vw/forum/viewtopic.php?t=55412
جزاك الله خيرااقتباس:
يمكنكم زيارة هذه اللينكات لمعرفة المزيد عن الزيوت
http://www.reluctantmechanic.com/ste...oil_change.php
http://www.thesamba.com/vw/forum/viewtopic.php?t=55412
فعلاً مواضيع هامة و مفيدة جداً لكل مالكى البيتلز
لكن المشكلة إن ظروف التشغيل عندهم تختلف تماماً عن بلدنا مصر يعنى تراب و حرارة مرتفعة و إشارات و زيوت مضروبة و غيره
ياجماعه فى حاجه مهمه جدا البعض مش واخد باله منها
فى بعض الزيوت مجرد ماتغيرها تلاقى صوت الموتور
كويس جدا وهادى وتحكم عليه انه كويس للبيتلز
وده مش حقيقى والعبره بالنهايه
انا جربت زيوت كتير جدا فى البدايه تكون فوق الوصف
واول ماتعمل 500ك يفك الزيت مع الاحتفاظ بالسعه اللتريه
وعدم البخر
وطبعا بيبتدى صوت الموتور يعلى والعربيه تسخن معاك
وبعد كل التجارب مش لاقى احسن من التعاون الاسود بالتحديد
اكثر زيت بيقعد لمسافات طويله مع الاحتفاظ باللزوجه
انا رحت غيرت الزيت ولقيت الراجل رشحلى زيت التعاون جركن لونه
برتقالى مش الاحمر هو ب37 وقاللى انه هيقعد معايا لمسافات اطول
وانا دلوقتى تقريبا عملت بيه 300ك ولحد دلوقتى زى الفل
بس طبعا العبره بالنهايه وهقولكم ان شاء الله على التفاصيل
هو اسمه التعاون سوبريكس 10000 (supr ex )
بس الشئ الملفت للانتباه مبدئيا انه مخلى صوت الموتور ناعم جدا
هاشم باشا انا اشتريتة قولت اجربة معاك بس كان سعرة 33ونص وهو لزوجة 50 وفعلا مخلى صوت المتور ناعم
انت متاكد انه البرتقالى سوبريكس
ولا الاحمر سوبر ستان
يا هاشم باشا البرتقالى اكيد مش عارف الفرق دة يكون اية انا جايبة من بنزينة التعاون اللى فى مصر والسودان
هو ممكن يكون الفرق ثمن غيار الزيت
بس على العموم الزيت ده ممتاز
انا كده عملت اكثر من 500ك ولسه الزيت كأنه جديد
وصوت الموتور هادى جدا
هاشم باشا انا برضة وصلت ل 500 وفعلا زى مبتقول صوت المتور هادى ولسة الزيت كويس شيكت علية اكتر من مرة ولسة اللزوجة معقولة . فعلا انسب زيت لحد دلوقتى
الحمد لله انا كده تقريبا عملت حوالى 950ك والزيت لسه تمام
بس ان شاء الله هغير على 1000ك لانى مش بحب الزيت يفضل
اكثر من كده لمصلحة الموتور وكده كويس جدا
ويكفى انى اشتغل بيه 1000ك وهو مريح الموتور
انا بستخدم زيت التعاون سوبريكس 10000 (supr ex )
الجركن لونة برتقالى
زيت ممتاز جدا للبيتلز
فعلا ممتاز وانا غيرت النهارده
بعد ما عمل معايا 1050ك
وكان كويس بس انا مابحبش اذود عن 1000 خصوصا فى الصيف
السلام عليكم ورحمة اللة وبركاتة
الزيت دة من اكتر الزيوت اللى ارتحتلها يكفى انو خلانى مش كل شوية اشيك على الزيت واشوف اللزوجة ومهدى صوت المتور وسعرة مناسب يارب نفضل مستقرين علية
انا كمان شغال بيه دلوقتى لثالث مره وزى الفل
وبغيره بعد الالف وهو شغال وكويس
كده يبقى الحمد لله توصلنا انه افضل زيت للبيتل
طب معامل لزوجته كام؟؟؟؟؟؟
يعنى أحادى ولا ثنائى ؟؟؟؟؟؟؟؟