عايزين نجاوب على الاسئلة دي واحدة واحدة
1- ماذا يضير بصورة مباشرة رجل يسكن في اي منطقة من مصر من وجود واحد او اتنين او عشرة اشخاص او مليون شخص في ميدان التحرير ؟
الاجابة: لا شيء , لو لم تذكرهم اي من القنوات الاخبارية لن يعلم اصلا , و ان كان على ايقاف المرور فلينظر في ميدان العباسية و شارع الجيش و كل الاماكن اللي بيتعمل فيها محطات مترو الأنفاق
2- اذكر المطالب الاساسية الحالية للثوار المطالب التي فيها ضرر مباشر للبلاد
الاجابة:
1- اقالة حكومة شفيق , بالنسبة لأي حد معارض للمطلب ده , الواقع انها ما جتش حكومة منتخبة , يعني مش هو اللي جابها , فما اظنش يضره انها تتشال , ده على المنظور الشخصي , على المنظور العام , الحكومة كلها - بلا مبالغة - فاسدين و تعمل لصالح النظام القديم بدليل دعم ازلامه لها , و للي مش مصدق ده , يبقى كلهم فاسدين و عقلياتهم لا تصلح لادارة دولة محترمة, و للي بيقول خليهم يشتغلوا , انت هنا على المنتدى لما بتعرف ان وكيل معين العربية اللي بتدخله بتطلع اسوأ , تيجي في الوزارة اللي هاتدير بلدك كلها و تقبل بأي حاجة المهم اننا نخلص ؟
انا كل ده و ما اتكلمتش على كل وزير و كل وزارة , و اللي يقول لي اصل مافيش حد , هاقول له ائتلاف الثورة قدموا للمجلس العسكري قائمة ملياااااااااااانة اسامي تصلح , فالنقطة دي مش حقيقية خالص
2- الغاء قانون الطواريء و ايقاف حالة الطواريء : كل دول العالم المحترمة ما بتعملش الحالة دي غير في وقت الحرب , ليه عندنا شغالة بقى لها 30 سنة ؟ ليه يبقى من حق اي فرد شرطة ولا امن دولة انه يسحبك على القسم او على اي مصيبة لمجرد انه مشتبه فيك ؟ و خد بالك ان مشتبه دي يعني هو و مزاجه ... اللي هايقول لي عشان الحرامية , هاقول له كل الدول المحترمة بتحترم مواطنيها و في نفس الوقت الامن متحقق
3- حل امن الدولة , ماحدش سمع عن اتهام العادلي بحادث القديسين ؟ طب ماحدش شاف السجون اللي اكتشفوها في مباني امن الدولة اللي اتحرقت ؟ طب ماحدش سمع الويلات اللي ياما سمعنا عنها كلنا ؟ طب ماحدش شاف الوثائق اللي اكتر من عضو هنا نقلها متسربة من امن الدولة و فيها جرايم تزوير انتخابات و تدخل في تعيينات و تضييق و تشويه لأي معارض لمبارك و ايقاع بين السلفيين و الاخوان
جاري استكمال النقط