أى كونصولة تررب بس فى منها شكلين سعرها من 150 الى 200
عرض للطباعة
أى كونصولة تررب بس فى منها شكلين سعرها من 150 الى 200
اعتقد السمكري
قشطة شكرآ يا معلم
لو اشترتها قولي جبتها منين وبكام
ده شكل الكونصولة وهى راكب فيها مفاتيح الأزاز الكهرباء
ImageShack® - Online Photo and Video Hosting
ده شكل الزراير
ImageShack® - Online Photo and Video Hosting
السلام عليكم اخوكم محمد فاروق الا سكندرية فيليشيا 97 glx
http://www.facebook.com/photo.php?pi...&id=1503272519
الصور بتاعة الكونصوله يا ريت لو الناس تصور عربيتها من بره ومن جوه وتحطها
http://www.facebook.com/photo.php?pi...&id=1503272519
وانا كمان معاكوا ........
السلام عليكم
العبد الفقير اسمي شريف ومعايا فيليشيا 97 كحلي 1300 لسه جايبها قريب ومحتاج دعم فني، والحق إنها عربية كفاءة وممتازة بس اعتقد انها محتاجة حد يكون مراعيها وميكانيكي خبرة... ولجميع الفيليشياوية تحياتي
شكرا وأتمنى حد يدلني على خبراء صيانة الفيليشيا يكونوا فاهمين فيها كويس وبالذات ضبط الكربراتير وشغل العفشة وعلبة الدركسيون، ولو حد يفيدني بخصوص موضوع تركيب تكييف للعربية ولكم جزيل الشكر
شكرا للإفادة بس وصلتني معلومة جديدة معرفش مدى صحتها وهي إن لو موتور الفيليشيا انجكشن ممكن تركب لها تكييف بس الموتور الكربراتير العادي مش ممكن... معقولة الكلام ده صحيح؟؟ انا الموتور عندي كربراتير عادي وعندي في التابلوه مجرد التحكم في سرعات المروحة والحرارة وتوجيه الهواء يعني بالشكل ده هحتاج كمبريسور وسربنتينة والتوصيلات والكويل.. وحد قاللي إني لازم أغير الردياتير أبو مروحتين مش مروحة واحدة... ياترى برضه إيه صحة الكلام ده؟؟
مين الى قال كدة العربية دى نزلت مكيفة من بلادها من سنة 95 بس كان عددها قليل ومن سنة 98 زلت مكيفة فى كل موديلات glx
أنا الى أعرفه أن الفليشيا ال glx بتبقى مجهزة للتكيف يعنى بيبقى فيها ضفيرة التكيف ورادياتير أكبر ومروحته سرعتين ودينمو أكبر وبيبقى فى مكان لسير التكيف من المتور يعنى أنت هتحتاج كباس و سربنتينة وتلاجة
طب مين جرب ميكانيكي سكودا ولقاه كفاءة يكون نواحي المهندسي او الدقي او الهرم او الجيزة؟؟؟
خلاصة موضوع التكيف :
1- ردايتير بمروحة 2 سرعة علشان السرعة العالية تشتغل مع التكيف والتأكد من سلامة باقى أجزاء دورة التبريد
2- غسل دروة التبريد وأضافة مياه خضراء والتأكد من سلامة طرمبة المياة
3- نركب التكيف
ملاحظة :
بلاش تشغل التكيف وأنت على سرعة قليلة يعنى حاول تشغلة وأنت على الثالث علشان تحافظ على الموتور يأما هتهلك الموتور بدرى أوى وكمان تشغيل التكيف على سرعات قليلة هيرفع حرارة الموتور وربنا يستر بعدها ومتجبش وش سليندر
ربنا يوفقق فى موضوع التكيف بس خلى بالك من الحاجات دى والموضوع مش صعب ميكينيكى كويس يخلصلك موضوع دورة التبريد فى يوم واحد .
يا جماعة انا عاوز أشترى فلشيا بس ياريت حد يفيدنى ويقولى مميزاتها وعيوبها بالتفصيل علشان اعرف اخد قرار وياريت يوضحلى ايهما افضل موديل اللى قبل 1997 ولا واللى بعد كده اللى هو وش اوكتافيا وبرضة يريت يوضح هو افضل فى ايه
وهل الدركسيون باور ستيرينج ولا عادى لانى ده بالنسبالى من الحاجات المهمه جداا ولا هو بيختلف من موديل للتانى
مميزات سكودا فليشيا
1-عربية حمالة أسية
2- عفشة للخدمة الشاقة
3- شكل من برة وجوة جميل جدا بصراحة صلونها فخم وشيك متحش أنها موديل تسعينات
4- عربية صغيرة من برة وواسعة جدا من جوه بالمقارنة بالعربيات الهاتش باك
5- أوسع شنطة فى الهاتش باك
6 - قطع غيار معمرة جدا فى كل حته دا أنا عندى فى دمياط 4 محلات قطع غيار اسكودا مبالك بقا فى القاهرة والأسكندرية
7- عربية عمليه جدا وحلوة فى السفر
8- أهمممممممممم ميزة الثبات الخرافى وقوة الصاج صعب أوى تلاقى عربية فليشيا صجها مضعدع زى الأكسيل والسوفيت
9- ثمناها ثابت عند البيع
10- يتحطلها أى بنزين
العيوب:
1- عفشة نشفة بس مش لادا يعنى ودا علشان الثبات
2- بطيئة فة النقلة الأولى والتانية أما التالتة العربية بيركبها عفريت وتطير
3- عدم الأهتمام بدورة التبريد بيؤدى الى سخونة العربية
4- قطع غيراها غالية شويه بس ألمانى وأرخص من الكورى
5- صوت الموتور عالى سنة بسيطة
السلام عليكم
الفيليشيا عربية كفاءة ومناسبة للظروف بالطرق والأحوال الاقتصادية المصرية بي أهم شئ الصيانة السليمة عند الشخص المتخصص وقطع الغيار الأصلية بتكون معمرة أكثر من العربيات الياباني والكوري يعني من الآخر عربية أوروبي 100% بسعر كويس جدا
انا معايا فليشيا 95 1300 سى سى ازرق لكن في مشكلة ان سحب السيارة ضعيف
السحب الضعيف ليه كذا سبب :-
1- تلف أسطوانة الدبرياش
2- أنسداد فلتر البنزين
3- ممكن يكون الكاربينير محتاج ظبط
ممكن أسئلك شويه أسئلة
1- ما هى أخر سرعة فى النقلة الثالثة عندك ( لو أقل من 70 يبقى السطوانة الدبرياج )
2- هل العربيه بتاخد وقت طويل على متاخد سرعتها ( لو العربية أخدت مثلا 17 الى 20ثانية على متجيب الثالث ( يبقى الكاربيتير محتاج ظبط )
3- لو سحب العربية بيتحسن مع الظغط الشديد على دواسة البنزين ممكن يبقى الفاتر مش نظيف
.... لو المشكلة دى أوفر أوى يبقى تطلع على المكنيكى بتاعك وتشوف العربية
انا احمد و معايا فليشيا كومبي 97 مظبطانييييييييييي اوي لدرجه اني فكرت اولع في روحي يمكن اريحها:untitled 1: لابجد موضوع السخونيه كل من هوا عنده فليشيا بيشتكي عارفين يا شباب الحمه الموسميه هيا كده اول مره لففتني السبع دوخات لدرجه رجعتني من القاهره لاسندريه على كل 5 كيلو ازود ميه الميه بتختفي اوووه و في الاخر توصلنا انه جوان وش سلندر طيب الكلام ده من سنه و نص
و اليومين دول شكلها الحمه جت تاني و العفشه فعلا شديده شويه مع اني غيرتها كلها و مظبوط صوت العربيه عالي انا بفكر اريحها مني و اطلقها بالعشره و اشوف معاقين
مشكور يا جميل
بس ياريت تقولى مشكلة السخونة دى اتحلت فى 98 ولا زى ما هى