بيقعد معايا 1000 كيلو وساعات بنزله علي 800 في الحر وفي الشته بنزله 1200-1300
وسعره 85 جنيه بتغيره
الزيت مش بتبان حلته غير لما ينزل من الموتور وشوف الزيت دلؤقتي نقص ولي لا لو نقص اعرف انه مش 5000 كيلو
عرض للطباعة
اللام عيكم
انا محمد ومعايه فيلشيا2000 السياره رائعه ولكن عندي مشكله مش عارف احلها
عندي رعشه في جسم السياره وذلك عند الصلنسيه
غيرت شداد الفتيس وراجعت علي قواعد الماتور وراجعت على كاوتش الشكمان -كله تمام
ا ريد حد من الاخوة يفدني
شكرا..........
اهلا بيك عضو معانا فى قسم الاسكودا وياريت تشرفنا ان شاء الله المقابلة الجاية اما بالنسبة لمشكلتك بخصوص الرعشة على السلانسيه عايزين نعرف السلانسيه عندك على كام دى حاجة تانى حاجة ممكن تكون الكهربة عندك مش مظبوطة يعني مقدمة او ماخرة شوية روح للميكانيكي يظبطلك كهربة العربية ويخلى السلانسيه على 8 كونك غيرت شداد الفتيس وقواعد الموتور وكاوتش الشكمان كده اوكى عربيتك غالبا انجيكشن حاول تخليه يصلك على البوجيهات وهات منظف الانجيكشن وده بعد لما يظبط كهربة العربية وشوف وقولنا عملت ايه
والله ياجماعة أنا لسة جديد فى موضوع العربيات
ومعرفش أى حاجة فى أي حاجة دة الميكانيكي دة أخو واحد زميلي فى الشغل واد ثقة وابن ناس
وسبتلو هوة مسئولية تغيير الكبالن والزيوت وتظبيط العربية
بس على فكرة أنا من شهر تقريباً جبت عربية فليشا 97 غيرتلها زيت وفلتر بردة 3000 كيلو وكان الحساب الزيت والفلتر 80 جنية
ويايت عاوز رأيكو فى موضوع تنظيف دائرة التبريد والمياة الخضراء
مادام انت مطمن ليه وشايف انه مش هيعك الدنيا يبقي توكل على الله وبالنسبة لموضوع تنظيف دورة التبريد دى بتتعمل لما تتاكد ان مفيش اى تسريب فى المية ولا حتى انها بتنقص الا بالمعدل الطبيعي دى اول حاجة انك تتاكد منها وبعدين نظف الدورة وط مية خضرا تكون نوع نظيف عشان تحافظ على عربيتك ومتسمعاش الفتاوى اللى بتقول المية الخضرا ملهاش لازمة
ماجد الميكانيكي قالي ان الميه الخضرا فعلا اي كلام فعلا زي محضرتك بتقول بيفتوا
بس مش عاررف صح ام لا قولتله ازاي اكيد الميه الخضرا افضل قالي حط كميه قليله اوي كبايه كده علي الميه نفسها والله اعلم بس انا هحط ميه خضرا عادي بصراحه ولاكن لما الميه اللي عندي تخلص شويه ليه بقا لانه حاطط ماده علي الميه بيقولي بتسد اي ثقوب صغيره اوي ودي ب 20 جنيه
انا قلتلك على الفتى اللى بيحصل من الميكانيكية هيقولك ملهاش لازمة ومصاريف عالفاضى ومع العلم ان مية الحنفية بتبقي سبب رئيسى لمشكلة ضرب جوان وش السلندر وتاكل البلوك شوف اى حد كان عنده مشكلة جوان وش سلندر واساله على الوش كان عامل ازاى من المية بتاعة الحنفية ونصيحة متزودش المية الخضرا على مية قديمة ويستحسن انك تفضى المية القديمة كلها وتغسل دورة التبريد وتحط المية الجديدة بعدها