رأيكوا ايه يبقى القرا الافضل ؟

**Tarek Gen 2** · 03-03-2011 01:20 PM

بعيدا عن فشل وزراء الخارجية المتعاقبين فى افرقيا و خصوصا ابو الغيط لما شهدته افرقيا من تطور فى عهده فيما هو وقف مكتوف الايدى اللى وصل بينا مشكلة النيل لكدة
و كفاية ان الاتفاق خد موضوع و اتجاه اخر دلوقتى

كلنا عارفين ان حل المشكلة دى بحاجة من الاتنين يا عسكريا يا وديا عن طريق التودد و الاخوية و الاستثمار فى البلاد الافرقية و و و
و الاقتراح التانى كان ممكن من فترة انما دلوقتى اصبح صعب جدا بسبب وضع مصر الاقتصادى !
احنا كلنا متفقين على ان ده فشل لحسنى و ابى الغيط تحديدا و مجاملة لاسرائيل لان اسرائيل هى اللى ورا الموضوع ده و اسرائيل حبيبتهم سيبها تدلع علينا شوية عادى

بعيدا عن فشل الحكومة و مين السبب و اصل لو كان و الكلام ده
ايه رؤيتكم للخيارات المطروحة و لو فى حل شايفينه ايه هو ؟
لان الموضوع ده مهم جداااااااااااااااا لو مش لينا لعيالنا كمان 15 او 20 سنة

**AmAhmed** · 03-03-2011 01:38 PM

اعتقد ان التعامل مع هذه القضية يكون باستراتيجة لها عدة محاور
1- شغل سياسي و اعلامي دولي علي صعيد الاتفاقيات و الندوات
2- رشاوي اقتصادية و استثمارية للدول دي و دعم الحركات الاحتجاجية و المعارضة حتي ينشغلوا بانفسهم
3- تدخل عسكري في شكل عمليات سرية مخابرتيه يعني اللي يركب دامغه و يبني حاجة فيها ضرر لينا يبقي تتفجر في هدوء بعمل تخريبي بسيط و عن طريق عملاء مش شرط مصريين
4- اللي بيدفع الدول دي هي اسرائيل و زي ماهي بتحاول تمسكنا من ايدينا اللي بتوجعنا ، اسرائيل لها مليون ايد بتوجعها و نقدر نلويها.

و بكده يكون كل خيارات الاستطلاع مطلوبة للتعامل مع القضية

**jisso82** · 03-03-2011 02:20 PM

اللجوء للمنظمات الدولية و التحكيم الدولى و أعتقد إن عندنا من الوثائق ما يدعم موقفنا

**aly_hosny** · 03-03-2011 02:30 PM

المشاركة الأصلية كتبت بواسطة jisso82

اللجوء للمنظمات الدولية و التحكيم الدولى و أعتقد إن عندنا من الوثائق ما يدعم موقفنا

مش ابو الغيط ضيعها

**semsem67** · 04-03-2011 03:09 AM

للأسف لا يمكن اللجوء للتحكيم الدولي لأن أول شرط من شروطه هو موافقة طرفي النزاع على التحكيم وليس طرف واحد يعني مينفعش دولة تشتكي دولة وإنما لازم الدولتين يوقعوا اتفاق مشارطة التحكيم أولا وهو طبعا ما لن يحدث