الموضوع: حد يعرف ميكانيكي رينو بالعاشر من رمضان

يا جماعه علشان شغلي في العاشر قررت الإنتقال للعيشه فيها خاصةً إني من قاطني القاهره فكان المشوار بياخد حوالي ساعتين ذهاباً وساعتين أياباً فقررت أوفرهم من عمري ده غير خنقة الطريق
المشكله إني كل لما أتعامل مع حد في العاشر إحس إنه عديم الخبره وعايز فلوس وبس إلا من رحم ربي طبعاً ولحد دلوقتي مش لاقي ميكانيكي كويس أقدر أعتمد عليه خاصةً إني ناوي أغير السيور بما فيها سير الكاتينه والبليه بتاعته بس مش عايز حد يفتي
والحل إما إني أروح الحرفيين وده أقرب مكان ليا أو الاقي ميكانيكي كويس في العاشر

محدش يعرف الظاهر إني هضطر أنزل القاهره علشان أغير الحاجات ديه وأمري لله