الحزب الوطنى

الحزب الوطنى الديموقراطى
يا مخلى راس الشعب تطاطى
لامم كل زبالة الدنيا
جبت الهتيف ويا الحريف
وكمان التافه ... جنب الواطى

............................................*

جمال مبارك ...ايه اخبارك
احكى يا جيمى ع اللى جرى لك
علاء كان اجدع منك وسلم
وانت بعنادك رافض تسلم
وتنسى حكاية عزبة ابوك
اللى وارثها ومتفصلة لك

............................................

صفوت صفوت ... يا ابن الشريف
عمرك ابدا ما كنت شريف
طول عمرك انت بتبنى حصونك
لابس ... قرونك
وعامل فيها وطنى ...عفيف

.................................................. ......*

احمد يا عز يا ملك الدرامز
ياريتك فضلت الواد اللى مز
فضلت فى طريقك و فنك بعيد
لا سرقت ارض ...لا خدت حديد
وياريتك فضلت تهز يا عز

............................................

على الدين يا ابن هلال
ازيك يا علوة وازاى العيال
مهما جمعت كوام الفلوس
حاتفضل فى عينا نحس .. منحوس
غسلت ياما عقول الرجال
وصرفت كام ع المونديال

.................................................. ......

نايب دايرتنا مفيد شهاب
طريقك يا ولدى كله هباب
عملت دعاية شوف اد ايه
وطلقت كلابك فى محرم بيه
وخدت يا ابنى من ده ايه
غير بس وكسة وحسرة وعذاب

زياد ...