عرض للطباعة
معايا عربية 125 بتاعت والدي مكنه 1600 اتنين كامة بتاعت ال132 المكنه حالتها كويسه جدااااااااااااااااااااااا بجد
الاسبوع الي فات رحت اركب اسطوانه وديسك وبليه بعد مافك المكنه لقا الديسك مشروخ ولو اني مش مصدقه بس غيره وجاب واحد تاني وبلية دبرياج جديده وملى الاسطوانه وبعد كل ده المكنه عزمها سيئ جدااااااااااااااااا وغيرت سير كتينه وبلية كاتينه كمان مش عارف في ايه بقا حد يقولي وشكرا ده الشاهين الي 1400 واحد كامه اشد منها بكتير :majd(4):
عزمها ف المطلع ضايع ؟؟
ولا مابتجريش ؟؟
شوف كبس الماتور سليم و لا بيهرب ؟!
فالطلعه بتاعتها ضعيفة جدا مبتفركش كده متحسش بقوتها لكن بتجري عادي واشوف كبس الموتور ازاي
يعنى انت غيرت ديسك اللى هو اغلى حاجة وغيرت بلية
وبعد ده كله تملى الاسطوانة ؟؟
ملى الاسطوانة ده هجص طبعا
كان لازم الطقم ييجى جديد على بعضه
ممكن اعرف من حضرتك الحاجات دي الواحد يعرف ازاي انها عايزه تتغيراقتباس:
المشاركة الأصلية كتبت بواسطة amrelsaqqa
مع العلم انا معايا شاريد 1300 - موديل 92
سحب العربيه ممتاز وبتفرك وفي المطالع اللهم صلي على النبي زي الفل
هل في طريقه تانيه اعرف بيها
انا عندي بس ان دواسة الدبرياج عاليه ساعات في الزحمه اكون مدي العربيه الأولاني ودايس دبرياج عالاخر والعربيه عايزه تمشي و يحصل رجرجه اقوم ممورها ومديها الاولاني تاني تتظبط
انا معنديش خبره ومش عايز الميكانيكي يعمل حاجه تخليني أزعل منها عشان عندي كل حاجه بتاع الفبريكا
وأسف لصاحب الموضوع اني استغليت موضوعه
طالما انت وصفت ان العزم كويس وفي المطالع كويس والفرك كويس وفي الطلعة مفيش رجةاقتباس:
المشاركة الأصلية كتبت بواسطة qmax
يبقى خلاص الدبرياج كويس
وما تحاولش تختبره اكتر من كدة لأن اختباره نفسه هو اللى بيقصر عمره
بس قلل من الفرك والسواقة العنيفة والاحمال الزيادة لو عايز تحافظ عليه اطول فترة ممكنة
وما تدوسش الدواسة للاخر و العربية ماشية في الزحمة او واقفة في اشارة لان ده بيعمل احتكاك ويبوظ الاسطوانة ( مع انه نظريا المفروض الدوسة للاخر بتفصل الدبرياج تماما بس اللى بيحصل واقعيا مش كدة عشان بيبقى مستوى الدواسة مش مظبوط بشكل صحيح وماحدش بيقدر يدوس لدرجة انه يفصل تماما )
يعنى بدل ما تدوس دبرياج في الزحمة ، يبقى يا تفرمل وتسيب العربية تمشى سلانسيه على غيار 1 او 2
يا اما تمور بس التموير ممكن يكون خطر لو في نزلة مثلا او حاجة لأنك هتلاقى العربية مش محكومة
اهم حاجة طول ما العربية دايرة ما تدوسش الدواسة للاخر الا في نقل الغيارات او لما تكون العربية خلاص هتقف وهتبطل وماتستعملش الدبرياج كفرامل وخلى بالك احيانا الدوسة على الدبرياج بتخلى العربية تجرى مش تهدى
وبرضه اتأكد من سرعة السلانسيه لانها لو عالية هتعمل خشونة في الدبرياج وتلاقى العربية عايزة تتحرك حتى لو دايس على الاخر وتلاقى عضة في المارشدير وبرضه اتأكد من رجلاش الدواسة كويس عند اي ميكانيكى
اتأكد من بلى العجل والفرامل ممكن تكون قافشة شويةاقتباس:
المشاركة الأصلية كتبت بواسطة magedtohami
لازم يكون العجل ناعم تماما معاك عشان العربية تفرك وتحس بيها في الطلعة
واتأكد من ظبط الكهربا والكربراتير كويس وخصوصا الكهربا والبوجيهات لأنها بتأثر في عزم الموتور جامد
اقتباس:
المشاركة الأصلية كتبت بواسطة amrelsaqqa
الله ينور عليك
السلام عليكم
ان كان عندى نفس مشكلة صاحب الموضوع ، وعمل زية حسب كلام الميكانيكى وغيرت طقم الدبرياج كله جديد
ولم يتحسن السحب
واليك حل مشكلتى لعلها تكون حلا لمشكلتك
زود الكهرب من الاسبراتير ، وغير المكانيكى لاخر بيفهم احسن
السلام عليكم ورحمة الله
ويارب ييسر لمصر الخير والرشاد
عربيتي اكسيل 1500 مو 95
تم بحمد الله تعالى فتح الموتور
والحمد لله لقيت الشمايز سليمه والكرنك ومخرطوش قبل كده وكانت اول مره تحل
بس لقيت عدد 2 بستم مكسورين
واشتريت طقم بستم ستاندر وطقم شنبر وطقم جوانات
والميكانيكي هيعمل روديه للصبابات ان شاء الله
هو محلش عمود الكرنك ( هل ده عادى ولا لازم الافضل يشيلوا خالص ويكرب المكنه بره )
وهل يوجد طريقة معينه للتاكد من كلام الميكانيكي من ناحية سلامة الشمايز والكرنك
نيجي لجزء الدبرياج والفتيس
لما ركب العربيه وجربها قالى صوت الوجوجه ده من الفتيس ويفضل تغييره لانك هتغيرله بلي وغوايش وبعد شهر هيرجع تانى وتكون صرفت 200 ج مثلا اقل واجب؟
وقالى بخصوص بلية الدبرياج والديسك والاسطوانه ميبانوش الا لما يحل الفتيس وانهم ع الوضع الحالى مش باينين من ناحية حل الموتور
وان صوت النحره والعربيه واقفه ولما تدوس دبرياج الصوت يروح تكون بلية الدبرياج سليمه والعيب فى الفتيس
وحتى لو غيرنا الديسك والاسطوانه والبليه مش هتفرق معاك
ولا راي حضرتك ايه(( هو المفروض وهو حالل المكنه يشوف الدبرياج والفتيس ولا ايه الوضع بالظبط ))
اصل النقطه دى مش واضحه بالنسبه لي
السؤال بقا هل لو ظبطت المكنه حاليا وصرت لما اغير الفتيس بعد شهر او اتنين هل هيأثر بالسلب ع الموتور ؟ ولا ملوش علاقه ؟
مستنى ردودكم المفصله القيمه باذن الله تعالى
ولكم جزيل الشكر والامتنانhttp://www............com/vb/images/..._19%5B1%5D.gif
شكرا جزيلا واتضح نهائيا ان فيه مشكله فالكربراتير فالباب والاكس وجاري التصليح وبالنسبه للاخ وائل الي اعرفه حليت المكنة وطلعتها بره كله هيبان الاسطوانه والديسك وكله وغالبا انت عندك مشكله فالفتيس ودي الي عامله النحرة الي بتتكلم عنها ومدام حليت المكنه كمل بقا جميلك للاخر وصلح كل الاجزاء الميكانيكيه عشان تنتهي ومترجعش تحلها تاني وخلي بالك لما يكون الاسطوانه والديسك بايظين بيخليك تحمل عالمكنه اكبر وتتعبها اكتر ووشكرا لاهتمامكم
ربنا يخليك ويحللك كل مشاكلك يارباقتباس:
المشاركة الأصلية كتبت بواسطة magedtohami
هو سايب عمود الكرنك وبيقول هيركب على كده وان طقم الدبرياج مش هيبان الا لما الفتيس يتحل هل ده حقيقي
ولا بيكمل عادى ويبان
بص معلش انا اسف فالتأخير فالرد بس الاحسن تسأل عفشجي لان شغلته فالفتيس وفالجزئية الي انت بتتكلم فيها دي الصرراحه مقدرش افيدك :(
شكرا جزيلااقتباس:
المشاركة الأصلية كتبت بواسطة magedtohami
انا حاليا فى التليين
انا مشيت بالعربيه حوالى 240 كم وباذن الله يوم السبت هروح اغير الزيت والفلتر
1-- 240 كم اغلبهم سفر عملوا 22 لتر بنزين هل طبيعي ولا مبيبانش دلوقتى ؟
2-- الزيت النهارده لقيته ناقص حوالى نص سم عن مقاسه ( اتصلت بالميكانيكي وقالى ده طبيعي لان كارتيرة الزيت كانت محلوله وفاضيه ويمكن يكون وقع زيت منى )
انا لاحظت يا بشمهندس ان الحمد لله مفيش تسريب عندى ( ما تفسير نقصان الزيت ( زيت بترومين ابيض )
3-- فى دخان ابيض فى الشكمان خصوصا وهى بارده ؟ هل ده طبيعي ولافى مشكله
4-- وانا ع الطريق السريع لاحظت انى لما بكون على سرعة 90 او 100 فيما فوق انا مشيت مثلا على 110 للحظات
لقيت الدركسيون بيترج وبيرتعش ورعشه فى الدواسه بس مش جامده ؟ ده ايه ؟ وحله ايه ؟
الحمد لله العربيه كانت ثابته ومبتعومش او تحدف؟ لكن رعشه فوق سرعه 90
5-- (( لسه خشونة التروس وصوت الوجوجه وصوت هى هى هى هى لما بتسيب بنزين موجود )) هل مشاكل الدبرياج والفتيس تزيد الحمل ع المكنه وتتعبها ام لا .
6- العربيه ساعات بنتش ع الاول او التانى لكن مش باستمرار ؟
اسف للاطاله ومستني توضيح حضرتك نقطه نقطه وكلى آذان صاغيه
ولكم جزيل الشكر والامتنان
السلام عليكم
1- المعدل دة كويس اوى وهايزيد كمان ان شاء الله مع الوقت ويوصل لـ 12 كيلو فى اللتر انت دلوقتى 11 كيلو لكن اما الموتور يطبع شوية هايتحسن
2- بامر الله فى التغييرة الجاية اطمن ان المقاس مظبوط وكولة تمام عشان لو نقص نقدر نحكم من اية
3-الدخان الابيض طبيعى جدااااااا وعلامة من علامات قوة المكنة
4- العربية عاوزة ترصيص 4 فرد
5- حدد المشكلة اكتر لو سمحت
السلام عليكم
جزاكم الله كل خير
هو بالنسبه للترصيص بيكون للجنوط ولا لايه ؟ وايه تكلفتها ؟
وهل بيضر فى حاجه لو سيبتها كده وانا ماشي ع السرعات البطيئة اقل من 90 كم مثلا داخل البلد حيث انى سفري قليل جدا ؟
بالنسبة للفتيس
هو بينقل مظبوط لكن بحس بصوت التروس وانا بنقل وكمان العصايه بتقف لمده مثلا ثانيه او اثنتين بين حارات النقل
فى 3 اصوات بسمعهم
1- والعربيه واقفه ومموره صوت زى صوت الخرطه مثلا او زى سير بيلف وبيرزع بس مش عالى وبيروح لما بدوس ع الدبرياج
2- صوت والعربيه ماشيه مثلا زى صوت وج وج وج وج وج ولما بمور العربيه بيروح وكمان لما بدوس دبرياج وهى ماشيه بيروح
3- صوت والعربيه ماشيه بس لما بسيب رجلى من ع البنزين زى صوت هى هى هى هى هى هى
يارب اكون وضحت لحضرتك الصورة
هل تصليح الغوايش والبلي والتروس مجدى ولا بيرجع العيوب ترد تانى فى وقت قصير والافضل تغييره ؟
واسف جدا لتعبك وللاطاله
ولكم جزيل الشكر والامتنان