الفيكترا بي من 96 الي 99
-جي ال اس -مانوال -موتور 1600 سي سي 77 حصان 8 صباب كامه واحده
-سي دي -اوتوماتيك-موتور 2000 سي سي 112 حصان 8صباب كامه واحده
الفيكترا بي من 2000 الي 2003
-جي ال اس -مانوال 1600 سي سي 77 حصان كامه واحده 8 صباب
-سي دي-اوتو 1600 سي سي موتور ايكوتك 16 صباب -دبل كام
-سي دي اوتو 2000سي سي موتور ايكوتك 137 حصان 16 صباب توين كام
-سي دي اكس 2000 سي سي موتور ايكوتك 137 حصان 16 صباب توين كام
++الفرق بين موديلات قبل 99 وبعد 99 في الشكل كالاتي.
-قبل 99 الاكصدام فيه رموش سودا انما بعد 99 كله لون واحد
-قبل 99 باكتات الابواب سودا انما بعد كده بلون السياره
-قبل 99 لمبه الستوب الخلفي اسفل البرابيز انما بعد كده اعلي البرابيز
-قبل 99 الفانوس الامامي جزئين فانوس +غماز من الزجاج انما بعد 99 الفانوس والغماز كله قطعه واحده ومصنوع من الباغه
-بعد 99 يوجد بالكنبه الخلفيه مسند راس في الوسط
-بعد 99 الفوانيس الخلفيه فاميه ومختلفه شويه عن قبل كده
-بعد 99 في عتب بلون السياره
-بعد 99 الجنوط 5 مسمار انما قبل كده كانت 4
++الفرق بين السي دي والسي دي اكس
نفس الموتور طبعا بس السي دي اكس فيها مجموعه كماليات عاوزه موضوع لوحدها اير باجز-كمبيوتر اعطال بشاشه 4 سطور معلوماتيه -اندر زينون -سخانات كراسي-تعتيم ذاتي للمرايات الجانبيه-بتقفل مع السنتر لفوق.........ولاحظ ان في فرق بين الموتور الايكوتك ال2000 سي سي اللي نزل مصر من منصور اوبل واللي بيركب بره او بييجي من بره وبيسموه الموتور الاوروبي والفرق ان الاوروبي مزود بايه جي ار لاعاده تدوير العادم علشان الصحه والبيئه ..وكل موتور بينزله برنامج مختلف عن التاني في الكونترول يونت .
++نصيحه من اخوك
-عاوز تركب وتنسي اركب مانوال 1600 سي سي اي موديل شرط الحاله الجيده.
-غاوي شد وجري اركب الايكوتك ال2000 سي سي سواء كان سي دي او سي دي اكس شرط الحاله برده لانه موتور مكلف في صيانته حساس كامه -حساس كرنك -ماف -تي بي اس-ايدل كونترول .....
وربنا يوفقك..تحياتي.
المفضلات